أفضل 4 أماكن تدريب MMA في الإسكندرية ومميزاتهم

طفلك طول الوقت ماسك التابلت أو قاعد قدام التلفزيون، ودا بيأثر على نشاطه البدني والعقلي بشكل سلبي؟

ممارسة رياضة من رياضات الفنون القتالية هي أفضل حل تملى بيه وقت طفلك، وتحفزه على تنظيم وقته في استخدام الموبايل والتابلت. 

ومن هنا، بنقدملك أفضل وأشهر أماكن تدريب MMA في الإسكندرية، ونظام اللعب فيها، وأسعارها، عشان تختار المكان الأنسب ليك، فتابع معنا.

ما هي رياضة الـ MMA؟

واحدة من أفضل الفنون القتالية للدفاع عن النفس هي رياضة الـ MMA. والكلمة اختصار إلى Mixed Martial Arts يعني الفنون القتالية المختلطة، ودا لإنها بتجمع في حركاتها بين رياضات قتالية مختلفة زي التايكوندو والـ Kickboxing والجودو وغيرهم.

وعلى الرغم من تأثير الرياضة على قوة العضلات وبناءها سواء للكبار أو الصغار، إلا إنها مش مشهورة زي الكونغ فو والكاراتيه وغيرها من الرياضات، عشان كدا بنلاقي إن أماكن تدريب MMA في الإسكندرية قليلة.

فوائد الفنون القتالية للأطفال

الـ MMA تعد واحدة من أفضل الرياضات القتالية، لأنها بتتكون من حركات مختلفة ومتعددة، بيتم استخدامها في باقي الرياضات زي الكونغ فو والتايكوندو وغيرهم. ومن فوائد الـ MMA خصوصاً والفنون القتالية عموماً، هي:

اكتساب مهارة الدفاع عن النفس 

من المهارات المهمة اللي ضروري يتعلمها طفلك من صغره، هي أي رياضة يقدر بيها يدافع عن نفسه ضد أي سوء أو أذى خارجي. والـ MMA واحدة من الرياضات اللي هتساعد الطفل يكتسب حركات قوية ومنظمة يقدر يحمي بيها نفسه.

زيادة مستوى اللياقة البدنية 

الرياضة في العموم من ضمن أهم الأشياء اللي بتدعم الطفل في زيادة لياقته البدنية، وبناء عضلات قوية ومرنة. 

وفي أماكن تدريب MMA في الإسكندرية، بيراعي المدرب وجود تمرينات مبدئية قبل التمرين تساعد الطفل في بناء عضلاته بشكل سليم، ومع الوقت بتلاحظ كولي أمر زيادة مستوى اللياقة البدنية عند طفلك.

تعلم مهارة الانضباط 

أطفال كتير بسبب الانفتاح والتكنولوجيا بيتعرضوا للعصبية، ودايما عندهم متطلبات كتيرة من غير انضباط أو ضبط للنفس. 

والفنون القتالية بأنواعها هي واحدة من أهم الرياضات اللي بتساعد طفلك في اكتساب مهارة الانضباط وتحمل المسؤولية مع الوقت. ودا يرجع لأساليب التمرين والتدريب

عشان كدا اختيارك كولي أمر لأفضل أماكن تدريب MMA في الإسكندرية، موضوع يستحق البحث.

تعزيز الثقة بالنفس 

مع التدريب المستمر، ومعرفة طرق الدفاع عن النفس، بيكتسب طفلك تلقائياً مهارة نفسية مهمة، وهي ثقته في نفسه.

ودي من ضمن الفوائد اللي بتدعمه في حياته اليومية بشكل عام، وبتساهم في تكوين شخصيته بطريقة كويسة، كمان بتزود من قوته العقلية.

أقرأ أيضًا: أشهر أماكن تدريب التايكوندو في الإسكندرية وأسعارها

أفضل أماكن تدريب MMA في الإسكندرية

بنلاقي إن الأماكن المتميزة في تدريب رياضة الـ MMA بتنحصر في:

1– أكاديمية TROOPS MMA

الأكاديمية بتتميز بتعليم أكتر من رياضة في الفنون القتالية، زي:

1. الـ Kickboxing.
2. الـ Grappling.
3. الـ Jiu Jitsu.
4. الـ Boxing.
5. الـ MMA.

دا غير إنها بتقدم تدريبات في جميع الرياضات للسيدات والأطفال والرجال، بهدف بناء جسم صحي وبنيان قوي.

الأكاديمية واحدة من أفضل أماكن تدريب MMA في الإسكندرية، فهي بتقبل الأطفال بداية من عمر 14 سنة، وسعر الاشتراك بيختلف على حسب عدد الحصص، فبنلاقي:

• اشتراك الحصة الواحدة = 100 جنيه.
• اشتراك الـ 8 حصص = 500 جنيه.
• اشتراك الـ 12 حصة = 600 جنيه.
• اشتراك الـ 16 حصة = 700 جنيه. 

أما مواعيد التمرين للمستويات المبتدئة والمتوسطة بتكون أيام السبت، والاثنين، والثلاثاء، والأربعاء من 7.30 إلى 9.00 مساءً.

والتدريبات بتكون على أيدي مدربين مميزين في مجال الفنون القتالية، وعندهم خبرة في التعامل وتدريب الأطفال، مع مراعاة حدود السلامة.

ومن ضمن الآراء اللي أجمع عليها متدربي الـ MMA واللي بتخلي أكاديمية TROOPS واحدة من أفضل أماكن تدريب MMA في الإسكندرية، هي:

• “مكان محترم بجد وكابتن حسن وكابتن رمضان من الكباتن المحترمة والمميزة جداً في المجال، وروح المكان حلوة. أتمنى التوفيق دايما إن شاء الله.”
• “اتدربت هناك لمدة 3 أشهر تقريبًا، وكان من أفضل الأماكن في الإسكندرية لفنون القتال. أفضل المدربين لرياضة الكيك بوكسينج والملاكمة.”
• “تدريب فنون القتال المختلطة، أفضل المدربين على الإطلاق، وأفضل فريق. البرنامج التدريبي رائع، والأهم من ذلك إننا عائلة في تروبس.”
• “أفضل مكان لـ MMA، ستجد عائلة وإخوة داخل هذا المكان.”
• “مدربين ممتازين وتجربة رائع.”

العنوان: 9 هاني مصطفى كامل – أبو النواطر – سيدي جابر – الإسكندرية.

رقم التواصل: 01153214806

2- أكاديمية Cannibals MMA

واحدة من مميزات الأكاديمية اللي بتخليها ضمن قائمة أفضل أماكن تدريب MMA في الإسكندرية هي اهتمامها بتخريج أبطال ولاعبين محترفين في رياضة الـ MMA، وبنلاقي إن المكان بيقدم مجموعة مختلفة من الفنون القتالية المختلفة، زي:

• الـ Boxing.
• الملاكمة.
• الـ MMA.

الأكاديمية واحدة من أشهر أماكن تدريب MMA في الإسكندرية، فهي بتقدم محتوى تعليمي وتوعوي عن رياضة الـ MMA، وتعريف القوانين والأساليب المتاحة في اللعبة. وبتطبق دا خلال التدريبات الرياضية اللي بتكون على يد مدربين متخصصين في اللعبة.

المكان بيستقبل الطفل بداية من عمر 14 سنة، بهدف إن جسمه يقدر يتحمل التدريبات العادية والمكثفة، وعشان يساعده يبني عضلاته بشكل أفضل في سن المراهقة.

ومن الـ Feedbacks عن المكان إن التدريبات فيه كويسة جداً، وعلى مستوى عالي من الاحتراف، كمان الكباتن عندهم خبرة وسِعة صدر خلال التمرين.

مواعيد تدريب الـ MMA هي الأحد، والثلاثاء، والخميس من الساعة 8 مساءً، أما سعر الاشتراك الشهري فهو 600 جنيه.

العنوان:

569 مصطفى فهمي – العاقصة وباكوس –  جليم جلوبال – جيم شارع أبوقير –  قسم ثان الرمل – الإسكندرية.

رقم التواصل: 01284592459

3- أكاديمية كابتن ربيع منصور

واحدة من أشهر وأفضل أماكن تدريب MMA في الإسكندرية، ودا يرجع لإنها بتتبع أسلوب خاص من الإلتزام والجدية في التدريبات. بالإضافة إلى إنها بتوفر أنظمة تدريبية بتساعد الطفل في:

1. التعامل مع فرط الحركة، وتشتت الانتباه.
2. اكتساب الثبات الانفعالي.
3. تعلم الدفاع عن النفس.
4. تعديل وتقويم السلوك.
5. تنظيم الوقت والأفكار.
6. رفع اللياقة البدنية.
7. بناء الثقة بالنفس.

دا غير إن هدفها الأول والأخير من تعليم الطفل رياضة الـ MMA هو الدفاع عن النفس ضد أي اختطاف أو تحرش باستخدام كافة أعضاء الجسم بطرق احترافية.

كمان بتدرب اللاعبين على تقنيات ومهارات مختلفة، بهدف تفريغ الطاقة بشكل مدروس، واللي بيساعدهم مع الوقت على كسر حاجز الخوف والدفاع عن النفس بدون تردد.

ومن ضمن مميزات المكان كواحد من أفضل أماكن تدريب MMA في الإسكندرية، إن  ولي الأمر بيلاحظ مع الوقت تغيير في سلوك الطفل نفسياً وبدنياً.

قيمة الاشتراك الشهري في الأكاديمية موحدة لجميع الأعمار، وهي 300 جنيه شهرياً بمعدل 3 مرات في الأسبوع. أما الأوراق المطلوبة لتسجيل اللاعب في الأكاديمية، فهى:

1. صورة شخصية للاعب.
2. صورة بطاقة ولي الأمر.

الأكاديمية بتقبل اللاعبين بداية من 5 سنوات لحد 60 سنة، ودي من ضمن المميزات اللي بتخليها من أشهر أماكن تدريب MMA في الإسكندرية.

مواعيد التدريب في أكاديمية كابتن ربيع منصور 

مواعيد وأيام التدريب بتختلف على حسب السن، فبنلاقي:

1- أعمار من 5 حتى 9 سنوات

مواعيدهم هي أيام الأحد – الثلاثاء – الخميس، من 3:30 حتى 5:00 مساءً.

2- أعمار من 10 حتي 12 سنة 

مواعيدهم هي أيام الأحد – الثلاثاء – الخميس، من 6:00 حتى 7:30 مساءً.

3- أعمار 13 حتى 15 سنة 

مواعيدهم هي أيام الأحد – الثلاثاء – الخميس، من 2:00 حتى 3:30 مساءً.

بالإضافة إن المكان بيتيح مواعيد تدريب للكبار فوق سن الـ 16 حتى 60 سنة، وبتكون التمرينات إما مختلطة أو منفصلة.

ومش بيشترط وجود زي خاص للتمرين ولكن الملابس الرياضية المريحة لطفلك هتكون أفضل اختيار.

ومن ضمن الآراء اللي بتخلي الأكاديمية تتصدر قائمة أفضل أماكن تدريب MMA في الإسكندرية، هي:

• “إحنا بنحسد نفسنا على وجود كابتن ربيع منصور؛ لإنه بيرفع مستوى لياقتنا جداً، وبيدربنا على الأساليب المختلفة للدفاع عن النفس بأبسط الطرق.”
• نادي مذهل مع مدرب خبير يتعامل باحترافية مع جميع الأعمار. لا تتردد في المشاركة وابدأ خطوتك الأولى للدفاع عن النفس.”
• “أفضل كابتن بالإسكندرية كابتن ربيع منصور، لإنه بيعلمك ازاي تدافع عن نفسك، دا غير إنه وبجد شخصية عظيمة جداً جداً.”
• مكان رائع، وكابتن برديس محترفة، وعندها ضمير وصبر.”

العنوان: شارع عبد المعطى الخيال‎ – الأزاريطة والشاطبي –  باب شرقي – الإسكندرية.

رقم التواصل: 01222870489

4- أكاديمية Hero Sports

واحدة من مميزات الأكاديمية إنها بتقدم الفنون القتالية في صورة أنشطة صيفية للأطفال، بهدف قضاء وقت فراغ ممتع ومفيد لطفلك، ودا بيسمح لها تكون ضمن أفضل أماكن تدريب MMA في الإسكندرية.

لإن كمان التدريبات بتتم على يد مدربين متخصصين في الفنون القتالية، وعندهم خبرة واسعة في تدريب الأطفال والكبار.

دا غير إنها بتوفر تدريبات في ألعاب مختلفة، زي:

1. الكروس فيت.
2. الوينج تشون.
3. الجوجيتسو.
4. المصارعة.
5. الكونغ فو.
6. الملاكمة.
7. الـ MMA.

ومن ضمن المميزات اللي بيكتسبها الطفل خلال تدريب الـ MMA في أكاديمية Hero، هي:

• تنمية مهارة التواصل عند الطفل عن طريق اللعب مع أطفال آخرين.
• تعلم حركات قتالية تساعد في الدفاع عن النفس بطريقة آمنة.
• دراسة الحركات الأساسية، والتقنيات الخاصة بالـ MMA.
• زيادة التركيز الذهني، والتحكم في ردود الأفعال.

التدريبات بتكون متاحة في المكان للأطفال في جميع المستويات سواء مبتدئ أو متوسط أو محترف، وأسعار الاشتراكات بتكون معتمدة على مستوى الطفل والمجموعة اللي هينضم إليها.

أما مواعيد التدريب بتكون أيام الاثنين والخميس الساعه 5 مساءً.

ومن ضمن الآراء اللي بتدخل الأكاديمية قائمة أفضل أماكن تدريب MMA في الإسكندرية:

1. “المدربين متميزين، والمستوى احترافي، والمكان جميل جداً. تشرفت بلقائكم والمشاركة معكم وأتمنى لكم التوفيق إن شاء الله.”
2. “مكان رائع، وناس محترمة، والكابتن رمضان محترف طبعاً. ربنا يوفقه ويوفقنا معاه.”
3. “بصراحه كان يوم جميل بروح الجماعة، واجمل كباتن وأجمل أساليب.”

العنوان: 6 شارع عبد المنعم الأنصاري – 309 أمام البوابة الرئيسية لنادى سموحة – فوق محل القلعة الإسلامية – سموحة – الإسكندرية.

رقم التواصل: 01002173100

الـ MMA واحدة من الرياضات المغمورة وسط الفنون القتالية المتعددة، على الرغم من فوائدها، وأهميتها في تعزيز المهارات المختلفة عند الطفل.

عشان كدا مهم تختار بين أماكن تدريب MMA في الإسكندرية، بتأني وصبر، بهدف تحديد أفضل مكان تكون مطمئن فيه على طفلك.