بتدور على أماكن كورسات فرنساوي في الإسكندرية؟
اللغة الفرنسية واحدة من أهم اللغات، وأكثرها انتشاراً في أماكن كتير على مستوى العالم، وفي مصر بنلاقي الفرنسية هي اللغة التانية في الدراسة بعد اللغة الإنجليزية، وعدد كبير من الطلبة بيميل لدراستها، لسهولة قواعدها وجمال نطقها، وبيقرروا إتقانها بشكل أساسي.
ومن هنا بيبتدوا يدوروا على مراكز تعلم اللغة دي، ولو أنت من سكان الإسكندرية ففي المقال دا بنقدملك أبرز الأماكن اللي تقدر تتعلم فيها فرنساوي في إسكندرية، وبنوضح أسعارها، ونظام الدراسة فيها لعام 2024، فتابع معانا.
أبرز 3 أماكن كورسات فرنساوي في الإسكندرية
انتشرت كورسات اللغات في كل المدن، ومن ضمنها محافظة الإسكندرية اللي كان ليها نصيب كبير من الأكاديميات والمعاهد لتعليم اللغات المختلفة وعلى أحسن مستوى، ومن أبرز المراكز اللي بتعلم فرنساوي بنلاقي:
1- المركز الثقافي الفرنسي
من أهم وأفضل أماكن كورسات فرنساوي في الإسكندرية، والمركز مِلك لفرنسا في مصر؛ هدفه يكون مقر لنشر الثقافة الفرنسية، ووسيلة لتبادل المعرفة بين البلدين.
تم إنشائه سنة 1967م، ومقره عبارة عن فيلا أثرية في وسط الإسكندرية، وبيقدم دورات للغة الفرنسية بدايةً من المستوى المبتدئ للمستوى المتخصص، وهي دورات بتناسب كل الأعمار من الأطفال للكبار.
وبيضم الفريق التعليمي بالمعهد أكتر من 40 معلم مؤهل لتقديم تعليم يناسب احتياجات الدارسين، وبيكون نظام التعليم إما بالحضور الكامل أو عن طريق الإنترنت في محاضرات تفاعلية.
وبيقدم المعهد دورات لتعلُم اللغة الفرنسية للأطفال، والمراهقين، والكبار، بتشمل إتقان اللغة شفهي وكتابة، والدورة بتكون عبارة عن 14 مستوى، كل مستوى بيكون حوالي 40 ساعة إجمالي متقسم على محاضرات مدتها من ساعتين لـ 3 ساعات، ودا بيخليه من أهم أماكن كورسات فرنساوي في الإسكندرية، لإنه بيعتمد على تنوع الدورات وعدد ساعات كافية لإتقان اللغة.
والدورات دي بتنقسم إلى:
1- دورات الصغار
الدورات بتتحدد على حسب عمر الطفل ولو عنده خلفية أو لأ؛ بس بشكل عام متاح من عمر 7 سنوات لـ 17 سنة.
وبتكون دورات اللغة الفرنسية العامة للصغار خلال السنة الدراسية، أو مكثفة في الصيف، وكل مستوى بيكون 20 ساعة تدربيبة، ومتقسمة على 16 مستوى، سعر المستوى 1700 جنيه مصري.
وفي حالة دراسة الطفل باللغة الفرنسية، بيعدي باختبار تحديد مستوى قيمته 300 جنيه، وبتتحدد الخطة بناءً على مستواه.
2- دورات البالغين
بيقدم المعهد عدد من الدورات في مختلف المجالات للاستفادة من اللغة للدراسة أو العمل، وامتحان لتحديد المستوى بدون شهادة بسعر 300 جنيه “إجباري مهما كان المستوى”.
ومن ضمنها:
دورات اللغة الفرنسية العامة التمهيدية
الدورة مناسبة لاكتشاف اللغة، ومعرفة المبادئ الأساسية لإتقانها والتعمق فيها، مدتها 20 ساعة، مرتين في الأسبوع لمدة 5 أسابيع، سعر الدورة 1700 جنيه.
دورات اللغة الفرنسية العامة
متقسمة لـ 15 مستوى بعد الدورة التمهيدية؛ وبيكون نظام التعليم وفقاً لإطار أوروبي مرجعي موحد للغات CECRL، والتقسيمة كالتالي:
- مستوى اكتشافي A1: من مستوى 1 لمستوى 3 (40 ساعة لكل مستوى).
- مستوى متوسط A2: من مستوى 4 لمستوى 6 (40 ساعة لكل مستوى).
- مستوى مستقل B1: من مستوى 7 لمستوى 10 (40 ساعة لكل مستوى).
- مستوى متقدم B2: من مستوى 11 لمستوى 15 (40 ساعة لكل مستوى).
بمعدل محاضرتين أسبوعياً، مدة المحاضرة ساعتين ونصف لـ 3 ساعات، والسعر 3000 جنيه، وبيكون في خصم 300 جنيه لو اتدفع قبل بداية الدورة بأكتر من أسبوع.
دورات تحضيرية لاجتياز اختبارات الـ DELF
بيوفر المعهد دورات لاجتياز دبلومات DELF، بنظام الـ IFE للتدريب على أسلوب الامتحان، مقسمة إلى:
- مستوى A1 & A2، لمدة 10 أسابيع، 20 ساعة تدريبية، مرة أسبوعياً.
- مستوى B1 & B2، لمدة 12 أسبوع، 30 ساعة تدريبية، مرة أسبوعياً.
الدورة التمهيدية TRAFA (الدبلوم المهني في الترجمة الفرنسية/ العربية)
بيقدم المعهد الفرنسي في الإسكندرية بالتعاون مع جامعة لوميير ليون الفرنسية دورة للحصول على دبلوم مهني في الترجمة الفرنسية/ العربية؛ وتنقسم الدبلومة لـ 3 مستويات، بمعدل 154 ساعة للمستوى.
ومن مميزات الدبلومة إنها بتمكن الطالب من إتقان تقنية الترجمة، وأهم المصطلحات الفرنسية من خلال مجموعة من النصوص: مقالات صحفية، والنصوص القانونية، والاقتصادية، والعلمية.
الدورة التأهيلية للدراسة الجامعية
إذا كنت بتخطط للدراسة في فرنسا أو الالتحاق بالأقسام الفرنسية في الجامعات المصرية، بيقدم المعهد دورة للاستعداد للدراسة من خلال: التدريب على كتابة المقالات الأكاديمية، وتنمية المهارات الشفهية، وكيفية عرض المشاريع، والتدريب على تدوين الملاحظات خلال المحاضرات.
ورشة عمل العلاقات الدولية
بيقدم المعهد دورة خاصة بالعلاقات الدولية بتغطي جوانب كتير بمجال العلوم والسياسة، مدتها 20 ساعة.
الحد الأدنى لسن الطلاب 16 سنة، والحد الأدنى لمستوى اللغة B2.
ورش المحادثة
تعتمد ورش المحادثة على النقاشات، والتفاعلات، واختبارات في المواقف الحياتية المختلفة، مدة الورشة 20 ساعة، مرتين في الأسبوع لمدة 5 أسابيع.
وتم افتتاح فرع جديد للمركز حديثاً في ميامي في أكتوبر 2024، عشان يكون بؤرة جديدة لأماكن كورسات فرنساوي في الإسكندرية؛ بتضم عدد أكبر من الطلاب والدراسة فيه متاحة من سن 16 سنة حالياً، وبعد كدا هيكون متاح دورات الأطفال زي فرع النبي دانيال.
ومن الدورات المتخصصة الجديدة بفرع ميامي هي دورة متخصصة لتعليم اللغة الفرنسية لأولياء الأمور، وكانت بداية أول دورة يوم 2 نوفمبر 2024.
وبكدا نكون ذكرنا الدورات اللي بيقدمها واحد من أقوى أماكن كورسات فرنساوي في الإسكندرية، وآخر الأسعار اللي تم نشرها لعام 2024 على الصفحة الرسمية للمعهد.
وهيكون في زيادة (حوالي 20%) في أسعار كل الدورات خلال السنة الجديدة 2025.
العنوان:
الفرع الأول: شارع النبي دانيال متفرع من طريق شارع فؤاد – محطة الرمل – الإسكندرية.
الفرع الثاني: 294 شارع جمال عبد الناصر – دير مدرسة سان فنسان – ميامي، أمام الأكاديمية البحرية.
أرقام التواصل: 01285467113 – 01282300991.
اقرأ أيضاً: أشهر 9 أماكن كورسات إنجليزي في الإسكندرية وأسعارها.
2- معهد القوات المسلحة للغات
معهد القوات المسلحة من أفضل أماكن كورسات فرنساوي في الإسكندرية، دا غير إنه بيوفر تعليم عدد كبير من اللغات الأجنبية، زي: اللغة الإنجليزية، والفرنسية، والأسبانية، والإيطالية، والعبرية، والألمانية، والروسية، والصينية، وغيرها من اللغات.
وبتختلف مدة كل لغة عن التانية في عدد المستويات، وبيقدم معهد القوات المسلحة في الإسكندرية دورات كتابة ومحادثة خاصة غير الدورات العامة للغة.
وبيوفر المعهد خدماته للمواطنين بشكل عام، وبيكون بأسعار مخفضة عن المدنيين لأبناء العاملين والأطباء، والكورس بيقدمه عدد من المتخصصين في اللغة.
ومن الشهادات اللي بيحصل عليها الطلبة الخريجين من معهد القوات المسلحة للغات، الشهادة الدولية في اللغة الفرنسية DELF، ودي بتكون هدف كتير من الشباب للسفر للخارج، دا غير شهادات إتمام أي مستوى لغوي الطالب بيوصله في المادة بعد اجتيازه الامتحان، ومتاح التقديم على الكورسات من عُمر 12 سنة.
رسوم الكورسات بمعهد القوات المسلحة واحدة لكل اللغات، وبيتم الحساب على كل مستوى لوحده، لكن بتختلف عدد المستويات من لغة للتانية، وبشكل عام يعد معهد القوات المسلحة من أفضل أماكن كورسات فرنساوي في الإسكندرية بأسعار مخفضة بالنسبة للأسعار في المعاهد التانية.
ودي الأسعار المحدثة لعام 2024:
- دورة لغة فرنسية عامة 18 مستوى، بواقع 60 ساعة دراسية للمستوى الواحد، بسعر 750 جنيه للمستوى.
- سعر المستوى لعائلات ضباط الجيش 400 جنيه للفرد، و500 جنيه لعائلات ضباط الشرطة.
- دورات تأهيلية للحصول على شهادات الـ DELF & DELFـ
- مصاريف امتحان تحديد مستوى اللغة بسعر 100 جنيه.
- رسوم كارنيه المعهد 50 جنيه.
المعهد ليه 8 فروع متوزعين في الجمهورية، ومن الأماكن اللي بتتميز بالجودة والسعر المناسب بالنسبة لباقي الأماكن.
العنوان: شارع المشير سيدي جابر، الإسكندرية.
أرقام التواصل: 03/5442693 – 03/5461458.
اقرأ أيضاً: أفضل 9 أماكن لتعليم اللغة الألمانية في الإسكندرية وأسعارها.
3- معهد Berlitz
المعهد ليه فروع كتير في محافظة القاهرة، وكان له فرع في محافظة الإسكندرية، دا غير تقديمه كورسات في اللغة الإنجليزية وغيرها من اللغات، وبيختلف المعهد في نظامه عن باقي المعاهد، فبيقدم كورس اللغة الفرنسية خلال 6 مستويات فقط.
وبتكون دراسة المستوى الواحد خلال عدد ساعات محددة؛ وهي 23 ساعة، بيقسمها الطالب على عدد الأيام في الوقت المناسب له.
وامتحان تحديد المستوى بيكون مجاناً من خلال تطبيق زوم.
ورغم عدم وجود فرع حالي في محافظة الإسكندرية إلا إنه من أقوى أماكن كورسات اللغة الفرنسية في مصر وعليه آراء إيجابية من الدارسين.
ودي أسعار الكورس أونلاين لعام 2024:
- في حالة دراسة المستوى مع مجموعة من الطلاب، بيكون سعر المستوى 2000 جنيه مصري.
- في حالة دراسة المستوى بشكل فردي بيكون سعر المستوى 7000 جنيه مصري.
اقرأ أيضاً: مراكز تعليم الإيطالية بالإسكندرية| تعرف على أبرز 5 مراكز.
وأخيرًا، اللغة الفرنسية لغة سهلة وممتعة وطريق لفرص عمل كتير للشباب، فأصبح بإمكان الشباب دراستها والعمل بيها، وقدمنا من خلال المقال أهم 3 أماكن كورسات فرنساوي في الإسكندرية.
أضف تعليق