أسماء ومصاريف مدارس الراهبات بالإسكندرية

مع بدايات الاستعداد للعام الدراسي الجديد ودخول الطفل لسن المدرسة بنلاقي إن من ضمن الخيارات اللي بتبحث عنها الأسرة هي أسماء ومصاريف مدارس الراهبات بالإسكندرية؛ عشان يعرفوا تفاصيل أكتر، وإذا كانت مناسبة للطفل ودخل واحتياجات الأسرة ولا لأ؟

في المقال دا هنقدملك دليل شامل لـ أسماء ومصاريف مدارس الراهبات بالإسكندرية عشان يكون مرجع الأسرة تقدر تستعين بيه، وتلاقي كل المعلومات في مكان واحد.

ما هي مدارس الراهبات؟

في بداية الدليل لـ أسماء ومصاريف مدارس الراهبات بالإسكندرية مهم نعرف إيه هي مدارس الراهبات.

مدارس الراهبات هي نوع من المدارس المتاحة في مصر نشأت في القرن الـ 18، وأول مدرسة كانت في القاهرة.

وتتابع انتشار مدارس الراهبات لحد ما وصلت لما يقرب من 170 مدرسة على مستوى الجمهورية.

وبنلاحظ إن المدارس دي اقتصرت في بدايتها على الأثرياء فقط، ومع الوقت أصبحت متاحة للعامة.

فمدارس الراهبات تابعة للأمانة العامة للمدارس الكاثوليكية في مصر، وبتتميز بوجود نظام وقواعد خاصة لتقديم نظام تعليمي وتربوي بكفاءة عالية، وبيكون ليها مصروفات دراسية معينة.

وبتركز على فكرة التربية وتنمية السلوكيات الجيدة في الطفل بشكل أساسي، والحرص على الانضباط والالتزام من جانب الطلبة، وكمان أولياء الأمور، ودا بجانب الاعتماد والتركيز على دراسة وتعليم اللغات سواء الإنجليزية أو الفرنسية أو الألمانية.

والمدارس دي متاحة للمسلمين والمسيحيين على حد سواء، لكن بيغلب عليها تواجد ودراسة المسيحيين فيها بشكل أكبر.

وبيدرس فيها الطلبة مع بعض في نفس الفصول الدراسية، ولا يتم التفريق بينهم إلا في حصص الدين فقط.

أنواع مدارس الراهبات بالإسكندرية

بتتنوع مدارس الراهبات، وفي دليل أسماء ومصاريف مدارس الراهبات بالإسكندرية هنعرض الأنواع دي واللي بتتمثل في: 

1-  مدارس الراهبات الألمانية، وبيتم الاعتماد فيها على اللغة الألمانية كلغة أساسية للدراسة، وبيشترط معرفة الوالدين باللغة ليتم قبول الطفل بالمدرسة. 

2- مدارس الراهبات الفرنسية، والاعتماد فيها على اللغة الفرنسية كلغة أساسية للدراسة، وبيشترط معرفة الوالدين باللغة ليتم قبول الطفل بالمدرسة، وهي أوسع وأكثر انتشار من المدارس الألمانية والإنجليزية.

3- مدارس الراهبات الإنجليزية، وبيكون الاعتماد فيها على التعلم باللغة الإنجليزية، ويشترط معرفة الوالدين باللغة، ويبلغ عددها في مدينة الإسكندرية 3 مدارس.

وبتتنوع المدارس دي ما بين مدارس راهبات بنات فقط، ومدارس راهبات أولاد فقط، ومدارس مشتركة تجمع ما بين البنات والأولاد.

اتعرف أكتر من خلال أهم 6 مميزات وعيوب مدارس الراهبات بالإسكندرية. 

دليل مدارس الراهبات بالإسكندرية

في المقال دا هيتم تناول كل التفاصيل اللي بيبحث عنها الوالدين عشان يعرفوا أكتر عن مدارس الراهبات سواء أسماء ومصاريف مدارس الراهبات بالإسكندرية 2024 – 2025، ومكان تواجدها في الإسكندرية، وإيه لغة الدراسة في المدرسة دي سواء كانت اللغة الأولى أو اللغة التانية.

وكمان هنعرف إذا كانت المدرسة مخصصة للبنات أو للبنين أو مدرسة مشتركة، عشان يقدر يقارن الأب والأم بينهم، ويختاروا اللي يتناسب مع طفلهم، ومع ظروفهم المختلفة.

مصاريف مدارس الراهبات بالإسكندرية| المدارس الألمانية

توجد في الإسكندرية مدرسة واحدة من مدارس الراهبات الألمانية، وهي:

المدرسة الألمانية للقديس سان شارل بورومي بالإسكندرية (DSBA) 

بتُعد مدرسة سان شارل واحدة من 3 مدارس في مصر تم تأسيسها سنة 1884م، وهنتعرف على تفاصيلها كاملة في دليل أسماء ومصاريف مدارس الراهبات بالإسكندرية.

والبداية كان التفكير في إنشاء مدرسة للأطفال الألمانيين والنمساويين من قبل الكاهن الأب لاديسلاوس شنايدر، عشان يجي سنة 1884م ويدعم رجل الأعمال المصرفي الفكرة، وتبدأ الدراسة تحت إشراف الراهبات، وتظل قائمة لأكتر من 130 سنة حتى الآن، وينضم ليها عدد كبير من الأطفال.

وبتشمل الدراسة بداية من المرحلة الابتدائية وحتى المرحلة الثانوية، وهي مدرسة مقتصرة على فئة البنات بس، ومصاريفها مرتفعة مقارنة بباقي مدارس الراهبات.

والمصروفات الدراسية فيها بتبدأ من 90.500 جنيه مصري لمرحلة رياض الأطفال، ومتاح تقسيط المصروفات على 3 أقساط، دا بالإضافة لمصاريف الباص اللي بتبدأ من 7000 – 17500 جنيه مصري على حسب المنطقة، واليونيفورم بيتم شراؤه بالقطعة حسب الاحتياج.

بالإضافة لرسوم تسجيل 2000 جنيه لا تسترد بعد دفعها حتى في حالة عدم التحاق الطفل بالمدرسة.

والمدرسة تُصنف دولية ألمانية خاصة بالبنات فقط.

العنوان: 32 شارع صلاح الدين – العطارين – الإسكندرية.

رقم تليفون: 03/3980145 – 03/3980146.

اقرأ أيضاً: كل ما تريد معرفته عن المدارس الألمانية بالإسكندرية.

مدارس الراهبات الفرنسية ومصاريفها

بتنتشر مدارس الراهبات الفرنسية في مصر، والدراسة فيها بتعتمد على اللغة الفرنسية كلغة أولى وبتتنوع ما بين مدارس للبنات فقط أو مدارس للبنين أو مدارس مشتركة بتجمع ما بين الاتنين، وهنذكر في دليل أسماء ومصاريف مدارس الراهبات بالإسكندرية جزء منها.

1- معهد سانت جان انتيد (بنات)

بيتم التقديم لمرحلة رياض الأطفال في شهر يونيو كل سنة، بشرط يكون عمر الطفلة مع بداية الدراسة مش أقل من 4 سنوات، ومش أكبر من 6 سنوات. 

وبتعتمد في الدراسة على اللغة الفرنسية بشكل أساسي، وبتضم أكتر من 1000 طالبة من سن رياض أطفال وحتى الثانوي.

المصاريف المدرسية بتبدأ من حوالي 20.200 جنيه مصري لمرحلة البلاي سكول للعام الدراسي 2023 – 2024، ويمكن التواصل مع المدرسة لمعرفة المصاريف المطلوبة بالتفصيل للعام الدراسي الجديد.

العنوان: 1 شارع أفلاطون، أمام نادي الاتحاد السكندري، الشاطبي.

رقم تليفون: 03/5903800 – 03/5923599.

تقدر تتعرف على كل أخبار المدرسة من خلال صفحة أولياء أمور سانت جان أنتيد على الفيس بوك.

2- كلية مير دي ديو (بنات)

بتعتمد الكلية في الدراسة على اللغة الفرنسية بشكل أساسي، ومتاح فيها الدراسة من سن رياض أطفال وحتى الثانوي.

وبتبدأ المصاريف من 25.800 جنيه لمرحلة KG1، أما مصاريف بري جاردان (البلاي سكول) 19000 جنيه شامل الكتب بس.

العنوان: شارع الشهيد جلال الدسوقي – بجوار شركة المياه – سموحة – الإسكندرية.

رقم تليفون: 03/4294312.

3- كلية نوتردام دي سيون

كلية نوتردام دي سيون هي مدرسة راهبات خاصة بالبنات فقط، وبتستقبل الطالبات من الحضانة وحتى المرحلة الثانوية.

وبتبدأ مصاريف المدرسة من 21300 جنيه مصري لمرحلة البلاي سكول، وبتزيد على حسب الحالة العمرية.

والمدرسة فيها قسمين عربي وفرنسي، وبتقبل الأطفال من مرحلة البلاي سكول.

العنوان: 541 طريق الحرية، جليم، قسم ثان الرمل، قريب من بنك كريدي أجريكول، الإسكندرية.

رقم تليفون: 03/5837695 – 01028945954.

4- كلية سان مارك

مدرسة راهبات متاحة للبنين فقط، بتبدأ استقبال الأطفال من ست سنوات فيما أقل ويكون الطفل صاحب العمر الأكبر له الأولوية في القبول.

والدراسة متاحة بكلية سان مارك بداية من مرحلة الـ KG وحتى المرحلة الثانوية، وبنلاقي إن مصاريفها بتبدأ من حوالي 24.500 جنيه مصري وبتزيد على حسب المرحلة الدراسية.

العنوان: شارع بورسعيد بجوار نادي الاتحاد السكندري، الشاطبي.

رقم تليفون: 03/5923251.

5- مدرسة سان جبرائيل

الدراسة في مدرسة سان جبرائيل للبنين فقط بداية من مرحلة الـ KG وحتى المرحلة الإعدادية فقط.

وبتبدأ المصاريف من 17500 جنيه مصري لمرحلة البلاي سكول شامل الكتب فقط.

العنوان: 6 شارع زكريا غنيم، بجوار مطعم دومينوز بيتزا، سبورتنج.

رقم تليفون: 03/5919283.

6- مدرسة سان جوزيف

المدرسة بتشمل جميع المراحل الدراسية، وهي مدرسة راهبات فرنساوي، للبنات فقط.

بتبدأ مصاريفها من 16600 جنيه لمرحلة الـ kg شامل الكتب واليونيفورم، والمدرسة بتشترط إن الأب والأم حاصلين على مؤهل عالي.

العنوان: 16 شارع منشا، محرم بك، الإسكندرية.

رقم التليفون: 03/3936691.

مدارس الراهبات الإنجليزية ومصاريفها

وبنكمل دليل أسماء ومصاريف مدارس الراهبات بالإسكندرية 2024 – 2025م، وهنتعرض لبعض المدارس اللي بتدرس اللغة الإنجليزية كلغة أولى واللي منها:

1- سكرد هارت (مدرسة القلب المقدس)

مدرسة بنات اللغة الأولى فيها الإنجليزية، وبتُدرس من الصف الثاني الابتدائي، أما اللغة الفرنسية بتكون كلغة تانية.

وبيبدأ التقديم من شهر يونيو، وبيكون التقديم لمرحلة الـ KG بداية من ست سنوات إلا يوم، وكلما كان عمر الطفل أكبر كانت فرصة القبول أعلى. وبتبدأ مصاريف المدرسة من 16.500 جنيه مصري شامل الكتب فقط.

العنوان: 17 شارع سوريا (المعسكر الروماني)، رشدي، الرمل.

رقم التواصل: 03/5450511.

2- سان فنسان دي بول

مدرسة سان فنسان دي بول هي مدرسة مشتركة شهيرة بالإسكندرية، وتعد من أفضل مدارس الراهبات اللي بتضم جميع مراحل التعليم ما قبل الجامعي ما عدا المرحلة الثانوية.

وبتفتح أبوابها للطلاب بداية من سن 5 سنوات و 11 شهر، وبتبدأ مصاريفها من 17.000 جنيه مصري.

العنوان: 38 شارع أبي الدرداء أمام مديرية أمن الإسكندرية القديمة، اللبان، الجمرك.

رقم تليفون: 03/927131 – 03/927957.

3- مدرسة عيون مصر 

المدرسة لغات ناشونال إنجليزي، بتشمل كل المراحل الدراسية من البلاي سكول للمرحلة الثانوية.

المدرسة راهبات مشتركة، وبتدرس اللغة الفرنسية كلغة تانية من المرحلة الابتدائية.

بتبدأ المصاريف الدراسية فيها من 19300 جنيه مصري، وبتتميز المدرسة إنها مبتاخدش مصاريف للتسجيل أو فتح ملف.

العنوان: شارع ممدوح زهران – الكينج مريوط – الإسكندرية.

رقم تليفون: 03/4551738.

مدارس الراهبات العربية ومصاريفها

وبيشمل دليل أسماء ومصاريف مدارس الراهبات بالإسكندرية؛ بعض مدارس الراهبات اللي بتعتمد على اللغة العربية كلغة أولى وبتدرس للطفل لغات تانية مختلفة زي الانجليزية أو الفرنسية كلغة تانية، واللي منها:

1- مدرسة الآباء الفرنسيسكان

مدرسة الآباء الفريسيسكان هي مدرسة راهبات شهيرة بتفتح أبوابها للطلبة من سن 6 سنوات فيما أقل لحد اكتمال العدد.

والمدرسة بتشمل من مرحلة البلاي سكول حتى الصف الثالث الإعدادي، ومصاريفها بتبدأ من 12.000 جنيه لمرحلة الحضانة 1 و 2.

العنوان: 2 شارع النهضة – أبي قير – الإسكندرية.

رقم تليفون: 03/5626562.

2- مدرسة ماريا أوزيليا تريتشي

الدراسة في مدرسة ماريا أوزيليا تريتشي بتكون للبنات فقط، واللغة الأساسية فيها هي اللغة العربية، واللغة الثانية هي اللغة الإنجليزية أو اللغة الفرنسية على حسب ما يتم اختياره، والدراسة متاحة فيها من سن الـ KG وحتى الصف الثالث الإعدادي.

وبتبدأ مصاريف المدرسة من 9.650 جنيه مصري لمرحلة رياض الأطفال.

العنوان: شارع بني العباس متفرع من شارع السلطان حسين، الأزاريطة.

رقم تليفون: 03/4847562.

مدارس الراهبات بالاسكندرية بنين فقط

في دليل أسماء ومصاريف مدارس الراهبات بالإسكندرية 2024 – 2025 هنذكر مدارس الراهبات بنين اللي متاحة لدراسة الأولاد فقط، وعددها مش كبير، وبتكون أفضل للطفل وبتتمتع بمميزات مهمة، وهي: 

• مدرسة سان جبرائيل الدراسة فيها للبنين حتى مرحلة الإعدادي فقط.
• كلية سان مارك متاح فيها الدراسة حتى المرحلة الثانوية.

أو ممكن يلجأ الطالب إنه يدخل مدرسة مشتركة نظرًا لقلة عدد مدارس الراهبات الخاصة بالبنين فقط، وعلى حسب اللغة اللي يفضلها الأهل وتتناسب معاهم ومع الطفل سواء عربي أو إنجليزي أو فرنسي يختاروا من المتاح:

• سان فنسان دي بول مدرسة مشتركة ومتاح فيها الدراسة سواء باللغة الانجليزية أو اللغة الفرنسية على حسب اختيار الأهل.
• مدرسة الآباء الفرنسيسكان مدرسة مشتركة وموجودة في أكتر من مكان في الإسكندرية.
• مدرسة عيون مصر بالكينج.

ملحوظة: مش متاح للأولاد مدرسة راهبات ألماني.

مدارس الراهبات بنات فقط

بتنتشر مدارس الراهبات للبنات بشكل أكبر من انتشارها للبنين، وزي ما ذكرنا في دليل أسماء ومصاريف مدارس الراهبات بالإسكندرية تفاصيل عنهم هنحاول نرتبهم في نقاط بحيث يسهل الوصول ليهم والمقارنة بينهم.

مدارس الراهبات بنات في الاسكندرية هي:

• المدرسة الألمانية للقديس سان شارل بورومي بالإسكندرية (DSBA): وبتعد من أقدم وأفضل المدارس، ومخصصة للبنات فقط، ومفيش منها غير 3 مدارس على مستوى الجمهورية؛ واحدة في الإسكندرية والباقي في القاهرة.
• مدرسة ماريا أوزيليا تريتشي: الدراسة فيها بتعتمد على اللغة العربية كلغة أم، وبعد كدا بيتم اختيار لغة ثانية سواء كانت اللغة الإنجليزية أو اللغة الفرنسية.
• سكرد هارت (مدرسة القلب المقدس): بتعتمد الدراسة فيها على اللغة الإنجليزية كلغة أولى، وفيما بعد بيتم تدريس لغة تانية.
• كلية مير دي ديو: مخصصة للبنات، وبتعتمد على اللغة الفرنسية، وبتستقبل الطالبات حتى المرحلة الثانوية.
• كلية نوتردام دي سيون: بتعتمد على اللغة الفرنسية كلغة أولى: ومتاح فيها الدراسة حتى الثانوي.
• معهد سان جان انتيد: بيعتمد على دراسة اللغة الفرنسية.
• مدرسة سان جوزيف بمحرم بك.

كمان هيكون متاح المدارس المشتركة للتقديم فيها، وبالتالي هتكون الخيارات أوسع للبنات وفرص القبول في واحدة من المدارس دي ممكنة.

الخلاصة

قدمنا في المقال دا دليل شامل لـ أسماء ومصاريف مدارس الراهبات بالإسكندرية 2024 – 2025، ودا لكونها فرصة جيدة وبتتميز بعدد من القواعد من ناحية الالتزام والانضباط والاهتمام، بجانب التربية بشكل كبير، بالإضافة إلى التركيز في تعليم اللغات المختلفة والمتنوعة، فبالتالي بيتخرج الطفل وهو متمكن من لغة أجنبية واحدة أو أكتر.

كمان بيشوفها الأهالي تكلفتها مقبولة، وتقدر أسر كتير من أصحاب الدخل المتوسط تتحملها، لكن على الجانب الآخر القبول فيها مش بيكون سهل، وليها شروط محددة بتشمل الأم والأب كمان بالإضافة للطفل ففرصة القبول مش سهلة للجميع.

عشان كدا وأنت بتختار لطفلك اختار بعناية المدرسة اللي تتناسب مع الطفل ومع احتياجاته ومع ظروف أسرته.