بتدور على أشهر أماكن كورسات إنجليزي في الإسكندرية وأسعارها؟
إتقان اللغة الإنجليزية أصبح مهارة لا بد منها سواء للطلاب، أو حديثي التخرج، أو حتى الشباب الباحثين عن فرصة عمل بالخارج، لإنها بقت مهارة مطلوبة في مختلف مجالات العمل.
فبتبدأ رحلة البحث عن كورس لتعلُم اللغة وإتقانها بكل جوانبها من قراءة وكتابة ومحادثة واستماع، وفي المقال دا بنعرض قائمة بأشهر الأماكن اللي بتقدم كورسات اللغة الإنجليزية في الإسكندرية، وأهم المعلومات عنها وأسعارها لعام 2024؛ عشان تختار منها اللي يناسبك.
أفضل 10 أماكن كورسات إنجليزي في الإسكندرية وأسعارها
مدينة الإسكندرية بتضم عدد كبير من مراكز تعلم اللغات وأبرزها في مصر، ودلوقتي هنعرض أشهر المراكز لتعلم الإنجليزية وآخر الأسعار المعلن عنها.
1- معهد القوات المسلحة
معهد القوات المسلحة بيعد واحد من أفضل أماكن كورسات إنجليزي في الإسكندرية، لإنه بيستعين بمدرسين أجانب عشان يكونوا متخصصين في اللكنة الأصلية، دا غير إن شهاداته معتمدة، ومعترف بيها، وبيوفر مجموعة من الكتب المميزة لإتقان اللغة.
كمان المعهد بيقدم مجموعة من الكورسات الخاصة بتعليم لغات تانية، زي: الفرنسية، والأسبانية، والصينية، وغيرها من اللغات، بمستويات مختلفة.
ويعد معهد القوات المسلحة من أبرز أماكن كورسات إنجليزي في الإسكندرية؛ لإنه بيمتاز بالجودة والأسعار التنافسية جداً ما بين باقي المراكز.
أما بالنسبة لأسعار الكورسات بمعهد القوات المسلحة، فهي:
- سعر الدورة لكورس اللغة العامة: 750 جنيه مصري للمستوى الواحد في كل اللغات.
- رسوم امتحان تحديد المستوى للطالب 100 جنيه مصري.
- تكلفة دورة كورس المحادثة 850 جنيه مصري.
- سعر الكارنيه 75 جنيه، وبيتجدد سنوياً.
وبالنسبة لتفاصيل الكورس فبنلاقي:
- بيقدم المعهد 23 مستوى للغة من خلال 4 مراحل، وبيكون مدته 30 ساعة دراسية للمستوى الواحد.
- بيقدم دورات المحادثة العامة بمعدل 9 مستويات، بشرط إن الطالب يوصل للمستوى الـ 13 في الدورات العامة، أو من خلال اختبار تحديد المستوى.
ومن أهم المميزات لمعهد القوات المسلحة إنه من المراكز اللي تصدرت مراكز اللغة على مستوى العالم في جودة التعليم، وكمان بيحصل الدارسين فيه على شهادات معتمدة من وزارة الدفاع المدني، ووزارة الخارجية.
العنوان: سيدي جابر بجوار المنطقة الشمالية العسكرية.
أرقام التواصل: 03/5442693.
2- المعهد البريطاني الدولي
وأنت بتدور على كورسات إنجليزي في الإسكندرية وأسعارها أكيد قابلك اسم المعهد البريطاني الدولي، ودا من أقدم الأماكن اللي بتقدم كورسات الإنجليزي في الإسكندرية.
المعهد بيمتاز بجودة التعليم في اللغات، دا غير إنه بيقدم كورسات في البرمجة، والفوتوشوب، وكل ما يخص الكمبيوتر.
كمان المعهد بيقدم دورات لغة إنجليزية للأطفال والكبار لمختلف المستويات، ومعسكرات صيفية للأطفال.
نظام كورسات الكبار
وبيكون متنوع بين كورسات ودبلومات.
1- دورات حرة منفصلة
في البداية بيلتزم الطالب بتأدية امتحان تحديد مستوى فى اللغة “رسوم الامتحان 50 جنيه”.
وبيكون امتحان تحديد المستوى على جهاز الكمبيوتر عبارة عن 100 سؤال اختياري + Reading فى فترة زمنية ساعة ونصف.
وبيكون عدد المستويات 18، بدايةً من المستوى المبتدئ وحتى المستوى الاحترافي “لا يُشترط دراسة عدد المستويات كاملة، الاختيار متروك للطالب لاختيار عدد المستويات الراغب فى الالتحاق بها بعد تحديد المستوى”.
مدة دراسة كل مستوى شهر بمعدل محاضرتين أسبوعياً؛ ومدة المحاضرة ساعتين.
وسعر الكورس بعد خصومات الاشتراك فى عضويات الخصم 425 جنيه بدلاً من 850 ج لكل مستوى.
الكورس بشهادة معتمدة من المعهد، ورسوم الكورس تُدفع كل مستوى لوحده.
2. نظام الدبلومات
بيلتزم الطالب بتأدية امتحان بتحديد المستوى الأول، وبيكون النظام دا عبارة عن 18 مستوى مقسم على 6 دبلومات؛ كل دبلومة 3 دورات كاملة لمدة 3 شهور متصلة، ورسوم كل دبلومة بتتدفع لوحدها.
سعر الدبلومة بعد الخصم 1100 جنيه بدلاً من 2200 جنيه؛ ويمكن دفعها بالتقسيط على 3 شهور:
- 400 جنيه قسط أول.
- 400 جنيه قسط ثانى.
- 300 جنيه القسط الأخير.
وبيحصل الدارس على شهادة معتمدة من المعهد بختم النسر من وزارة التربية والتعليم والإدارة التعليمية التابع لها مقر الفرع، ويمكن أن تُصدق من الخارجية.
المهم تكون على علم إن الفرق بين الكورس الحر والدبلومة هي مدة الدراسة:
- فى الكورس الحر : تقدر تدرس مستوى واحد بس، وبعدها تتوقف لفترة ثم تكمل تاني في أي وقت.
- فى الدبلومة: الدراسة لازم تكون لمدة 3 شهور متصلة بدون توقف.
وبيتم عقد امتحان نهائي مُجمع على مستويات الدبلومة التلاتة، عن طريق لجنة معتمدة من وزارة التربية والتعليم تعقد مرة أو مرتين سنوياً في مقر الفرع الرئيسي فى محطة الرمل.
بالإضافة للشهادة المعتمدة بختم النسر الخاص بوزارة التربية والتعليم ودا بيخليه من أبرز أماكن كورسات إنجليزي في الإسكندرية.
أما بالنسبة للطالب الراغب في دراسة المحادثة فقط؛ فكورس المحادثة عبارة عن 8 مستويات متقسمة على 4 دبلومات، كل دبلومة مستويين، المستوى الواحد مدته شهر، مرتين أسبوعياً.
رسوم الكورس 425 جنيه للمستوى الواحد (شهر)، لكن بشرط تأدية اختبار تحديد مستوى الأول قبل البدء في كورس المحادثة، ويكون نتيجة الاختبار من المستوى السابع أو أعلى.
دا غير إن المعهد بيقدم كورسات خاصة بالأطفال من سن 7 – 17 سنة، بأسعار معقولة، ودا بيخليه من أفضل أماكن كورسات إنجليزي في الإسكندرية.
لكن كورسات الأطفال بتكون في شهور معينة من السنة، وبتتقيم على حسب قرب الفئة العمرية من بعضها لضمان سهولة الاستيعاب.
العناوين:
الفرع الأول: 15 مايو، سموحة، الإسكندرية.
الفرع الثاني: 29 شارع الغرفة التجارية – محطة الرمل.
الفرع الثالث: أول إسكندر إبراهيم من عبد الناصر – برج نيفرتيتي – ميامي.
رقم التليفون: 01000001452.
3- أكاديمية أوكسفورد
في رحلتنا للإجابة عن إيه هي أشهر أماكن كورسات إنجليزي في الإسكندرية وأسعارها لازم نذكر أكاديمية أوكسفورد لتعليم اللغات، وكورسات الـ ICDL، والأوفيس، وغيرها من كورسات الكمبيوتر.
الأكاديمية بتقدم كورسات اللغة من خلال دبلومة بتتكون من عدد من المستويات، ومنها دبلومة خاصة بالقواعد، ودبلومة للمحادثة، وغيرها.
وكورس اللغة العامة عبارة عن 16 مستوى بمعدل مرتين في الأسبوع، تكلفة المستوى بتكون مناسبة لمختلف الفئات، فبيكون سعر المستوى 1000 جنيه، وبيكون اختبار تحديد المستوى مجاناً،
وبتنقسم الدبلومة لـ 3 مستويات: مبتدئ، ومتوسط، ومتقدم، وكل مستوى بيتكون من 20 درس.
العنوان: 8 شارع حسن سرور – بجانب نادي سبورتنج – الإسكندرية.
رقم التليفون: 01507270289.
4- مركز أمديست
يعد مركز أمديست من أبرز مراكز إنجليزي في الإسكندرية، والمركز منظمة غير ربحية بتعمل على تعزيز فرص العمل والتدريب في منطقة الشرق الأوسط، وبيكون تواصل الطلاب مع المعلمين أونلاين، بتقدم فيها دورات لتحسين اللغة الإنجليزية.
والمكان كمان بيوفر دورات للأطفال والكبار، ودورات للمحادثة، عشان كدا كان لازم يدخل قائمتنا لأبرز أماكن كورسات إنجليزي في الإسكندرية.
المركز بيوفر الدورة العامة وبيكون معتمد على الـ 4 مهارات الأساسية للغة (الاستماع – القراءة – الكتابة – التحدث)، وبيكون 5 مراحل.
وكل مرحلة 4 مستويات إجمالي 20 مستوى، بيتم اختبار تحديد مستوى الأول قيمته 420 جنيه.
وبيكون سعر المستوى الواحد أونلاين 2600 جنيه، أما للحضور بالمقر 3190 جنيه.
وفي حالة الرغبة لكورس المحادثة فقط، بيلتزم الطالب باختبار تحديد المستوى ولازم تكون النتيجة أعلى من 37 /60، وبيكون 6 مستويات.
مدة المستوى بيكون 4 أسابيع/ 3 أيام في الأسبوع.
العنوان: 3 شارع الفراعنة، الأزاريطة، الإسكندرية.
رقم التليفون: 03/4873163.
5- أكاديمية Not Courses
لو بتدور على أماكن كورسات إنجليزي في الإسكندرية وأسعارها تكون مناسبة فالأكاديمية دي بتوفر لك اللي محتاجه.
انتشرت أكاديمية Not Courses في السنوات الأخيرة في مصر بشكل كبير، وأصبح لها 19 فرع في محافظات مختلفة.
الأكاديمية بتقدم دورات لغة إنجليزية تفاعلية بتتيح للطلبة إتقان اللغة بسرعة كبيرة، وبيبدأ سعر الكورس من 2100 جنيه للمستوى الواحد، مع خصومات خاصة في فترة الإجازات والعطلات بيعلنوا عنها على صفحتهم على الفيس بوك.
وبيكون في محاضرة تجريببة سعرها 100 جنيه، دا غير إن في حالة الحجز مع الأصدقاء بيقل سعر المستوى لأكتر من نصف تمنه، وتقدر تعرف كل التفاصيل الخاصة بالخصومات من خلال الموقع.
العنوان: 724 شارع أبو قير أعلى مدينة الأحلام للعب الأطفال الدور الثاني، لوران، الإسكندرية.
رقم التليفون: 01014200011.
6- مركز Berlitz
يعد واحد من أهم مراكز الكورسات في مصر، الكورس بيكون في شكل سيناريوهات واقعية للحياة اليومية عشان الطالب يقدر يستخدم اللغة بشكل تلقائي، وبيوفر المركز دورات للكبار والصغار.
دورات تدريبية للكبار من 17 سنة
بتبدأ كل شهر وطريقتهم في التدريس بتكون عن طريق المحادثة، وبيقدموا اللغة من خلال 10 مستويات فقط.
بيلتزم الطالب بتأدية اختبار تحديد مستوى سعره 200 جنيه، وبيتم أونلاين.
مدة المستوى الواحد في الكورس الأونلاين بتكون 6 أسابيع، وعلى حسب المستوى بيتم تبليغ الطالب بالجداول، وسعر المستوى 1750 بيكون جنيه.
دا غير إن المركز بيوفر دورة الـ Business English من المستوى 5 إلى 8، أونلاين بسعر 1750 جنيه.
وكمان دورة Business English من المستوى 1 إلى 4، سعر المستوى أونلاين 2300 جنيه.
ومتوفر حالياً عروض لطلبة الجامعات وخريجي سنة 2024، ودا ممكن تتعرف عليه من خلال الاتصال على 16258.
دورات للأطفال
بتنقسم على حسب المرحلة العمرية؛ وبتبدأ من سن 6 – 16 سنة، وبيلتزم الطالب بتأدية اختبار تحديد مستوى أونلاين لمعرفة الدورة المناسبة له، وسعر تحديد المستوى 200 جنيه.
سعر المستوى الأونلاين 2000 جنيه.
العنوان: غير متاح فرع حالياً.
7- المعهد الأمريكي للغات
سواء قابلت اسم المعهد الأمريكي وأنت بتدور على أماكن كورسات إنجليزي في الإسكندرية وأسعارها أو لأ فخلينا نقولك إنه من أشهر الأماكن اللي بتقدم كورسات اللغة الإنجليزية في الإسكندرية بأسعار مميزة جدًا.
كمان المعهد بيقدم أفضل الكورسات للغات المختلفة بجودة عالية سواء للكبار أو الأطفال، إلى جانب خدمات تعليمية تانية.
فبيقدم كورس المحادثة للأطفال من سن 6 – 12 سنة بعد إجراء امتحان تحديد المستوى أونلاين، وبينقسم لـ 3 مراحل، وأسعاره كالتالي:
- عرض الأصدقاء كورس برايفت لطفلين بسعر واحد مع مدرب مصري، المرحلة فيها 15 محاضرة ساعة ونصف بتكلفة 4500 بدلاً من 8000 جنيه.
- عرض الأصدقاء كورس برايفت لطفلين بسعر واحد مع مدرب أجنبي، مرحلة المحادثة في 15 محاضرة ساعة ونصف المرحلة بـ 6000 بدلاً من 8500 جنيه.
أما كورس اللغة للكبار فبينقسم لـ 4 مراحل “12 مستوى” ، كل مرحلة 3 مستويات، وبيكون في اختبار تحديد مستوى مجاناً أونلاين، وبتبدأ الأسعار من 650 للمستوى لـ 1500 جنيه، وبيكون في كتاب لكل مرحلة سعره 200 جنيه، وبتزيد في حالة المدرب الأجنبي.
المرحلة الواحدة مدتها شهرين، مرة في الأسبوع، 3 ساعات، ومتاح منحة دولية معتمدة 12 مستوى بسعر 2500 جنيه + شهادة دولية معتمدة مجاناً.
وبيتوفر كورس محادثة للكبار مع محاضر أجنبي عبارة عن 3 مراحل، كل مرحلة 2 مستوى، سعر المرحلة 650 جنيه، والكتاب 200 جنيه.
مدتها شهر وأسبوع، مرة في الأسبوع، 3 ساعات.
العنوان: 18 شارع بن حوقل، سان ستيفانو، قسم ثان رمل، الإسكندرية.
رقم التليفون: 01097770413.
8- معهد واشنطن الدولي IWI
ثامن مكان في قائمة أشهر أماكن كورسات إنجليزي في الإسكندرية وأسعارها هو معهد واشنطن اللي بيتميز بتقديم خدمات تعليمية متنوعة سواء لتعليم اللغات زي: اللغات الإنجليزية، والفرنسية، والإيطالية، والألمانية، أو أنشطة مختلفة زي: البرمجة، والجرافيك، ودبلومات المحاسبة والسكرتارية، وغيرها.
كورس اللغة بينقسم عندهم إلى:
- 12 مستوى عام.
- 3 مستويات محادثة.
سعر المستوى 350 جنيه، وسعر الكتاب لكل مرحلة 300 جنيه، وفي عرض 3 شهور بـ 900 جنيه وشهر مجاناً.
كل كتاب بيفضل مع الطالب 4 مستويات، وبيكون في امتحان بعد انتهاء كل مستوى، وفي اختبار تحديد مستوى بـ 100 جنيه.
العناوين:
- فرع لوران: تقاطع شارع شعراوي مع الترام أمام محطة ترام لوران.
- فرع العجمي: شارع الهانوفيل الرئيسي بجوار مدرسة الهانوفيل الخاصة.
- فرع ميامي: 10 شارع 45 بحري بجوار القرية السورية للمشويات – ميامي.
- فرع سموحة: 32 شارع مصطفى كامل أمام نادي سموحة.
9- المركز الثقافي الروسي
وبينضم لقائمة أماكن كورسات إنجليزي في الإسكندرية وأسعارها المركز الثقافي الروسي اللي بيقدم أسعار مميزة ومناسبة للمستوى اللي بيوفروه.
والكورس بيتقدم من خلال مجموعة من المحاضرين المصريين والأجانب على أعلى مستوى، وبينقسم لـ 5 مراحل، كل مرحلة بتكون 4 شهور، تكلفة الشهر الواحد بـ 650 جنيه، مرتين في الأسبوع، المحاضرة ساعتين.
كل مرحلة بيكون ليها كتاب بتكلفة 400 جنيه، واختبار تحديد المستوى بـ 150 جنيه.
العنوان: 5 شارع البطالسة، الأزاريطة، قسم باب شرق، الإسكندرية.
رقم التليفون: 03/4867737.
10– معهد British Council
من أبرز أماكن كورسات إنجليزي في الإسكندرية وبتتميز بسمعتها الطيبة والآراء الإيجابية، ودا لإنها بتوفر كورسات متنوعة لكل حاجة ليها علاقة باللغة على المستوى الدراسة أو العمل.
وبيتوفر كورسات للكبار والصغار بباقات مختلفة، ودي بعض الدورات الموجودة:
دورات الأطفال
- من عمر 4 – 6 سنوات بسعر 4900 جنيه.
- من عمر 6 – 11 سنة بسعر 4500 جنيه.
- من عمر 12 – 17 سنة بسعر 4500 جنيه.
- من عمر 4 – 17 سنة دورة خاصة بالعطلة الصيفية بسعر 5100 جنيه.
وبتبدأ دورات الكبار من 4950 جنيه للكبار المبتدئين، وبتختلف على حسب المستوى والباقة اللي الطالب مختارها، دا بالإضافة لدورات تحضير امتحان الايلتس والتويفل.
العنوان: 11 شارع محمود أبو العلا – كفر عبده.
رقم التليفون: 0200219789
وأخيراً، إتقان اللغة الإنجليزية أصبح ضرورة ومهارة مطلوبة للحصول على فرص عمل للخريجين، والسفر، والعمل بمجالات مختلفة.
قدمنا من خلال المقال أشهر 10 أماكن كورسات إنجليزي في الإسكندرية وأسعارها، ودور الطالب إنه يختار منها اللي يناسبه حسب مكانها أو مصاريفها أو حتى مستوى الكورسات اللي بتتقدم عشان يقدر يحقق أقصى استفادة، ويلمس فعلًا أثر الكورسات دي.
أضف تعليق