أفضل 8 أماكن تدريب كرة القدم في الإسكندرية

إيه هي أفضل أماكن تدريب كرة القدم في الإسكندرية؟

كرة القدم ليها جاذبية خاصة، بتخلي الملايين حول العالم يسعوا للاحتراف فيها، ورغم كدا فنسبة قليلة جدًا اللي بتتميز وتقدر تحقق الهدف دا!

ودا لإنها بتتطلب توفُر 3 عوامل أساسية لأي لاعب عشان يتميز، وهما: الموهبة، والبدء في سن صغير، والتدريب على إيد مدرب محترف، فلو طفلك متوفر له أول عاملين؛ هنساعدك توصل للتالت، وهنشارك معاك دليل لأفضل أماكن للتدريب على كرة القدم في الإسكندرية، فتابع معانا.

أفضل أماكن تدريب كرة القدم في الإسكندرية

كرة القدم من الألعاب اللي بيحبها الأطفال وخاصةً الأولاد وبتكون شغف عندهم من هما صغيرين سواء موهوبين أو هاويين لعبها.

والحقيقة إن الاستمرار على ممارستها بيفيد الطفل بشكل كبير سواء في التكوين الصحيح لجسمه، وتحسن لياقته البدنية، وزيادة التركيز والدقة في إتخاذ القرارات، دا غير إنها بتزود عنده المهارات الاجتماعية والتعاون في الفريق، ودا تبعاً لدراسة اتنشرت على موقع NIH.

وفي كرة القدم بنلاقي إن مهارة المدرب بتوفر نص الطريق للاحتراف، وموهبة طفلك واجتهاده في التدريب هتساعده في الباقي من طريقه.

وعشان تجمع بين ميزة المدرب المحترف، والتدريبات الدورية؛ لازم تختار مكان التدريب صح، ودلوقتي هنقدملك دليل لأفضل أماكن تدريب كرة القدم في الإسكندرية هيساعدك في الاختيار: 

1- نادي الإسكندرية الرياضي

بيُعرف النادي أيضًا باسم “نادي سبورتنج”، وهو من أقدم وأعرق نوادي الإسكندرية، وتأسس سنة 1890 ولسه مستمر لحد دلوقتي في تقديم الأنشطة الترفيهية، والرياضية، وعلى رأسها كرة القدم.

النادي بيقبل الأطفال لتدريب كرة القدم من سن 6 سنوات وحتى 21 سنة، والتدريب بيكون لمدة 7 سنوات متواصلة؛ بهدف إخراج لاعبين محترفين في نهاية الفترة التدريبية، وبيعد مدرسة متكاملة لتعليم وتنمية مهارات الناشئين في لعب كرة القدم، ودا بيخليه من أحسن أماكن تدريب كرة القدم في الإسكندرية.

تقييمات النادي مرتفعة جدًا، وواصل لحوالي 9600 تقييم على جوجل والـ Rate بتاعه 4.6، ومن ضمن التعليقات: 

• “نادي كبير وجيد جداََ في تمرين كرة القدم والسباحة ونظيف جداََ ومنظم”.
•  “مدرب الأشبال شغال بدني ممتاز”.

ورغم كل مميزات النادي؛ فارتفاع اشتراك التدريب بيعد عيب في النادي، ودا تعليق لأحد أولياء الأطفال: “مفيش أي جديد حتى رعاية البراعم الجديدة الناس اللي بتمرن بجانب الجزء المدفوع لصالح النادي هما كمان لازم تاخذ من الأعضاء مقابل التمرين”.

وبيبدأ سعر العضوية في النادي من 450 ألف جنيه، وبالتالي بيكون مناسب للفئة فوق المتوسطة ومرتفعة الدخل فقط، والأنشطة الرياضية خاصة بالأعضاء فقط.

عنوان النادي: قسم سيدي جابر، سبورتنج.

رقم التليفون: 03/5458044.

الإيميل: [email protected]

2- نادي سموحة

نادي سموحة من أقدم نوادي إسكندرية، اتأسس سنة 1949م كنادي رياضي وترفيهي، ولا يزال مستمر لحد دلوقتي، ورئيسه هو المهندس محمد فرج عامر.

وبيعد النادي من أفضل أماكن تدريب كرة القدم في الإسكندرية، وبيشارك بفريقه في البطولات المحلية ومن بينها الدوري المصري الممتاز  لكرة القدم، وبيقبل الناشئين من عمر 10 سنوات، وبيأهلهم للاحتراف في الأندية الكبرى.

تقييمات النادي على Google مرتفعة جدًا، فمن بين 9200 تقييم، الـ Rate بتاعه 4.5، ومن بين التعليقات:

• “إدارة النادي وجميع العاملين ومدربي جميع الرياضات فوق الممتاز، وفقكم الله لما تبذلونه من عطاء ملموس لنادي سموحة الرياضي الاجتماعي، جزيل الشكر لكم”.
• “مجمع رياضي على أعلى مستوى”.

عنوان النادي: سموحة، إسكندرية.

رقم التليفون: 03/4257324.

الإيميل: [email protected] 

3- أكاديمية 7 Star 

بتعد أكاديمية 7 Star واحدة من أفضل أماكن تدريب كرة القدم في الإسكندرية للأولاد والبنات من سنة 2015.

وبتتميز الأكاديمية بوجود مدربين محترفين، وبتأهل الأطفال لمنافسة الفرق الأخرى والفوز عليها، وكمان بتجهز الموهوبين منهم للاحتراف في الأندية الكبرى.

والأكاديمية حاصلة على تقييم عالي من أولياء الأمور، فمن بين 39 تقييم، الـ Rate بتاعها 3.9، ومن ضمن التعليقات:

• “أنا الصراحة مشفتش ملاعب تانية بالنظافة دي، والمدربين محترمين جدًا”.
• “هي حلوة، أنا لسه بادئة مع ابني، الملاعب حلوة أوي، والمدربين آخر احترام وأدب”.

وبالنسبة لنظام الاشتراك فهو:

1- اشتراك أول شهر 500 جنيه شامل (شيرت، شورت، شراب، الكارنيه)، وبيضاف:

• 100 جنيه شنطة صغيرة (اختياري)، أو 125 جنيه شنطة كبيرة (اختياري).
• راين كوت ضد المطر 75 جنيه (اختياري).
• دريل مباريات كت بـ 75 جنيه (إجباري).
• تريننج بـ 250 جنيه (اختياري).

2- ومن تاني شهر هيكون الاشتراك 250 جنيه فقط صيفاً وشتاءً.

وكرة القدم للآنسات 200 جنيه شهرياً.

والحضور  بيكون قبل التمرين بنصف ساعة للاشتراك واستلام الزي 

ومدة التمرين بتكون ساعة ونص، والزي فسفوري في أسود.

المواعيد اتنين وأربعاء 6م أو ثلاثاء وجمعة 6م.

عنوان الأكاديمية: لوران شارع الإقبال، بجوار فيكتوريا كوليدج.

أرقام التليفون: 01145848482 – 01222793086 – 01065078378.

4- براعم نادي الاتحاد السكندري

تأسس نادي الاتحاد السكندري من أكتر من 100 سنة، ولا زال مستمر حتى الآن في تقديم الأنشطة الترفيهية والرياضية للأطفال والكبار، ومن ضمنها كرة القدم.

النادي بيوفر تدريب صيفي للعب كرة القدم للأطفال، وبيقبل من سن 7 سنوات بمقابل مادي مناسب، وهو 900 جنيه لأعضاء النادي، و1200 لغير الأعضاء خلال الـ 3 شهور.

دا غير تدريبات الناشئين في النادي، واللي بيختار فيها الأطفال المتميزين، وبيأهلهم للاحتراف في الفرق الكبرى، ودا بيخليه من أفضل أماكن تدريب كرة القدم في الإسكندرية.

النادي حاصل على تقييم جيد من أهالي الأطفال، فمن بين 4200 تقييم؛ الـ Rate بتاعه 4.4، ومن بين التعليقات:

• “إدارة وكباتن والله لو اتكلمنا ومهما اتكلمنا مش هنوفيلهم حقهم ربنا يبارك في المنظومة بالكامل وأتمنى التوفيق الدائم يارب دمتم بخير”.
• “ماشاء الله إدارة فنية قوية وقيادة للقطاع ماهرة، دايماً موفقين بإذن الله تعالى”.
• “مدربين على أعلى مستوى والاهتمام بالناشئين”.
• “مكان جيد لرياضة كرة القدم”.

فرع النادي الرئيسي في الشاطبي، والفرع الخاص بتدريب الأطفال في سموحة، وعنوانه: الطريق الزراعي، أبيس، أمام مبنى المحافظة الجديد، سموحة.

أرقام التليفون: 01553756777 –  01024177373 – 01227146691.

اقرأ أيضاََ: أفضل أماكن تعليم MMA في الإسكندرية ومميزاتهم. 

5- أكاديمية ناشئين مصر

بتعد أكاديمية ناشئين مصر  واحدة من أحسن أماكن تدريب كرة القدم في الإسكندرية. والأكاديمية بتقبل الأطفال من عمر 5 سنوات إلى 13 سنة، وبتقبل لحد عمر 25 سنة، وبتبدأ مع كل طفل حسب مستواه.

ومش بتكتفي الأكاديمية بتعليم الطفل وتدريبه، لكنها بتنظم العديد من المباريات الودية مع الفرق الأخرى، عشان تنمي مهارات اللاعبين بشكل عملي.

كمان بتساعد اللاعبين المتميزين، وبتسوقلهم من خلال تصوير جميع المبارايات وعرضها على السوشيال ميديا؛ عشان يوصلوا للاحتراف في النوادي الكبرى.

ومن مميزات الأكاديمية:

• بتسوق للاعبين بتوعها، ومنهم 10 لاعبين لأندية خارج مصر منهم 3 بالدوري التركي والأمريكي والماليزي. 
• بتوفر لطفلك إنه يلعب مباريات رسمية أو ودية بشكل مستمر لاكتساب الخبرات. 
• بتوفر مكافآت للاعبين المتميزين، ومبيدفعوش أي رسوم لو انضموا للقطاع. 
• بتُذاع بعض التدريبات والبطولات على قناة الحدث اليوم. 
• بتطلع كارنيه من الاتحاد المصري لكرة القدم لكل لاعب. 
• بيكون في مباريات قوية ضد أندية الدوري الممتاز. 
• بتوفر نخبة من المدربين في الدوري الممتاز. 
• بتشارك في دوري قطاعات الجمهورية. 
• بتقبل اللاعبين من عمر 5 – 25 سنة. 

وللاستفسار عن سعر الاشتراك ومعرفة مواعيد التدريب وكل التفاصيل، بتتواصل مع مدير التسويق عن طريق رقم واتساب: 01559322677.

ومن ضمن الآراء الإيجابية عنها:

• “متفائل بيهم، ابني بيلعب معاهم وبصراحة في تطور في الأداء، وإن شاء الله يكون في مستوى أفضل معاكم، وبشكركم جميعاََ، وإن شاء الله للأفضل”.
• “محترمين جداََ ومجهود كبير في مساعدة اللعيبة ونشر أخبارهم”. 
• “مدربين على أعلى مستوى، بالتوفيق للجميع فيما هو قادم”. 

والأكاديمية ليها أكتر من فرع على مستوى الجمهورية، وعنوان فرع إسكندرية في مركز شباب سموحة. 

أرقام التليفون: ⁨01011815891 – 01559322677.

الإيميل: [email protected]

اقرأ أيضاََ: قائمة بأشهر أماكن تعليم الكونغ فو في الإسكندرية وأسعارها. 

6- أكاديمية الخطيب لكرة القدم 

بتعد أكاديمية الخطيب واحدة من أحسن أماكن تدريب كرة القدم في الإسكندرية، وبتدرب الأطفال من الجنسين بنات وأولاد.

الأكاديمية بتقبل الأطفال للتدريب من سن 5 سنوات حتى 18 سنة، وبتأهلهم للوصول للأندية الكبرى والاحتراف فيها.

وعشان تساعد الأطفال يطوروا مهاراتهم في اللعب بشكل أكبر؛ الأكاديمية بتنظم مباريات ودية دورية مع الفرق والأندية الأخرى.

وبتكون مواعيد التدريب للأكاديمية الأساسية لجميع الفروع المواليد 2009 – 2020:

• فرع المشير أحمد بدوي شارع المنشا الاثنين من 8 – 10 م والخميس من 4 – 6 م. 
• ملعب سيتا الجمعة من 2 – 4 م والأحد من 6 – 8 م. 

عنوان الأكاديمية: ملعب شركة ستيا، دوران عزبة سعد، بجوار سراي ماركت، سموحة.

رقم التليفون: 01223692359.

7- أكاديمية Offside Football

وبتنضم لقائمة أماكن تدريب كرة القدم في الإسكندرية أكاديمية offside اللي بتتميز بـ :

• تقسيم اللاعبين حسب المستوى في مجموعات. 
• إقامة مباريات بصفة مستمرة مع نوادي أخرى. 
• مدربين على قدر عالي من الخبرة والكفاءة. 
• خبرة سنين في تعليم وتدريب كرة القدم. 
• وضع برنامج تدريبي لكل مستوى ومرحلة. 
• تسويق اللاعبين الممتازين لأكبر الأندية.
• تدريبات مقننة بدنياً ومهارياً وخططياً.
• إدارة على أعلى مستوى من الخبرة. 
• قبول الأطفال من 4 – 11 سنة. 
• التدريب متاح طول السنة. 

ومن الآراء الإيجابية عنهم:

• “أكاديمية محترمة والتدريب رائع وشكر خاص لكابتن كريم”. 
• “ممتازين وبيستجيبوا جداً للفيدباك”.
• “مدربين محترفين ومعاملة محترمة” .

فروع التدريب:

• فرع سموحة ملاعب نادي النصر – أمام جرين بلازا – بجوار قرية عبد المجيد للمشويات.
• فرع العصافرة مجمع ملاعب ليفربول – البحرية ش مصطفى كامل.
• فرع السيوف شارع صندوق الدعم بجوار مدرسة صقر للغات.

وللاستعلام: 01278126709 – 01098294142. 

اقرأ أيضاََ؛ أشهر أماكن تدريب كرة السلة بالإسكندرية. 

8- ملاعب الماراكانا

أنشأت أكاديمية ملاعب الماراكانا من 10 سنوات، وبتدرب الأطفال لعدد من الرياضات زي كرة السلة – كرة القدم – الجمباز – السباحة – الكيك بوكس – الباليه – الكونغ فو. 

وبتستقبل الأطفال من عمر 5 سنوات، وبتحرص على تدريب الأطفال بشكل احترافي وتجهيزهم للدخول في المسابقات، وتطوير مستواهم من خلال متابعتهم بدقة، ودا بيخليها من أفضل أماكن تدريب كرة القدم في الإسكندرية.

ومن الآراء الإيجابية على الأكاديمية:

• “مكان ممتاز وإدارة محترمة جداً وكباتن على أعلى مستوى وربنا يوفقكم ومن نجاح الي نجاح” .
• “المكان كويس ومحترم جداً وجميع العاملين فيه محترمين”.

وبيميز الأكاديمية تقديم خصومات كل فترة على الاشتراك فبيكون سعر الاشتراك الشهري معقول، ودا بيكون مناسب لأولياء الأمور.

العنوان: السيوف قبلي – عزبة دربانا – قسم المنتزة.

للتواصل: 01011779419.

الخلاصة 

كرة القدم مش مجرد مصطلحات بيفهمها اللاعب ولا حركات بيتعلمها، لكنها بتعتمد على اجتهاد اللاعب وتميزه، بالإضافة إلى طول وجودة فترة التدريب، ومهارة المدرب.

ولإن عملية اختيار المدرب هي الخطوة الأصعب؛ قايمتنا السابقة لأفضل أماكن تدريب كرة القدم في الإسكندرية هتسهلها عليك لاختيار أفضل مكان تدرب فيه طفلك.