قائمة بأشهر أماكن تعليم الكونغ فو في الإسكندرية وعناوينها

رياضة الكونغ فو هي واحدة من أقدم الفنون القتالية اللي بتجمع في تدريباتها بين قوة طفلك البدنية، والذهنية.

دا غير إنها بتطور من مرونته، وتركيزه، وهدوئه النفسي والعصبي، ودا اللي بيخلي أماكن تعليم الكونغ فو في الإسكندرية منتشرة بقوة.

فلو بتدور لطفلك على أماكن مميزة فيها مدربين محترفين، ومستوى محترم من الاهتمام، عشان تضمن له رحلة تعلم محترفة ومليانة مهارات متنوعة، بنقدملك قائمة بأشهر 10 أماكن لتعليم الكونغ فو، وعناوينها، وطرق التواصل معاهم.

فوائد رياضة الكونغ فو للأطفال

وفقاََ لدراسة اتنشرت على موقع ResearchGate اتنفذت على أطفال من عمر 7 – 9 سنوات بيمارسوا الكونغ فو، وعلى أطفال تانية مش بتمارسها، وجدوا إن الأطفال اللي بيمارسوا الرياضة دي مهاراتهم الحركية أفضل، وسرعة استجابتهم أعلى بكتير من الأطفال التانيين، خاصةََ للمتدربين الأولاد. 

دا بالإضافة لدراسة اتنشرت على موقع ScienceDirect أوضحت أهمية لعب الفنون القتالية للأطفال ومن ضمنهم الكونغ فو، واللي أثبتت إن الأطفال اللي بيمارسوها بيكون عندهم مستوى أعلى من الاهتمام، ومستوى أعلى في الذاكرة والانتباه، وحسنت عندهم الإدراك والمشاركة المعرفية بشكل كبير.

ودا بيثبت إن الكونغ فو مش مجرد لعبة، لإن فوائدها بتكون للروح والجسد بالنسبة للطفل، فبتتمثل في كونها:

• وسيلة بتساعد في التحكم في العواطف، وردود الأفعال.
• تمرين بيزود الانتباه والتركيز الشديد عند طفلك.
• تمرين على قوة النفس في الانضباط الداخلي.

دا غير كونها بتحافظ على صحة الجسم، وبتعلم طفلك احترام ذاته والآخرين، كمان بتساعد على التخلص من القلق والتوتر، وبتزود الهدوء والالتزام.

دا بالإضافة إنها مفيدة للمراهقين اللي بيعانوا من السمنة، لإنها بتأثر بشكل كبير على فقدانهم الوزن وتحسين لياقتهم البدنية وتقوية عضلاتهم ودا أثبتته دراسة على موقع NIH.

وعشان الرياضة دي بتحاكي معظم أساليب ووضعيات قتال الحيوانات، فـ دا بيخليها من الاختيارات المفضلة عند كل أولياء الأمور، فالطفل بيتدرب على كيفية الوقوف بوضعية الضفدعة، والنمر، وكمان وضعية ركوب الخيل، وكل دا بيساعده في تقوية عضلاته بشكل سليم ومرن.

من هنا، اتوفرت أماكن كتيرة في الإسكندرية بهدف تعليم الكونغ فو للأطفال بداية من عمر 4 سنوات وحتى 10 و13 سنة.

أشهر 10 أماكن تعليم الكونغ فو في الإسكندرية

بيتوفر في محافظة الإسكندرية أماكن كتير رياضية وممتعة للأطفال، لمختلف الأعمار والاهتمامات، ودا بيميزها بشكل كبير، ومن أهم الأماكن لتعليم طفلك رياضة الكونغ فو فيها هي:

1- أكاديمية Sports

تعد واحدة من أشهر أماكن تعليم الكونغ فو في الإسكندرية هي Sports Academy. ودا لإنها بتتميز بالتالي: 

• مدربين على أعلى مستوى، لضمان تدريب طفلك بشكل احترافي.
• وجود أكتر من فرع للمكان، يعني تقدر تختار الأقرب ليك.
• المشاركة في المسابقات والبطولات الدولية والمحلية.
• توفير أكتر من لعبة مفيدة وممتعة للأطفال.
• تشجيع طفلك من خلال مشاركة إنجازاته.

والأكاديمية بتوفر ألعاب مختلفة زي: الجمباز، الكاراتيه، والكونغ فو، وغيرها، بالإضافة إلى إنها مسجلة في الاتحاد المصري، يعني بتسمح لطفلك بالمشاركة في البطولات على المستوى المحلي والدولي.

والمكان بيقبل الأطفال في لعبة الكونغ فو من عمر 4 وحتى 9 سنوات، والتمرين بيكون 8 مرات في الشهر بمعدل حصتين في الأسبوع، وسعر الاشتراك 550 جنيه، ومتوفر الزيارة والحجز في أي وقت من 10 صباحاً حتى 10 مساءً. 

كمان الأكاديمية بتوفر جروب خاص بأولياء أمور اللاعبين، بهدف المتابعة والتواصل المستمر ما بينهم. كمان بتعمل ورش عمل و Events مُستضيفة مدربين، وفنيين عشان تفيد اللاعبين والمدربين معاً. 

وعلى الرغم من تصنيف بعض أولياء الأمور الاشتراك غالي بعض الشيء، إلا إن الأكاديمية بتوفر الكتير من المميزات، وبتقدم يونيفورم للاعب، دا غير إن الـ Feedbacks من أولياء الأمور بتوضح إنه مكان ممتاز، والتدريب بيفرق جدًا مع الأطفال.

عناوين الأكاديمية

1- فرع لوران: 716 شارع أبو قير – لوران – أمام توكيل زانوسى.

تليفون: 01556525537. 

2- فرع ميامي: 47 ش إسكندر إبراهيم – ميامى – أمام صيدلية المرشدي – برج الفيحاء.

تليفون: 01501674115 – 01501674116. 

3- فرع المندرة: برج البشير بجوار – حسني للمشويات مباشرة علي شارع جمال عبد الناصر.

تليفون: 01501674113 – 01501674114. 

4- فرع الإبراهيمية: فيلا 112 ش ممفيس – متفرع من ش لاجيتيه – الدخول من لاجيتيه – أمام كاربت سيتي.

تليفون: 01501686812 – 01556525536. 

5- فرع سموحة الجديدة: أول الطريق الزراعي – شارع مستشفي الكلى – أمام مدرسة تيمور مباشرة.

تليفون: 01273913589. 

اقرأ أيضاً: أشهر أماكن تدريب التايكوندو في الإسكندرية وأسعارها.

2- أكاديمية First Sport

شعار الأكاديمية هو “First Academy هتصنع من ابنك بطل رياضي”، ودا بيرجع لأنها بتوفر رياضات كتير للأطفال، زي:

• الكيك بوكس.
• الكونغ فو.
• التايكوندو.
• السباحة.
• الكاراتيه.
• الفتنس.
• الجمباز.
• الزومبا.
• الباليه.

دا غير إنها بتأهل لاعبيها لبطولات الاتحاد المصري في ألعاب الكونغ فو، والكاراتيه، والجمباز. عشان كدا بتتصدر قائمة أشهر أماكن تعليم الكونغ فو في الإسكندرية.

كمان التدريبات في الأكاديمية بتكون على مستوى عالي ومحترف بشهادة أولياء الأمور، والمدربين بيهتموا بالأطفال على المستوى الرياضي، والبدني، والنفسي.

وبتوفر الأكاديمية تدريبات مختلفة الأنواع زي: 

• الـ Private Group.
• الـ Public Group.
• الـ Summer Camps. 
• الـ Training Classes.  

المكان بيقبل الأطفال في الكونغ فو بداية من عمر 3 سنوات ونص، دا غير إنه بيقدم كل فترة عروض وخصومات قوية على الاشتراك في جميع الرياضات، ودي من ضمن المميزات اللي بتسمح لـ First Sport Academy إنها تكون ضمن أشهر أماكن تعليم الكونغ فو في الإسكندرية.

العنوان: 59 شارع 15 (أحمد حافظ سابقاً) – متفرع من شارع العيسوي – متفرع من البحر – ناصية كافيه العزيزية – برج المحبة الدور الأرضي – سيدي بشر بحري – الإسكندرية.

تليفون: 01281996659 – 01207009256.

واتساب: 01553497954 – 01151200188.

اقرأ أيضاً: أفضل 5 أماكن تدريب MMA في الإسكندرية ومميزاتهم.

3- أكاديمية XO Sport 

هدف أكاديمية XO إن “ابنك مش بس بيتمرن عشان يتعلم رياضة، ابنك هيبقى بطل”، واللي بيخليها مرشح قوي في قائمة أفضل أماكن تعليم الكونغ فو في الإسكندرية هو كونها تابعة للاتحاد المصري، وبتدخل بطولات ومسابقات في لعبة الكونغ فو على المستوى المحافظة والجمهورية، وخرجت أكتر من 100 بطل جمهورية، ومن ضمنهم أبطال عرب ودوليين.

بالإضافة إلى ميزة تقديم تدريبات في مختلف الرياضات على إيد نخبة من المدربين والفنيين المسجلين في الاتحاد، بهدف تعليم طفلك أساليب الكونغ فو باحتراف ودقة.

المكان بيقدم مجموعة من الرياضات المختلفة، زي: 

• الأيروبيك والزومبا.
• الكونغ فو.
• التايكوندو.
• الـ MMA.
• الباركور.
• الجمباز.
• الكاراتيه.

وبتتيح الأكاديمية تدريب الكونغ فو للأطفال من سن 4 و 5 سنوات فيما فوق، بمعدل 8 حصص في الشهر، أما سعر الاشتراك الشهري 475 جنيه، وبتمنح خصومات في حالة اشتراكات الأخوة.

دا غير إنها بتتميز بوجود كارنية عضوية سنوية في الأكاديمية بقيمة 75 جنيه فقط، وبتعمل خصومات توصل لـ 70%.

العناوين: 

1– فرع ميامي: شارع جمال عبد ناصر مقابل حلواني كلاسيك – بجانب مسجد عمر بن عبد العزيز – عمارة 49 – ميامي – الإسكندرية.

أرقام التواصل: 01097473971 – 01154001154.

2- فرع خليل حمادة: شارع الشهيد محمود مقلد – أول شارع شمال متفرع من شارع خليل حمادة – دوران جيهان في اتجاه القطار – عمارة رقم 15 – ميامي – الإسكندرية.

تليفون: 01090123041.

واتساب: 011410046780.

3- فرع المندرة: أبراج الشيراتون – مقابل قصر المنتزة – الدور الأول – داخل مجمع مطاعم ميتو. 

تليفون: 01080289647.

واتساب: 01141004678.

4- نادي المهندسين

واحدة من أشهر أماكن تعليم الكونغ فو في الإسكندرية هي أكاديمية نقابة المهندسين في سابا باشا. ودا يرجع لفتح نادي نقابة المهندسين أبوابه في 2016 لبدء تعليم رياضة الكونغ فو لمختلف الأعمار من الشباب والأطفال بداية من عمر 4 سنوات.

وبيقدم نادي المهندسين بالإسكندرية أنشطة رياضية معتمدة زي: 

• الـ Kick boxing.
• الكونغ فو.
• أيروبكس.
• تايكوندو.
• فيتنس.
• كرة اليد.
• الجمباز.
• زومبا.
• باليه.

سعر الاشتراك الشهري 250 جنيه يوم الأحد والثلاثاء من 7.30 – 9 مساءً.

واهتمام النقابة والمسؤولين عنها بالكونغ فو بيرجع إلى أهمية اللعبة لطفلك، فهدف النقابة هو بناء أجيال قوية وجديدة من اللاعبين، عشان يمثلوا بلدهم في البطولات والمسابقات الدولية على مستوى العالم.

ودا اللي خلاها تستعين في تدريباتها بنخبة من المدربين المتخصصين في تدريب الكونغ فو للأطفال.

والأكاديمية بتقبل أطفال المهندسين وغيرهم من غير المشتركين في النقابة أو النادي، والـ Reviews على المكان بتوضح إنه ممتاز، والمنظر رائع، وكمان فيه خدمات متنوعة. 

العنوان: نادي المهندسين – سابا باشا الإسكندرية.

للحجز والاستفسار: 01029967763، أو بمكتب النشاط الرياضي بالنادي بصالة الألعاب أمام الجراج.

5- أكاديمية كابتن محمد صلاح

من أشهر أماكن تعليم الكونغ فو في الإسكندرية، وبالأخص في منطقة العجمي هي أكاديمية كابتن محمد صلاح، ودا لإن موقع الأكاديمية بيبين مدى احترافية، واهتمام كابتن محمد بالأطفال، وإزاي قدروا يحققوا نجاحات في البطولات، ويحصلوا شهادات وميداليات في المسابقات. 

وبتشتغل الأكاديمية على تنمية مهارات طفلك النفسية والبدنية، وبتوصله لمستوى عالي من التدريبات والإتقان، وبالتالي بتساعده في تحقيق هدفه من اللعبة.

تقييم المكان على جوجل هو 4.8، والـ Feedbacks من أولياء الأمور بتشيد بمجهودات الكابتن، ونجاحه في وصول الأطفال لمستوى عالي في الكونغ فو.

والتمرين بيكون الأحد والخميس الساعة 7م، والاشتراك الشهري 180 جنيه.

الأكاديمية شغالة على مدار الـ 24 ساعة كل الأيام.

العنوان: شارع إبراهيم العوامي – جيم الأبطال – العجمي البحري – قسم الدخيلة – الإسكندرية.

أرقام التواصل: 01551340858 – 01112308814 – 03/4393509. 

6- أكاديمية تنين الإسكندرية

واحدة من مميزات أكاديمية تنين الإسكندرية، إن المسئول عنها كابتن محمد عاطف بشكل كامل، وبيتميز أسلوبه بالسلاسة في التعليم اللي بيحبب الأولاد في التدريب، بالإضافة لخبرته الطويلة في المجال، ودا بيضمها لقائمة أفضل أماكن تعليم الكونغ فو في الإسكندرية بجدارة. 

دا غير إن الأكاديمية ليها قناة يوتيوب بتقدم عليها فيديوهات عن لعبة الكونغ فو، وإزاي الأولاد المشاركين بينفذوا بعض الحركات والأساليب بشكل محترف وقوي. ومن ضمن مميزات المكان:

• التخصص، لإن المكان مش بيقدم غير رياضة الكونغ فو فقط.
• المشاركة في البطولات والمسابقات هدف أساسي.
• اللاعبين بيوصلوا لمستوى كويس في وقت قصير.
• المدرب على مستوى عالي من المهارة والاحتراف.

بالإضافة إلى إن هدف الأكاديمية هو وجود جيل مُحب للكونغ فو، وفاهم الهدف من اللعبة. ودا بيظهر في مهارة الأطفال من خلال صورهم على صفحة الأكاديمية على الـ Facebook.

الاشتراك الشهري قيمته 300 جنيه، والتمرين مرتين في الأسبوع.

العنوان: 56 شارع شهد الملكة – ميامي – الإسكندرية.

رقم التواصل: 01222245983. 

7- مركز شباب العمراوي

المركز واحد من أقرب الأماكن للناس في المندرة، ومن أبرز الحاجات اللي بتميزه:

• الأسعار فيه معقولة جداً بالنسبة للخدمات المميزة اللي بيقدمها.
• مكان هادي ولطيف، تقدر تقضي فيه وقت مع أولادك وأسرتك.
• تقديم ندوات وأنشطة كتير سواء تخص الكبار أو الصغار.
• تقديم رياضات مختلفة زي الكونغ فو والكاراتيه وغيرهم.

ومن هنا، فهو بيدخل ضمن قائمة أشهر أماكن تعليم الكونغ فو في الإسكندرية. كمان المكان واخد تقييم 4.0 على Google بمعدل أكتر من 654 Review.

ومن ضمن الـ Feedbacks إن: “القائمين على المركز ومدير المركز في قمة الذوق، والأنشطة مختلفة والجو هادىء. مكان رياضي متواضع، ولطيف لتقضية الوقت”.

كمان المكان متكامل وفيه كل حاجة، وبيوفر رياضات مختلفة من السباحة، والكاراتيه، والكونغ فو، وبيفتح أبوابه طوال أيام الأسبوع من 8 صباحاً حتى 12 بعد منتصف الليل.

وبيكون تمرين الكونغ فو يومي الأحد والثلاثاء وسعر الاشتراك الشهري 250 جنيه.

العنوان: شارع القاسم – المندرة قبلي – الإسكندرية.

تليفون: 01229635522.

8- نادي النصر لضباط القوات المسلحة

واحد من أبرز أماكن تعلم الكونغ فو هو نادي النصر للقوات المسلحة، واللي بيجمع رياضات وأنشطة عديدة منها: 

• كرة الطائرة.
• كرة القدم.
• الكونغ فو.
• السباحة.
• الكاراتيه.
• الجمباز.
• كرة اليد.

ومن مميزات النادي اللي بتخليه ينضم لقائمة أماكن تعليم الكونغ فو في الإسكندرية إنه بيقبل اللاعبين من أعضاء القوات المسلحة وغير الأعضاء.

كمان أسعار الاشتراك كويسة ومعقولة على حسب آراء أولياء الأمور، فالاشتراك للمدنيين 250 جنيه شهرياً، أما العسكريين فـ 225 جنيه.

بالإضافة إلى إن التدريب بيكون تحت إشراف كابتن عماد عيسى، وهو من أفضل المدربين في الكونغ فو.

العنوان: سموحة – امتداد كوبرى 14 مايو – أمام جرين بلازا – الإسكندرية.

البريد الالكتروني: [email protected]

9- أكاديمية Stars Sports

هي أكاديمية متخصصة لتعليم الأطفال كل فنون القتال زي الكاراتيه والكونغ فو وغيرها، وبتتميز الأكاديمية بالآراء الإيجابية عنها والمستوى الجيد للطلاب فيها والفوز بالمسابقات ومختلف الميداليات، ودا بيضمها لقائمة أفضل أماكن تعليم الكونغ فو في الإسكندرية.

والاشتراك الشهري ليها 250 جنيه، وبتبدأ من عمر 5 سنوات، بمعدل مرتين في الأسبوع.

العنوان: 73 شارع محرم بك ترام بوالينو برج البركة بلازا – بجوار فطائر دهب وأسماك زريق الدور الثاني.

التليفون: 01099550834.

10- الخليل أكاديمي

تعد من أفضل أماكن تعليم الكونغ فو في الإسكندرية ودا لسُمعتها الطيبة بين أولياء الأمور، وبتدرب الأكاديمية مجموعة من الألعاب الرياضية المهمة للطفل، زي:

• كيك بوكسينج.
• كونج فو.
• تايكوندو.
• كاراتيه.
• زومبا.
• جمباز.

وبتتميز الأكاديمية بتقييم عالي “4.9” على جوجل، ومن الآراء عنها:

• “المكان كويس وشامل ألعاب رياضية مهمة”.
• “الأكاديمية ممتازة عن تجربة”.

العنوان: فلمنج – أمام كلاسيك – بجوار مدرسة رياض الإعدادية.

تليفون: 01141953915. 

وأخيراً، الحفاظ على صحة طفلك العقلية، بتبدأ ببناء جسمه بشكل سليم، وقوي، ومن هنا فتوفير نمط حياة لطفلك فيه رياضة زي الكونغ فو هيدعمه في حياته على جميع المستويات.

عشان كدا استثمر في طفلك صح، واختار المكان الأنسب والأقرب ليك من قائمة أماكن تعليم الكونغ فو في الإسكندرية، والنتيجة هتكون طفل عنده قدرات بدنية عالية، ومشاكل طفولة أقل. فابدأ معاه دلوقتي لو سنه مناسب.