9 أماكن كورسات إنجليزي في الإسكندرية وأسعارها

أماكن كورسات إنجليزي في الإسكندرية وأسعارها

بتدور على أشهر أماكن كورسات إنجليزي في الإسكندرية وأسعارها؟

إتقان اللغة الإنجليزية أصبح مهارة لا بد منها سواء للطلاب، أو حديثي التخرج، أو حتى الشباب الباحثين عن فرصة عمل بالخارج، لإنها بقيت مهارة مطلوبة في مختلف مجالات العمل.

فبتبدأ رحلة البحث عن كورس لتعلُم اللغة وإتقانها بكل جوانبها من قراءة وكتابة ومحادثة واستماع، وفي المقال دا بنعرض قائمة بأشهر أماكن لكورسات اللغة الإنجليزية في الإسكندرية، وأهم المعلومات عنها، عشان تختار منها اللي يناسبك.

أشهر 9 أماكن كورسات إنجليزي في الإسكندرية وأسعارها

أشهر أماكن تعلم كورسات انجليزي في الإسكندرية

مدينة الإسكندرية من المدن اللي بتضم مراكز كتير وفروع لأشهر الكورسات لتعلم اللغة الإنجليزية، وهنعرض أهم المعلومات عن أشهر كورسات الإنجليزي في الإسكندرية وأسعارها، ووارد يكون في تغيير في أسعار المستويات ولكن هنعرض لك آخر أسعار تم الإعلان عنها.

1- معهد القوات المسلحة

معهد القوات المسلحة يعد واحد من أفضل أماكن كورسات إنجليزي في الإسكندرية وأسعارها، لإنه بيستعين بمدرسين أجانب عشان يكونوا متخصصين في اللكنة الأصلية، دا غير إن شهاداته معتمدة، ومعترف بيها، وبيوفر مجموعة من الكتب المميزة لإتقان اللغة.

كمان المعهد بيقدم مجموعة من الكورسات الخاصة بتعليم لغات تانية، زي: الفرنسية، والأسبانية، والصينية، وغيرها من اللغات، بمستويات مختلفة وأسعار مختلفة.

من الأماكن اللي بتمتاز كمان بالجودة والأسعار التنافسية جداً ما بين باقي المراكز.

العنوان: سيدي جابر بجوار المنطقة الشمالية العسكرية.

أما بالنسبة لأسعار الكورسات بمعهد القوات المسلحة، فهي:

  • سعر الدورة لكورس اللغة العامة حوالي 420 جنيه مصري للمستوى الواحد في كل اللغات.
  • تكلفة الدورات الخاصة زي الـ  TOEFL بسعر 500 جنيه مصري للمستوى الواحد.
  • تكلفة دورة كورس المحادثة للغة حوالي 450 جنيه مصري.
  • رسوم امتحان تحديد المستوى للطالب 25 جنيه مصري.

أما تفاصيل عن الكورس فبنلاقي:

  • بيقدم المعهد 14 مستوى للغة من خلال 4 مراحل، وبيكون مدته 60 ساعة دراسية للمستوى الواحد.
  • بيكون في دورة الإعداد لاختبار التويفل متقسم لـ 2 مستوى، 60 ساعة للمستوى الواحد.
  • بينفذ دورات المحادثة العامة بمعدل 9 مستويات.

معهد القوات المسلحة من المراكز اللي تصدرت مراكز على مستوى العالم في جودة التعليم، وكمان بيحصل الدارسين منها على شهادات معتمدة من وزارة الدفاع المدني ووزارة الخارجية.

2- المعهد البريطاني الدولي

وأنت بتدور على كورسات إنجليزي في الإسكندرية وأسعارها أكيد قابلك اسم المعهد البريطاني الدولي، ودا من أقدم الأماكن اللي بتقدم كورسات الإنجليزي في الإسكندرية، ومشهورة بارتفاع أسعارها إلى حدٍ ما.

ولكن بتمتاز بجودة التعليم في اللغات، دا غير إن المعهد بيقدم كورسات في البرمجة، والفوتوشوب، وكل ما يخص الكمبيوتر.

كمان المعهد بيقدم دورات لغة إنجليزية للأطفال والكبار لمختلف المستويات، ومعسكرات صيفية للأطفال.

العنوان: 15 مايو، سموحة، الإسكندرية.

أسعار الكورسات الخاصة بالأطفال في المعهد البريطاني

  • سعر الكورس للأطفال من سن 4 – 6 سنوات، 3900 جنيه مصري.
  • سعر الكورس للأطفال من سن 6 – 11 سنوات، 3900 جنيه مصري.
  • سعر الكورس للأطفال من سن 6 – 17 سنوات، 4700 جنيه مصري.

ينقسم النظام لـ 3 فئات، وهما فئة الإبتدائية 1 & 2، والفئة الإعدادية، ومدة المستوى الواحد 3 شهور بمعدل حضور مرة كل أسبوع.

سعر الكورس للكبار فئة المبتدئين

  • عدد 10 حصص بـ 1975 جنيه مصري.
  • عدد 20 حصة بـ 3080 جنيه مصري.
  • عدد 40 حصة بـ 5200 جنيه مصري.
  • عدد 60 حصة بـ 6950 جنيه مصري.

وبينقسم النظام لـ 7 فئات وهي:

  • المبتدئ (مستوى واحد).
  • الإبتدائية (4 مستويات).
  • دون المتوسط (4 مستويات).
  • المتوسط (4 مستويات).
  • فوق المتوسط (4 مستويات).
  • دون المتقدم (4 مستويات).
  • المتقدم (4 مستويات).

وبتكون مدة المستوى شهرين بمعدل حضور مرتين في الأسبوع، لمدة ساعتين ونصف في كل مرة.

3- أكاديمية أوكسفورد

في رحلتنا للإجابة عن إيه هي أشهر أماكن كورسات إنجليزي في الإسكندرية وأسعارها لازم نذكر أكاديمية أوكسفورد لتعليم اللغات، وكورسات الـ ICDL، والأوفيس، وغيرها من كورسات الكمبيوتر.

الأكاديمية بتقدم اللغة من خلال دبلومة بتتكون من عدد مستويات، ومنها دبلومة خاصة بالقواعد، ودبلومة للمحادثات، وغيرها.

تكلفة المستوى بتكون مناسبة لمختلف الفئات، فبيكون سعر المستوى حوالي 350 جنيه للمستوى الواحد، وبتنقسم الدبلومة لـ 3 مستويات مبتدئ، ومتوسط، ومتقدم، وكل مستوى بيكون مكون من 20 درس. 

العنوان: 387 أبو قير، بين مصطفى كامل وبولكلي، سيدي جابر، الإسكندرية.

4- مركز أمديست 

منظمة غير ربحية بتعمل على تعزيز فرص العمل والتدريب في منطقة الشرق الأوسط، وبيكون تواصل الطلاب مع المعلمين أونلاين بتقدم فيها دورات لتحسين اللغة الإنجليزية.

المكان كمان بيوفر دورات للأطفال والكبار، ودورات للمحادثة، عشان كدا كان لازم يدخل قائمتنا وإحنا بنذكر أماكن كورسات إنجليزي في الإسكندرية وأسعارها.

أسعار الدورات في مركز أمديست

  • دورة اللغة الإنجليزية العامة أونلاين بسعر 1625 جنيه مصري.
  • دورة المحادثة بسعر 1275 جنيه مصري.
  • دورة اللغة الإنجليزية للصغار بسعر 1950 جنيه.
  • رسوم المواد 450 جنيه، واختبار تحديد المستوى 200 جنيه.

مدة الدورة بيكون 4 أسابيع/ 3 أيام في الأسبوع.

العنوان: 3 شارع الفراعنة، الأزاريطة، الإسكندرية.

5- أكاديمية Not Courses

لو بتدور على كورسات إنجليزي في الإسكندرية وأسعارها تكون مناسبة فالأكاديمية دي بتوفر لك اللي محتاجه.

انتشرت أكاديمية Not Courses في السنوات الأخيرة في مصر بشكل كبير، وأصبح لها 18 فرع في محافظات مختلفة.

الأكاديمية بتقدم دورات لغة إنجليزية تفاعلية بتتيح للطلبة إتقان اللغة بسرعة كبيرة، وبيبدأ سعر الكورس من 600 جنيه للمستوى الواحد، مع خصومات خاصة في فترة الإجازات والعطلات بيعلنوا عنها على صفحتهم على الفيس بوك.

العنوان: 724 شارع أبو قير أعلى مدينة الأحلام للعب الأطفال الدور الثاني، لوران، الإسكندرية.

6- مركز Berlitz

يعد واحد من أهم مراكز الكورسات في مصر، الكورس بيكون في شكل سيناريوهات واقعية للحياة اليومية عشان الطالب يقدر يستخدم اللغة بشكل تلقائي.

الكورس بيكون عبارة عن 10 مستويات، أول مستويين بيكونوا للمبتدئين، وسعر المستوى في المرحلة دي بيكون 834 جنيه، أما باقي المستويات بتبدأ من 1600 جنيه.

ومدة المستوى بتكون من 6 لـ 8 أسابيع/ 3 أيام في الأسبوع، وسعر الفترة المسائية بيختلف عن الصباحية في التكلفة.

العنوان: 42 شارع علي ذو الفقار، كفر عبده، الإسكندرية.

7- المعهد الأمريكي للغات

سواء قابلت اسم المعهد الأمريكي وأنت بتدور على أماكن كورسات إنجليزي في الإسكندرية وأسعارها أو لا فخلينا نقولك أنه من أشهر الأماكن اللي بتقدم كورسات اللغة الإنجليزية في الإسكندرية بأسعار مميزة جدًا. 

كمان المعهد بيقدم أفضل كورسات للغات المختلفة بجودة عالية سواء للكبار أو الأطفال، إلى جانب خدمات تعليمية تانية.

كورس المحادثة للأطفال بينقسم لـ 3 مراحل:

  • مرحلة أولى 15 محاضرة مع مدرب مصري بسعر 1500 جنيه.
  • مرحلة ثانية 15 محاضرة مع مدرب مصري بسعر 1500 جنيه.
  • مرحلة متقدمة 15 محاضرة مع مدرب أجنبي بسعر 3000 جنيه.

المركز بيوفر تخفيضات وعروض للأصحاب، وبيوفر الكورس بسعر واحد لطفلين برايفت.

كورس اللغة للكبار بينقسم لـ 3 مراحل، وبتبدأ في الأسعار من 850 للمستوى لـ 1500 جنيه، وبتزيد في حالة المدرب الأجنبي.

العنوان: 18 شارع بن حوقل، سان ستيفانو، قسم ثان رمل، الإسكندرية.

8- معهد واشنطن الدولي IWI

ثامن مكان في قائمة أشهر أماكن كورسات إنجليزي في الإسكندرية وأسعارها هو معهد واشنطن اللي بيتميز بتقديم خدمات تعليمية متنوعة سواء لتعلم اللغات زي: اللغات الإنجليزية، والفرنسية، والإيطالية، والألمانية، أو أنشطة مختلفة زي: البرمجة، والجرافيك، ودبلومات المحاسبة والسكرتارية، وغيرها.

كورس اللغة بينقسم عندهم إلى:

  • 12 مستوى عام.
  • 3 مستويات محادثة.

سعر المستوى بيبدأ من 450 جنيه مصري، وبيختلف في حالة وجود محاضر أجنبي.

العنوان: تقاطع شارع شعراوي مع الترام أمام محطة ترام لوران.

فرع العجمي: شارع الهانوفيل الرئيسي بجوار مدرسة الهانوفيل الخاصة.

9- المركز الثقافي الروسي

آخر أماكن كورسات إنجليزي في الإسكندرية وأسعارها في قائمتنا هو المركز الثقافي الروسي اللي بيقدم أسعار مميزة ومناسبة للمستوى اللي بيوفروه.

الكورس بيتقدم من خلال مجموعة من المحاضرين المصريين والأجانب على أعلى مستوى، وبينقسم إلى: 

  • كورس عام: عبارة عن 14 مستوى، أول 6 مستويات بسعر 600 جنيه للمستوى، ومن المستوى السابع بيكون السعر 650 جنيه.
  • كورس محادثة: عبارة عن 14 مستوى، أول 6 مستويات بسعر 700 جنيه للمستوى، ومن المستوى السابع بيكون السعر 750 جنيه.

مدة المستوى الواحد 5 أسابيع، وحضور مرتين في الأسبوع.

العنوان: 5 شارع البطالسة، الأزاريطة، قسم باب شرق، الإسكندرية.

وأخيراً، إتقان اللغة الإنجليزية أصبح ضرورة ومهارة مطلوبة للحصول على فرص عمل للخريجين، والسفر، والعمل بمجالات مختلفة.

قدمنا من خلال المقال أشهر 9 أماكن كورسات إنجليزي في الإسكندرية وأسعارها، ودور الطالب إنه يختار منها اللي يناسبه حسب مكانها أو مصاريفها أو حتى مستوى الكورسات اللي بتتقدم عشان يقدر يحقق أقصي استفادة، ويلمس فعلًا أثر الكورسات دي.

دليل المدارس الاسكندرية

ابحث عن المدرسة واحصل علي أدق النتائج وكافة المعلومات.

إقرأ أكثر..

  • لا توجد تعليقات بعد.
  • أضف تعليق