أشهر أماكن تدريب التايكوندو في الإسكندرية وأسعارها

بتحلم تشوف طفلك بطل بيشارك في البطولات المحلية والدولية؟

رياضة التايكوندو هي اختيار مميز لطفلك بداية من عمر 4 سنوات، ودا لأنها بتدعمه في بناء عضلاته، وبتساعده يفهم إزاي يدافع عن نفسه بطريقة صحيحة. 

عشان كدا، جمعنا في المقال دا أشهر أماكن تدريب التايكوندو في الإسكندرية، فتابع معانا عشان تقدر تختار المكان الأنسب، والأقرب ليك. 

فوائد التايكوندو للأطفال

ألعاب الفنون القتالية ليها فوايد كبيرة على الأطفال، وواحدة من الألعاب المشهورة في مصر والعالم هي لعبة التايكوندو.

فوفقاً لدراسة اتنشرت على موقع APA PsycNet وجدوا فيها إن الأطفال اللي بيلعبوا تايكوندو أظهروا قدرة كبيرة على تنظيم أنفسهم، وضبط النفس بشكل كبير في المواقف المختلفة. 

بالإضافة إلى إن تدريب التايكوندو بيحسن الحالة المزاجية، والقدرة على التواصل الاجتماعي عند الأطفال تبعاََ لموقع NIH. 

ومؤخراََ كمان وجدوا إن ممارسة التايكوندو ليها تأثير على الاستجابات الاجتماعية والمعتقدات والمواقف والخبرات المعرفية للأطفال، ودا وفقاََ لدراسة اتنشرت على European Journal of Human Movement.

كل دا بالإضافة إلى إنها: 

• بتساعد الطفل في الدفاع عن نفسه بطريقة سلسة، وغير عنيفة.
• بتبني عضلات الطفل بشكل أفضل، وبتزود كثافتها.
•  بتفرغ طاقة الطفل الزايدة، بطريقة صحية ومفيدة.
• بتحافظ على لياقة ومرونة الطفل.
• بتنمي مهارات الطفل العقلية.

ومن هنا، بنوفر لك قائمة بأشهر أماكن تدريب التايكوندو في الإسكندرية، كبديل صحي لقضاء وقت ممتع ومفيد في نفس الوقت. 

ودا لإن ممارسة التايكوندو في سن صغير، بتخلي الرياضة جزء من حياة طفلك، وأسلوب حياة صحي، في عصر بيسيطر الموبايل والتابلت فيه على أولادنا.

قائمة بأشهر أماكن تدريب التايكوندو في الإسكندرية

مهم تختار لطفلك رياضة تبني عقله، وجسمه، وفي نفس الوقت يكون بيحبها. 

والتايكوندو واحدة من الألعاب اللي بتجمع مميزات كتير للطفل، ومن أشهر أماكن التدريب في الإسكندرية المعتمدة من الاتحاد المصري للتايكوندو بنلاقي:

1- نادي الإسكندرية الرياضي

النادي من بداية تأسيسه وهو بيسعى لتقديم رياضات متنوعة تساعد الشباب والناشئين للوصول لأعلى المستويات، والنجاحات البدنية.

بالإضافة إلى إن النادي بينفرد بمميزات كتير، ومنها:

• توفير رياضات مختلفة زي: كرة القدم، واليد، والسلة، والتايكوندو، والسباحة وغيرهم.
• وجود فرق خاصة، ومُدربة للمشاركة في البطولات المحلية والعالمية.
• وجود مدربين متخصصين، ومديرين فنيين لتدريب اللاعبين.

والنادي بيقبل الأطفال في لعبة التايكوندو تحت سن 12 سنة، سعياً لبناء مهارات اللاعبين وتوصيلهم للاحتراف. كمان بيوفر فرق براعم، ومدارس، ومجموعات جديدة للمبتدئين، دا غير البومزا والأحمال. ودا بيخليه من أشهر أماكن تدريب التايكوندو في الإسكندرية.

وتقدر كولي أمر تعرف كل أخبار النادي، واللاعبين، والرياضات اللي بيقدمها عن طريق الموقع الرسمي لنادي الإسكندرية الرياضي.

وبنلاقي إن تقييمات النادي على Google مرتفعة جدًا، وبتوصل لـ 9600 تقييم، دا غير إن الـ Rate بتاعه 4.6، ومن ضمن الـ Reviews إنه:

• “أفضل النوادي نظراً لمستواه الراقي، وبيهتم بالألعاب الجماعية”.
• “نادي على قدر عالي من المسئولية تجاه لاعبيه”.

عنوان النادي: قسم سيدي جابر – سبورتنج – الإسكندرية.

رقم التليفون: 03/5458044. 

الإيميل: [email protected].

2- نادي أصحاب الجياد

النادي مشهور بالفوز في البطولات في مختلف الرياضات، زي الخيل، والتايكوندو وغيرهم. ومن ضمن الأنشطة اللي بيقدمها: 

• تنس الطاولة.
• ألعاب القوى.
• كرة الطائرة.
• كرة السلة.
• كرة القدم.
• التايكوندو.
• الكونغ فو.
• الفروسية.
• الكاراتيه.

دا غير إن لاعبيه بيتميزوا بأداء ومستوى عالي في بطولات البومزا، والتايكوندو، ودا بيظهر من خلال صفحتهم على الـ Facebook باسم تايكوندو نادي أصحاب الجياد الإسكندرية، ومن هنا؛ فالنادي يستحق بجدارة يكون ضمن قائمة أشهر أماكن تدريب التايكوندو في الإسكندرية.

فالنادي بيقبل الأطفال من عمر 5 سنوات فيما فوق، والشهر بيكون 8 حصص للمدارس، بمعدل يومين أسبوعياً، والتمرينة مدتها ساعتين، وعدد الأيام بيزيد تدريجياً في حالة فرق البطولات.

أما سعر الاشتراك الشهري فبيكون 350 جنيه شهرياً للأعضاء، و 550 جنيه لغير الأعضاء.

اقرأ أيضًا: أسعار اشتراكات النوادي في الإسكندرية

ومن ضمن الـ Feedbacks على المكان: “بجد حاجة تشرف، ومجهود مبذول بكل حب. كل الشكر لكل الجهاز بقيادة كابتن مروان وكل الكباتن اللي تعبوا معانا كتير، وما زالوا بيتعبوا”.

العنوان: طريق 15 مايو – سموحة – الإسكندرية.

رقم الهاتف: 01286625004.

3- أكاديمية حسين جودة

الأكاديمية مشهورة بتصدرها بطولات التايكوندو في الإسكندرية ومصر، وأخدت 2 ميدالية برونزية سنة 2019.

وواحدة من المميزات اللي بتسمح لها تكون ضمن قائمة أماكن تدريب التايكوندو في الإسكندرية، هي إن مؤسسها كابتن حسين جودة -أحد مؤسسي لعبة التايكوندو في مصر-، وحالياً بيدير الأكاديمية مع أولاده المحكمين الدوليين في لعبة التايكوندو؛ وليد جودة وياسر جودة.

المكان بيقبل الأطفال بدايةً من عمر 4 سنوات فيما فوق، وبيكون سعر الاشتراك للطفل الواحد بداية من 600 إلى 1000 جنيه. التدريب بيكون 3 مرات أسبوعياً، وكل مجموعة بتتقسم على حسب عمر ومستوى الطفل.

الأكاديمية ليها 3 فروع في الإسكندرية في لوران وسموحة وسبورتنج.

عنوان الفرع الرئيسي: 226 شارع بورسعيد – سبورتنج – الإسكندرية.

رقم التليفون: 01148850166.

4- أكاديمية Egypt Dojo

شعار الأكاديمية (Empowering you to be the best version of yourself) واللي بتظهره بقوة من خلال فيديوهات تدريب الصغار والكبار على صفحة الـ Facebook. 

وواحدة من مميزات المكان اللي بتخليه ضمن الاختيارات الأولى لولي الأمر، إنه بيقدم تدريبات متنوعة للأطفال، زي:

• الكيك بوكسينج.
• التايكوندو.
• الكونغ فو.
• الكاراتيه.
• الجمباز.
• الجودو.

بالإضافة لإنها بتوفر مجموعات خاصة للشباب والبنات بشكل منفصل، وبتقدم تمارين في اليوجا، وجيم بمواعيد خاصة للسيدات.

والتدريبات في الأكاديمية بتكون على يد متخصصين، ومدربين على أعلى مستوى، ودا بيساعد في تقدم طفلك في اللعبة بشكل سريع وقوي.

والمكان بيدرب الأطفال بداية من عمر 5 سنوات، وبيكون سعر الاشتراك الشهري في حدود 500 جنيه، ومواعيد التدريب بتكون أيام الأحد والخميس من كل أسبوع الساعة 7 مساءََ.

العنوان: شارع 45 (محمد أنور السادات) ميامي – بحري – السكة الحديد.

رقم التليفون: 0115564060.

5- أكاديمية XO

من أهداف الأكاديمية إنها مش بس بتمرن طفلك إزاي يلعب رياضته المفضلة، ولكن إنه يبقى بطل من أبطال العالم. ودا بيسمح لها تكون مرشح قوي في قائمة أماكن تدريب التايكوندو في الإسكندرية.

بالإضافة إلى كونها تابعة للاتحاد المصري، وبتدخل بطولات ومسابقات في اللعبة على المستوى المحلي والجمهورية، وخرجت أكتر من 100 بطل جمهورية، ومن ضمنهم أبطال عرب ودوليين.

كمان الأكاديمية بتوفر تدريبات في مختلف الرياضات على يد نخبة من المدربين والفنيين المسجلين في الاتحاد، بهدف تعليم طفلك أساليب التايكوندو بمستوى عالي، واحترافي.

المكان بيقدم مجموعة من الرياضات المختلفة، زي:

• الأيروبيك والزومبا.
• الكونغ فو.
• التايكوندو. 
• الـ MMA.
• الباركور.
• الجمباز.
• الكاراتيه.

الأكاديمية بتتيح تدريب التايكوندو للأطفال من عمر 4 سنوات فيما فوق، بمعدل 8 حصص في الشهر، أما سعر الاشتراك الشهري فبيكون 475 جنيه، وبتمنح خصومات في حالة اشتراكات الأخوة، وبتوفر عروض بتوصل لـ 70%.

ومن الـ Feedbacks اللي بتخلي الأكاديمية تتصدر قائمة أشهر أماكن تدريب التايكوندو في الإسكندرية، هي:

• “المكان مميز ومحترم جداً، وكباتن على درجة عالية من اللياقة، والذوق، والاحترام. فخورين بالمكان، وكل أولادي معاكم بالتوفيق دائماََ يا رب”.
• “الكابتن عبدالرزاق وكادر التدريب؛ أثبتوا كفائتهم على المستوى الرياضي والاجتماعي، بمستوى عالي من المسؤولية”.
• “أكاديمية محترمة، وكباتن على درجة كبيرة من الخبرة، مجهود متميز مع أولادنا. جزاكم الله خيراً”.
• “إنها ليست مجرد أكاديمية رياضية، إنه مشروع تربوي ناجح، بارك الله فيكم شباب”.
• “نادي متميز ومدربين أكفاء، وعلى قدر المسؤولية”.

العناوين:

1– فرع ميامي: شارع جمال عبد ناصر مقابل حلواني كلاسيك – بجانب مسجد عمر بن عبد العزيز – عمارة 49 – ميامي – الإسكندرية.

أرقام التواصل: 01097473971 – 01154001154.

2- فرع خليل حمادة: شارع الشهيد محمود مقلد – أول شارع شمال متفرع من شارع خليل حمادة – دوران جيهان في اتجاه القطار – عمارة رقم 15 – ميامي – الاسكندرية.

تليفون: 01090123041.

واتساب: 011410046780.

3- فرع المندرة: أبراج الشيراتون مقابل قصر المنتزة – الدور الأول – داخل مجمع مطاعم ميتو. 

تليفون: 01080289647.

واتساب: 01141004678.

6- أكاديمية Alexandria Sports Development 

شعار الأكاديمية هو (أنت البطل الجديد)، ودا اللي بيخليها تكون أول مطور رياضي في الإسكندرية، كونها بتقدم كل الخدمات والألعاب الرياضية. ودا من المميزات اللي بتدخلها قائمة أماكن تدريب التايكوندو في الإسكندرية.

دا غير إنها بتقدم رياضات مختلفة لكل طفل، زي: 

• الكيك بوكسينج.
• التايكوندو.
• كرة القدم.
• السباحة.
• الكاراتيه.
• الجمباز.

الأكاديمية بتوفر للاعبيها أكتر من مكان للتدريب في الإسكندرية، زي:

1. سموحة شارع النقل والهندسة.
2. محرم بك.
3. وينجت.

ودا بيسمح لها تكون من أشهر أماكن تدريب التايكوندو في الإسكندرية، بالإضافة لبعض الألعاب سواء الجماعية أو الفردية.

المكان بيدرب الأطفال في التايكوندو بداية من عمر 4 سنوات، وعندهم نظام فريد ومختلف بالنسبة لتحديد الأسعار، لإنه بيكون على حسب سن الطفل، ومستواه في اللعبة، وكمان الفرع الأقرب ليه.

عنوان فرع الإدارة: 67 شارع خليل المصري – كفر عبده – الإسكندرية.

رقم التليفون: 15730.

7- أكاديمية First Champion

أهداف أكاديمية First Champion، واللي بتخليها واحدة من أماكن تدريب التايكوندو في الإسكندرية، هي توفير مميزات لكل ولي أمر، فيقدر:

• يكون مطمن على طفله من خلال تدريبات على مستوى عالي من الأمان.
• يشوفه بطل محترف، محقق بطولات.
• يزود ثقة طفله في نفسه.

بالإضافة إلى المميزات اللي بتقدمها لطفلك، زي:

1. تأهيله على المستوى البدني، والنفسي، والاجتماعي، بهدف المشاركة في البطولات الرسمية والودية.
2. توفير باقة من أكفأ المدربين ذوي الخبرة والمتخصصين في التايكوندو. 
3. عمل ️اختبارات شهرية ومتابعة اللاعبين، بهدف التقييم المستمر. 
4. وجوده في ️مكان آمن، واستراحات خاصة لأولياء الأمور.

دا غير إن الأكاديمية بتقدم رياضات مختلفة، تسمح لها تكون ضمن قائمة أماكن تدريب التايكوندو في الإسكندرية، زي:

• الجمباز (الإيقاعي، الفني، الآيروبيك).
• الكيك بوكس.
• الكونغ فو.
• التايكوندو.
• الكاراتيه.
• الفتنس.
• الزومبا.

الأكاديمية بتقبل الطفل من عمر 4 سنوات، بتبدأ معاه من مستوى مبتدئ وحتى وصوله للعالمية. 

سعر الاشتراك في المكان بيختلف حسب سن الطفل، ومستواه في اللعبة. 

العنوان: 188 شارع طيبة، كليوباترا الصغرى، الإسكندرية. 

رقم الهاتف: 01210733227 – 035447411

8- Sports Academy 

تعد واحدة من أشهر أماكن تدريب التايكوندو في الإسكندرية هي Sports Academy. ودا لإنها بتتميز بالتالي: 

• وجود مدربين على أعلى مستوى، لضمان تدريب طفلك بشكل احترافي.
• تشجيع طفلك من خلال مشاركة إنجازاته على صفحة الـ Facebook.
• المشاركة في المسابقات والبطولات الدولية والمحلية.
• توفير أكتر من لعبة مفيدة وممتعة للأطفال. 

الأكاديمية بتوفر ألعاب مختلفة زي:

• الكونغ فو.
• التايكوندو.
• الكاراتيه.
• الجمباز. 

بالإضافة إلى إنها مسجلة في الاتحاد المصري، ومرخصة من وزارة الشباب والرياضة، يعني بتسمح لطفلك المشاركة في البطولات على المستوى المحلي والدولي. 

ومن ضمن المميزات اللي بتخليها من أشهر أماكن تدريب التايكوندو في الإسكندرية هي وجود جهاز فني بيتكون من نخبة من المدربين الدوليين، اللي عندهم خبرة في تدريب الأطفال من السن الصغير لحد الدرجة الأولى.

الأكاديمية بتقبل الأطفال في لعبة التايكوندو من عمر 3 سنوات وحتى 15 سنة، باشتراك شهري يُقدر بـ 550 جنيه، والتدريب بيكون 8 حصص بمعدل مرتين في الأسبوع. 

وعلى الرغم من تصنيف بعض أولياء الأمور الاشتراك غالي بعض الشيء، إلا إن الأكاديمية بتوفر كتير من المميزات، دا غير إن الـ Feedbacks من أولياء الأمور بتوضح إنه مكان ممتاز، والتدريب بيفرق جدًا مع الأطفال.

كمان المكان بيوفر جروب خاص بأولياء أمور اللاعبين، عشان يكون فيه متابعة مستمرة ما بينهم. دا غير إنها بتعمل الـ Events اللي بتستضيف فيها فنيين بهدف نشر الاستفادة بين اللاعبين والمدربين معاً.

الأكاديمية ليها أكتر من فرع في الإسكندرية، منهم:

1- فرع لوران: 716 شارع أبو قير – لوران – أمام توكيل زانوسى.

تليفون: 01556525537. 

2- فرع ميامي: 47 ش اسكندر ابراهيم – ميامي – أمام صيدلية المرشدي – برج الفيحاء.

 تليفون: 01501674115 – 01501674116. 

3- فرع المندرة: برج البشير بجوار – حسني للمشويات مباشرة على شارع جمال عبد الناصر.

تليفون: 01501674113 – 01501674114. 

4- فرع الابراهيمية: فيلا 112 ش ممفيس – متفرع من ش لاجيتيه – الدخول من لاجيتيه – أمام كاربت سيتي.

تليفون: 01501686812 – 01556525536. 

5- فرع سموحة الجديدة سموحة – أول الطريق الزراعي – شارع مستشفي الكلى – أمام مدرسة تيمور مباشرة.

تليفون: 01273913589. 

9- أكاديمية Wolf Sport 

الأكاديمية واحدة من أشهر أماكن تدريب التايكوندو في الإسكندرية، ودا لأنها بتقبل الأطفال من عمر 5 سنوات، وبتبدأ معاهم رحلة من التدريبات على إيد مدربين خبرة، والنتيجة بتكون طفل قادر يشارك في مسابقات وبطولات الاتحاد المصري للتايكوندو. 

بالإضافة إن محتوى الصفحة على Facebook بيوضح التدريبات اللي بينفذها المدربين مع الأطفال، والمسابقات اللي بيشاركوا فيها، وكمان مدى حرص المدربين على الطفل. 

المكان كمان بيقدم برامج مختلفة، منها: رياضة الكيك بوكس، الجمباز الايقاعي، والتايكوندو. والرياضات بتكون للأطفال من مختلف الجنسين، وكمان المكان بيوفر برامج للسيدات في بعض الرياضات زي: الـ Kick Boxing.

ومن ضمن المميزات اللي بتدخل الأكاديمية قائمة أشهر أماكن تدريب التايكوندو في الإسكندرية هي الـ Reviews على المكان، زي: 

• “المكان حلو، وتدريباته مميزة عن أي مكان تاني، وأولادي دخلوا فيه بطولات كتير”.
• “مكان جميل ومحترم، بالإضافة إن التمرين عالي ومفيد جداً للأولاد”.
• “من أفضل الأكاديميات الرياضية الاحترافية”.

مواعيد رياضة التايكوندو في الأكاديمية بتكون 3 مرات الأسبوع، وسعر الاشتراك 350 جنيه شهرياً.

العنوان: شارع 1 – شمال شارع ٤٥ العصافرة – قبلي – الإسكندرية.

أرقام التواصل: 01114846777 – 01220058777.

اتعرف على: قائمة بأشهر أماكن تدريب كونغ فو في الإسكندرية. 

إزاي تختار الأكاديمية المناسبة لطفلك؟

اختيار ولي الأمر لأفضل أماكن تدريب التايكوندو في الإسكندرية ميقلش أهمية عن اختيار المدرسة، أو الحضانة. ومن ضمن العناصر اللي مهم تركز عليها هي:

1- الموقع 

مهم جداً في اختيارك الأكاديمية إنها تكون في موقع قريب من البيت، عشان توفر وقت المواصلات، وتكون كولي أمر مطمن عليهم في حالة الاعتماد على نفسهم في الذهاب للتمرين.  

كمان المكان القريب هيسمح لك تزور الأكاديمية لأول مرة بسهولة، بهدف إنك تقيم الوضع، وأساليب التدريب، وتتعرف على المدربين والمسؤولين بهدف المتابعة المستمرة.

2- البرنامج التعليمي

واحدة من أكتر العناصر المهمة في اختيار أفضل أماكن تدريب التايكوندو في الإسكندرية، هي البرنامج التعليمي في التدريب.

لإن ضروري يكون فيه توازن ما بين مواعيد التدريبات، والاستراحة، وكمان مهم إن الطفل ما يبقاش بيمارس اللعبة بهدف الاستمتاع بس، ولكن تكون التدريبات بتساعده يبني عضلاته، ومهاراته العقلية.

3- المدربين

مهم جداً كولي أمر تتأكد من كفاءة المدربين، وخبرتهم في التعامل وتدريب الأطفال بمستوى محترف.

4- الاختبارات

وجود اختبارات وتقييمات أولية وشهرية، واحدة من مميزات الأكاديمية اللي بتخليها ضمن أفضل أماكن تدريب التايكوندو في الإسكندرية، لإن التقييم الأول بيعرف ولي الأمر مستوى ابنه، ومنين هيبدأ.

أما الاختبارات والتقييمات الشهرية، بتبين مدى تقدم الطفل، وامتى هيكون مؤهل للمشاركة في البطولات والمسابقات.

كمان مرونة أرضيات اللعب، وتوفير معايير السلامة والأمان في المكان من ضمن العناصر اللي مهم ولي الأمر يركز فيها.

وتقدر تتأكد من بعض النقاط دي من خلال وجودك أول أيام التمرين مع طفلك، ومتابعته هل محتاج حاجة أو فيه شيء بيضايقه ولا لأ. 

الخلاصة

اختيارك كولي أمر لأماكن تدريب التايكوندو في الإسكندرية مهمة محتاجة صبر، وتأني، فاحرص على اختيار المكان الأنسب ليك ولطفلك بناءً على المعايير اللي ذكرناها.

ولو عندك أي سؤال بخصوص اللعبة تقدر  تتواصل معانا وهنجاوبك على استفساراتك.