مراكز تعليم الإيطالية بالإسكندرية | تعرف على أبرز 5 مراكز وأسعارها في 2023

اختيارك كولي أمر لأبرز مراكز تعليم الإيطالية بالإسكندرية لطفلك مهم يتبني على بعض المميزات والنقاط المحددة.

ومن هنا، بنقدملك خلال المقال قائمة بأماكن تعليم الإيطالي، والمميزات اللي بينفرد بيها كل مكان. 

وكمان خطة الكورسات والأسعار، دا غير العوامل اللي تساعدك في اختيار المكان الأنسب، فتابع معنا.

أهمية تعلم اللغة الإيطالية

تعلم اللغة الإيطالية من أسهل اللغات اللاتينية بعد الإسبانية والفرنسية، لأنها بترتبط ارتباطاً وثيقاً بلغة الرومان. ومن ضمن فوائدها، هي إنها:

• بتسهل على طفلك تعلم باقي اللغات زي: الإسبانية، والفرنسية، والإنجليزية، وغيرها.
• بتساعده في التعرف على ثقافات الموضة، والطعام، والتاريخ.
• بتزود ثقة الطفل في نفسه، لأنه بيتعلم لغة جديدة.

بالإضافة إلى إن متحدث اللغة الإيطالية يقدر يدرس في أبرز الجامعات في إيطاليا، أو يكون مترجم إيطالي، أو يشتغل في منصب كويس في المستقبل. ففي كل الحالات الإيطالية هي إضافة مميزة لابنك.

أبرز 5 مراكز تعليم الإيطالية بالإسكندرية 

من ضمن المراكز اللي ممكن تختارها بهدف تعليم الإيطالية لطفلك بالإسكندرية، هي:

1– المعهد الثقافي دافنشي

المعهد واحد من أبرز مراكز تعليم الإيطالية بالإسكندرية، ودا يرجع إلى تنوع أنظمة الكورسات، دا غير إن بنهاية الكورس بيحصل الطالب على شهادة معتمدة من جامعة فيرونا بإيطاليا.

كمان المكان بيدَرس الإيطالية للأطفال بداية من عمر 7 إلى 11 سنة، والكورس التأسيسي للأطفال المبتدئين بيكون عبارة عن مستويين:

المستوى الأول 

وهنا بيعتمد على تحصيل اللغة من الفيديوهات القصصية، والكلمات، والجمل المرتبطة بحياة الطفل اليومية.

المستوى الثاني 

ودا بيبدأ الطفل يدخل في مرحلة المحادثات، وقراءة قصص بسيطة، بجانب تعلم أساسيات تكوين الجملة.

وبانتهاء المستويين بيكون الطفل قادر يكَون جمل، ويفهم جزء كويس من الكلام لو سمع حد بيتكلم إيطالي. ودا واحد من أسباب تصدر المعهد قائمة أبرز مراكز تعليم الإيطالية بالإسكندرية.

بالإضافة إلى إن المستوى الواحد 16 محاضرة، والحضور بمعدل مرتين أسبوعياً، ومدة المحاضرة بتكون ساعتين. أما قيمة المستوى بتتكلف 900 جنيه شاملة الكتاب.

العنوان:

19 ش أحمد السكندرى – محمد نجيب – الإسكندرية.

رقم التواصل: 01553162339

2- أكاديمية أسبكت للتدريب والتطوير

الأكاديمية بتنمي مهارات الطفل عن طريق تقديمها كورسات البرمجة واللغات المخصصة للأطفال، ومن اللغات اللي بيقدمها المكان، هي:

• الإنجليزية.
• الفرنسية.
• الإيطالية.
• الإسبانية.
• البرتغالية.
• الروسية.
• الألمانية.
• الصينية.
• اليابانية.
• الكورية.
• التركية.

ودا من ضمن المميزات اللي بتخليها واحدة من أبرز مراكز تعليم الإيطالية بالإسكندرية. كمان بتتسم بتوفير أقوي المدربين المتخصصين في اللغات، وتنظيم الأعداد داخل كل مجموعة بهدف سهولة الاستيعاب.

كورسات اللغة الإيطالية في الأكاديمية بتتكون من 6 مستويات، والمستوى الواحد مدته 12 ساعة، يعني بمعدل محاضرتين في الأسبوع. أما مدة المحاضرة بتكون في حدود ساعة ونصف.

اشتراك المستوى للطفل الواحد داخل المجموعة هو 800 جنيه، أما الـ Private Classes اشتراكها 2200 جنيه. بالإضافة إن المكان بيقدم خصومات وعروض كتيرة على مدار السنة، دا غير ميزة التسديد على دفعات.

ومن ضمن الـ Feedbacks اللي بتخلي المركز واحد من أبرز مراكز تعليم الإيطالية بالإسكندرية، هي:

• حقيقي مكان في منتهى الاحترام، والنزاهة، والكفاءة. ناس محترمة، وتعامل راقي، ومدرسين خبرة عالية، ومستوى تدريس عالي. بنصح أي حد بالمكان بجد من أحسن الأكاديميات اللي ممكن الواحد يتعامل معها، ويستفيد منها. 
• معاملة ذوق جداً، والمدرسة مش بتسبني اطلع إلا وأنا فاهمه.
• أحسن وأجمل مكان بجد

العنوان: 724 طريق الحرية – لوران – الدور الثالث.

رقم التواصل: 01273104130

اقرأ أيضًا: أبرز 3 أماكن كورسات فرنساوي في الإسكندرية وأسعارها

3- مركز Egyptian American

المركز بيقدم خدمات تعليمية للصغار والكبار غير محدودة، وواحدة من أقوى المميزات اللي بتسمح له يدخل قائمة أبرز مراكز تعليم الإيطالية بالإسكندرية، هي حصوله على تراخيص من وكالات بريطانية وأمريكية وأوروبية رائدة لتعليم اللغات.

دا غير الندوات والايفنتات الـ Online مع أكاديميات دولية، بهدف اكتشاف الطفل -من عمر 7 إلى 18 سنة- للثقافات المختلفة.

المكان بيقدم أنظمة متنوعة لتعلم اللغات، زي:

• الـ English Conversation Course
• الـ TOEFL Preparation Course
• الـ IELTS Preparation Course
• الـ General English Course
• الـ Turkish Program
• الـ German Course
• الـ French Course
• الـ Italian Course

بالإضافة إن الكورسات في المركز صُممت بهدف إتقان وتحسين اللغة، بداية من أول مستوى وصولاً للمستوى المتقدم. ودا عن طريق التركيز على الـ 4 محاور الرئيسية لتعلم اللغات، وهم:

1. القراءة.
2. الكتابة.
3. الاستماع.
4. التحدث.

وواحدة من المميزات اللي بتخلي المركز من أبرز مراكز تعليم الإيطالية بالإسكندرية، هي تقديم الكورسات أوفلاين، وأونلاين على حسب رغبة ولي الأمر. 

فدورة اللغة الإيطالية في المكان بتتكون من 12 مستوى، مدة المستوى 4 أسابيع، بمعدل محاضرتين أسبوعياً. والاشتراك الشهري بيكون 1200 جنيه، بجانب 100 جنيه شاملة الـ Material المستخدمة على مدار 3 مستويات.

المجموعة بتتكون بأقصى حد من 15 شخص، والسن المتاح للدراسة بيبدأ من 15 أو 16 سنة. أما اشتراك البرايفت بيكون في حدود 5950 جنيه.

العنوان:

117 ش أحمد شوقي – محطة ترام محمد محفوظ – رشدى – الإسكندرية.

تليفون: 01065533243

4- مركز Speak UP

يعد المركز واحد من أماكن التدريب الدولية للغات، وبيتصدر قائمة أبرز مراكز تعليم الإيطالية بالإسكندرية، لأنه بيقدم كورسات اللغة الإيطالية مع محاضرين أجانب، متخصصين في مجالات التدريس والتدريب. 

ومع التقديم للمرة الأولى، المركز بيعمل امتحان تحديد مستوى للطالب، عشان يتأهل للمستوى الأنسب له. بالإضافة إلى إن الكورس بيشتغل على كافة جوانب اللغة من قراءة، وكتابة، واستماع، ومحادثة مع Native Speaker من أول مستوى.

الكورس بيتكون من 12 مستوى، مدة المستوى الواحد 16 ساعة، بمعدل دراسة شهر وأسبوع،  بيكون مرتين أسبوعياً، والمحاضرة مدتها ساعتين. أما الجروب فأقصى عدد فيه هو 10 طلاب. 

ومن ضمن مميزات المكان اللي بتخليه أبرز مراكز تعليم الإيطالية بالإسكندرية، هو قبوله للأطفال بداية من عمر 7 سنوات.

سعر اشتراك المستوى الواحد هو 700 جنيه، وبيكون فيه عروض وخصومات في حالة اشتراك الأصدقاء، أو الأخوات مع بعض.

العنوان: 48 شارع سيدي جابر – كليوباترا الحمامات – الإسكندرية.

أرقام التواصل: 01200018120 – 01286000795 – 01007043267

5- مركز Lingua Circle

واحدة من المميزات اللي بيوفرها مركز Lingua Circle عشان يكون ضمن أبرز مراكز تعليم الإيطالية بالإسكندرية، هي الشمول والتنوع. 

ودا لأنه بيركز في الدورات على اللغات الأساسية، زي:

• الفرنساوي.
• الإنجليزي.
• الإسباني.
• الإيطالي.
• الألماني.

كمان بيوفر الكورس بطريقة الـ Online والـ Offline مع مدرسين أجانب، بهدف إتقان اللغة وأساليبها بطريقة صحيحة.

أما كورس اللغة الإيطالية في المركز بيكون عبارة عن 6 مستويات، المستوى الواحد مدته 3 أسابيع بمعدل دراسة مرتين أسبوعياً. وعدد الطلاب في المجموعة مش بيزيد عن 6 أشخاص.

اشتراك المستوى الواحد داخل المجموعة بيكون 700 جنيه، أما في حالة كورس البرايفت فالاشتراك هو 2700 جنيه.

بالإضافة إلى إن المكان بيتميز بتعلم اللغة عن طريق الأنشطة المختلفة، زي الألعاب، والمسابقات، وبعض الفيديوهات البسيطة المناسبة لكل سن ومستوى. 

العنوان: 53 شارع خليل المصري – كفر عبده – الإسكندرية.

رقم التليفون: 01033463888

عوامل اختيار أفضل مركز لتعليم اللغة الإيطالية

اختيارك لأفضل مراكز تعليم الإيطالية بالإسكندرية بيعتمد على عدة عوامل، أهمها:

1- المناهج

مهم ليك كولي أمر إنك تتأكد من المنهج المستخدم في تدريس اللغة، وتوافقه مع المنهج الدولي، وإنه مناسب لاحتياجات الطفل على حسب عمره. 

كمان ضروري يكون المركز بيوفر أنشطة وألعاب تفاعلية تساعد الأطفال في اكتساب اللغة بشكل أفضل.

دا غير إن من المميزات اللي ضروري تكون متوفرة في المركز هي تحفيز الطفل، وحثه على تعلم اللغة، والتوسع في معرفة الثقافات المختلفة المتعلقة بيها. 

2- الموقع 

قُرب مكان المركز من مدرسة أو بيت الطفل من أهم عوامل الاختيار؛ ودا بهدف توفير الوقت والمجهود المبذول في الوصول إلى المكان. 

كمان البيئة جوه المكان نفسه مهم جداً تكون آمنة، ومريحة، عشان تساهم في عملية تعلم اللغة بالنسبة للطفل، كمان هتخليك كولي أمر مطمئن على طفلك. 

3- الخبرة 

خبرة المكان في تدريس اللغات، وخبرة ومهارات المدرسين في الشرح وتوضيح المعلومة من النقاط اللي لازم كولي أمر تحطهم في اعتبارك وقت اختيار أبرز مراكز تعليم الإيطالية بالإسكندرية.

ودا لإن الخبرة بتدعم توصيل منهج اللغة بشكل ملائم وفعال، وكمان بتساعد في تنمية قدرة الطفل على التفاعل، والتواصل بشكل متميز.

4- التقييم والمتابعة

وجود نظام للتقييمات والمتابعة في المركز هو واحد من عوامل الاختيار الناجح لمكان تعلم اللغات بشكل عام. ودا عشان تقدر تتابع تطور طفلك، ومدى استيعابه للغة.

فتأكد دايماً إن المركز بيعمل تقييمات دورية لمستوى الطفل، بالإضافة إلى ميزة وجود توجيهات خاصة بالأهل حول كيفية دعم أطفالهم في رحلتهم لتعلم اللغة.

5- الأسعار والمواعيد

التوافق بين السعر والمميزات اللي بيتمتع بيها طفلك في المركز شيء مهم تركز فيه كولي أمر وقت اختيارك للمكان.

دا غير إن مهم وجود اختيارات متعددة بخصوص المواعيد، بهدف المراعاة بين الجدول الزمني الخاص بالمدرسة، ومواعيد الأهل، والكورسات.

اختيارك لأبرز مراكز تعليم الإيطالية بالإسكندرية مهمة تستحق البحث والتقصي، ودا لإن اللغة الإيطالية هي واحدة من أجمل لغات العالم، وتعليمها لطفلك هيزود من مهاراته، وفرص قبوله في عالم الأعمال في المستقبل.

فاستثمر في طفلك دلوقتي عن طريق تعلم لغات مختلفة واللي من ضمنها اللغة الإيطالية.