بتدور على أماكن بيع ألعاب تعليمية للأطفال بالإسكندرية؟
اهتمامك كولي أمر بتنمية مهارات طفلك مهم جداً، خصوصاً مع بداية انتباهه للأصوات والأشكال، وهنا بيجي دور الألعاب التعليمية للأطفال، اللي بتنمي مهارات طفلك العقلية والحركية، وفي نفس الوقت بتخلق مساحة من اللعب والاستمتاع.
ومن هنا بنعرض لكل ولي أمر أشهر أماكن بيع ألعاب تعليمية للأطفال بالإسكندرية، ومزايا كل مكان، دا غير نبذة عن الألعاب المختلفة اللي ممكن تلاقيها، فتابع معانا.
ما هي فوائد الألعاب التعليمية للأطفال؟
تبعاً لدراسة اتنشرت على موقع ResearchGate أثبتت إن الألعاب التعليمية للأطفال الصغار بتساعدهم في نموهم العقلي والجسدي، وبتأهلهم للإنجازات داخل المدرسة وخارجها، بالإضافة لـ:
تعزيز التنمية المعرفية
ودا لإن الألعاب التعليمية بتحفز عقول الأطفال وبتساعدهم على تعلم مفاهيم زي: التصنيف، والترتيب، وتنسيق اليد والعين.
تحسين مهارات اللغة والقراءة والكتابة
الألعاب التعليمية بتشجع الأطفال على الحوار، وبتساعدهم على توسيع مفرداتهم؛ زي الألغاز بالحروف المغناطيسية، وألعاب الصوتيات اللي بتسهل عليهم تعلم الحروف والأصوات، وبتخلي تعلم القراءة أسهل وأمتع.
تحسين التركيز ومدى الانتباه
الألعاب اللي بتشمل أجزاء متعددة بتخلي الأطفال يركزوا لفترة أطول؛ زي المكعبات وأشكال التانجرام اللي بتساعدهم في التركيز والانتباه بعيدًا عن الشاشات.
تعزيز الذكاء الاجتماعي والعاطفي
الألعاب التعليمية الجماعية بتعلم الأطفال مهارات مهمة زي التعاون والتفاوض.
تحسين المهارات الحركية الدقيقة
التكرار مهم لتطوير المهارات الحركية، والألعاب بتساعد الأطفال على تقوية عضلاتهم من خلال الأنشطة زي الزحف والمشي والجري، وكمان بتساعدهم في تنسيق الحركات الدقيقة زي فرز الأشكال.
زيادة القدرة على الأداء التنفيذي والتنظيم الذاتي
الألعاب التعليمية بتساعد الأطفال على تحسين مهارات التنظيم والتخطيط من خلال مهام متعددة؛ زي لعبة البحث عن الكنز اللي بتعلمهم التفكير النقدي، والمرونة العقلية.
أشهر أماكن بيع ألعاب تعليمية للأطفال
تقدر في كل شارع أو منطقة تلاقي مكتبات ومتاجر بتقدم ألعاب للأطفال، لكن قليل لما تلاقي ألعاب تعليمية تساعد طفلك في تنمية قدراته الذهنية، وتعلمه المهارات الأساسية بشكل ممتع. عشان كدا جمعنا لك قائمة بأسماء وعناوين أشهر أماكن بيع ألعاب تعليمية للأطفال بالإسكندرية، وهي:
1- Edu – Fun
بتظهر رؤية Edu-Fun في إيمانهم إن الطفل هو المستقبل، وعشان يخلقوا مستقبل أفضل ضروري يمنحوا الطفل عالم من الألعاب المصممة بشكل هندسي سليم يحفز عقولهم، وفي نفس الوقت يكون مكون من مواد صديقة للبيئة.
فهدفهم الرئيسي هو تنمية ذكاء وإبداع الطفل، وزيادة ثقته بنفسه عن طريق الألعاب. ودا بيتم تنفيذه من قبل متخصصين عندهم الخبرة والمعرفة الكافية باحتياجات الطفل، وكيفية نموه بطريقة صحيحة. ودا بيديهم ميزة إنهم يكونوا الاختيار الأول ضمن أماكن بيع ألعاب تعليمية للأطفال بالإسكندرية.
كمان الـ Store ليه فروع على المستوى العالمي في دول مختلفة زي: فرنسا، والمغرب، والإمارات، وغيرهم كتير.
أما في مصر بيمتلك 3 فروع مختلفة من ضمنهم فرع الإسكندرية، وبيصنف من ضمن أشهر أماكن بيع الألعاب التعليمية للأطفال بالإسكندرية.
وبيتميز الـ Store إنه بيقدم الألعاب بأسعار معقولة، وبيقدمها على حسب عمر الطفل.
أنواع الألعاب في Edu-Fun بتنقسم لـ 3 أنواع:
1- الـ Educational Wooden Toys
ودي بتكون عبارة عن ألعاب Puzzle بيعرف الطفل عن طريقها أعضاء جسمه، أو الأرقام، أو معلومات مختلفة. وكمان القسم بيضم ألعاب تعلم الحروف، والتفرقة بين الأحجام والألوان.
2- الـ Montessori Materials
هنا قسم كامل عن جميع ألعاب المنتسوري سواء المسؤولة عن تمييز الأحجام، أو تعلم الأرقام، أو معرفة المعادلات الحسابية البسيطة، والنوع دا من الألعاب بيعتمد على تعزيز متعة التعلم بشكل ينمي شخصية الطفل كويس، ويكون له هدف واتجاه في حياته.
3- الـ Arabic Language resources
ودا قسم خاص بجميع أنواع وأشكال اللعب اللي بتعرف الطفل على الحروف والكلمات في اللغة العربية، وفي منها Puzzles بتعرض صور من ثقافة الدول العربية المختلفة.
عنوان المكان: شارع مصطفى كامل – بلوك 47 – الإسكندرية.
أرقام التواصل: 01000538513 – 01222388538 – 03/5432205.
2- Omar Toys
لو هنتكلم عن أكتر أماكن بيع ألعاب تعليمية للأطفال بالإسكندرية اللي بتهتم بالتنوع والتكامل بين الألعاب فلازم نذكر عمر ستور.
الـ Store متواجد فيه ألعاب مناسبة للطفل من عمر يوم فيما فوق الـ 10 سنوات، والمميز إنها مترتبة بشكل مريح في الموقع الخاص بيهم، بحيث يسمح لكل ولي أمر يوصل لأفضل الألعاب التعليمية لطفله على حسب السن.
كمان المكان مميز بوجود مختلف الألعاب: منها اللي بتحاكي الواقع بشكل آمن زي مجموعة الزراعة المنزلية، اللي بتعرف طفلك إزاي يزرع.
ومجموعة التجارب الكيميائية والكهربائية اللي بتسمح له يختبر التجارب والمواد الكيميائية المختلفة.
دا غير ألعاب زي الـ Puzzles والدومينو الملونة، والمتاهات. وكمان الألعاب التعليمية اللي بتنمي معلومات الطفل الأساسية في الحروف، والأرقام، والأشكال.
والمتجر واخد تقييمات عالية جداً من ضمن 125 Review على Google Maps و 437 على الـ Facebook ومن ضمن تعليقات أولياء الأمور:
- “خدت لعبة الزراعة المنزلية بجد حلوة جداً جداً ومفيدة والأولاد فرحانين بيها جداً. لعبة مختلفة عن الألعاب التقليدية وبتعلم الأولاد حاجات كتير بجد شكراً”.
- “الخامات والأسعار وحتى أفكار الأدوات ممتازة، دا غير خدمة العملاء والمندوبين عبارة عن ذوق وأخلاق واحترام وحاجات جميلة كدا شكراً جداً”.
- “الأوردر وصل قبل المعاد، تعامل محترم جداً واللعب زي الوصف بالضبط”.
بالتالي كان لازم نضيف المتجر دا ضمن أشهر أماكن بيع ألعاب تعليمية للأطفال بالإسكندرية.
عناوين الفروع:
- فرع لوران: 4 شارع أبو عجيلة – الإقبال – الإسكندرية.
- فرع محرم بك: 33 شارع الأبعادية – محرم بك – الإسكندرية.
- فرع سيدى جابر: 1 ش أحمد كامل من شارع المشير – أمام محطة ترام سيدى جابر المحطة – الإسكندرية.
- فرع العجمي: شارع مدرسة أجياد – أمام جمعية رجال الأعمال – العجمي – الإسكندرية.
أرقام التواصل: 01279265885.
البريد الإلكترونى: [email protected]
3- Zannana MegaStore
واحد من أهم أماكن بيع ألعاب تعليمية للأطفال بالإسكندرية، والمكان هدفه تنمية مهارات الطفل الإبداعية والاستكشافية من خلال الألعاب المختلفة، ودا اللي بيخليه في نظر العملاء من أكبر أماكن بيع الألعاب التعليمية للأطفال في الإسكندرية، وبالأخص في منطقة سموحة.
وبيحتوي المتجر على ألعاب متنوعة، منها اللي بيقوي عضلات الطفل ويعزز مهاراته الحركية زي ألعاب الفك والتركيب والبناء، ولعبة الـ Boxing، والقسم الآخر هو ألعاب المنتسوري اللي بتلعب على تنمية ذكاء الطفل، وبتزود من قدراته الإبداعية.
وبتُصنف الألعاب على حسب سن الطفل، ومتواجد ألعاب بداية من عمر سنة، دا غير مجموعة متنوعة من مستلزمات المصيف، والأدوات المدرسية، والمستلزمات اللي بتخص الطفل في السنين الأولى من عمره زي كرسي الطعام، والشيالة.
المكان عليه Reviews من أولياء الأمور بتُشيد بالتنوع والأسعار التنافسية، واللي من ضمنها:
- “أجمل ألعاب بجد لما روحنا ظنانا تويز بقينا محتارين ناخد إيه ولا إيه، حقيقي ألعاب جميلة جداً وقيمة، وبناتي انبسطوا جداً بيها الحمدلله. وشكراً على حسن الاستقبال والتعاون والمعاملة من الشباب الموجود في فرع سموحة بجد ألف شكر”.
- “امتداد إلى سمعة عريقة في الإسكندرية .. ظنانة تنوع أسعار ومعاملة ممتازة”.
- “أسعار ممتازة وأصناف كتير متوفرة بالمحل”.
فروع المكان:
المندرة: شارع جمال عبد الناصر – بجوار إتصالات – أمام حسني للمشويات.
سموحة: عمارة بانوراما سموحة – أمام جرين بلازا بجوار ألبان الأصدقاء ونادي النصر – طريق 14 مايو.
التليفون: 01065418909 – 01009608874.
4- Toy Joy Store
توي جوي ستور مكان يضم جميع ألعاب ومستلزمات الأطفال؛ منها ألعاب لطيفة على شكل حيوانات مناسبة للأطفال من عمر سنتين، والبعض الآخر من اللعب زي كور المغناطيس، والسبورة الذكية اللي بتساعد الطفل يبني مهاراته بشكل سليم وممتع.
الـ Store بيضم ألعاب لجميع أعمار الأطفال، بالإضافة لألعاب منتسوري، و البراندات العالمية، والهدايا المتنوعة، وكل الألعاب الخاصة بالمناسبات المختلفة زي فوانيس رمضان، وبابا نويل لاحتفالات رأس السنة.
دا بجانب ترتيب إيفنتات للأطفال في المناسبات المختلفة، وتوفير جو ممتع ليهم، وتوزيع الهدايا المختلفة.
الـ Store من أكتر أماكن بيع ألعاب تعليمية للأطفال بالإسكندرية تميزاََ، لأنه بيشمل ألعاب:
- الـ Hand-made؛ كونها مناسبة جداً لتنمية المهارات، وزيادة الحس الإبداعي عند الطفل.
- بنات كتير جداً من عرايس، وساعات، وألعاب طبخ وتلبيس.
- أزياء تنكرية بالشخصيات اللي بيحبها الطفل.
ومن ضمن الآراء على المكان إن أسعاره كويسة ومعقولة، دا غير إنه بيتميز بتنوع عالي في الألعاب، والألغاز المختلفة.
كمان أشاد أولياء أمور كتير من خلال الـ Reviews باحترام العاملين في المكان، ومعاملتهم الرائعة مع العملاء.
المكان ليه أكتر من فرع في مصر، ولكن عنوان فرع الإسكندرية موجود في: سان ستيفانو – قسم ثان الرمل – بجوار البنك الأهلى المصري.
التليفون: 01129889000.
5- New Born Toys Store
شعار المتجر هو “نحن لا نبيع ألعاب، ولكننا نقدم لطفلك قصص شيقة يُحب أن يسمعها، ويريد الحصول عليها”. ودا جانب واحد من مميزات المكان اللي بتسمح له ينضم بجدارة إلى قائمة أشهر أماكن بيع ألعاب تعليمية للأطفال بالإسكندرية.
ومن ضمن المميزات الأخرى للمكان هو وجود ألعاب:
- بتنمي مهارات التركيز والمهارات الحركية معاً عند الطفل، زي الـ Skate، والـ Skate Board، والسكوتر بجميع المقاسات والأشكال المختلفة.
- بتعلي من الحس الإدراكي عند الطفل، وبتسمح له يحاكي الواقع بشكل أحسن، زي ألعاب الرسم، والتلوين، والقطار المتحرك.
- بتقلل من اضطرابات فرط الحركة، وبتعالج التشتت عند الطفل، زي الصلصال وألعاب البناء والمكعبات.
المكان واخد تقييم 4.2 على Google والـ Reviews عليه بتشيد بمساحة المكان الكبيرة، ووجود ألعاب كتيرة ومتنوعة، دا غير إنه مكان الطفل يحب يزوره. وبالنسبة للـ Staff فهما على مستوى من الاحترام والذوق في التعامل.
الـ Store عنده أكتر من فرع في الإسكندرية وهي:
- 17 شارع ألبرت الأول – عمارة دلتا لايف – سموحة.
تليفون: 01023352122 – 03/4238339.
- 159 شارع خليل الخياط – مصطفى كامل.
تليفون: 01016105023 – 03/5459377.
- شارع عبد السلام عارف – سان استيفانو.
تليفون: 01016105026 – 03/5846117.
اقرأ أيضاً: أماكن تعليم الجمباز للأطفال بالإسكندرية| أبرز 11 أكاديمية ومميزاتها.
6- Toy Story
المكان بيوفر مجموعة متنوعة من الألعاب الحديثة زي لعب ليغو واليويو وبلاي بايد، دا غير الوسائل التعليمية، زي ألعاب الـ Infinity cubs والساعة الرملية، وألعاب مناسبة للبنات زي العرايس والمطابخ، وبيوفروا جميع أنواع العربيات والأشخاص الكرتونية المحببة للولاد.
كمان الـ Store بيتميز بألعاب تنمية المهارات الحركية زي لعبة القوس، وأشكال مختلفة من ألعاب المنتسوري الشهيرة.
الـ Feedback على المكان إن الأسعار كويسة، دا غير تنوع الألعاب المناسبة لمختلف الأعمار. ومن ضمن المميزات توفير الـ Store لخدمة التوصيل. ودا اللي بيخليه ضمن أبرز أماكن بيع ألعاب تعليمية للأطفال بالإسكندرية.
العنوان: أمام بنك الإسكندرية – شارع الإقبال – محافظة الإسكندرية.
التليفون: 01091156032.
7– Toys Planet
يعد من أبرز أماكن بيع ألعاب تعليمية للأطفال بالإسكندرية، ودا لإنه بيضم مجموعة كبيرة من أحب الألعاب للطفل، زي لعب السيارات، وألعاب الفك والتركيب، وألعاب البنات. دا غير لعب الـ Blocks والمكعبات، كمان لعبة تكوين الفخار وتلوينه اللي بتعرف الطفل على مهاراته.
والسبب الرئيسي في وجود الـ Store ضمن قائمة أشهر أماكن بيع ألعاب تعليمية للأطفال بالإسكندرية هو وجود ألعاب علمية بتعرف طفلك على مكونات الماء، وحالات الطقس المختلفة، دا غير كمان تنمية مهارات تفكيره فى مجالات كتير ومختلفة.
دا غير إنه موفر كولكشن ملابس أطفالي أولاد وبنات بخامات كويسة، وبيعمل خصومات كتير عليها.
المكان حاصل على تقييم 4.5 على Google ضمن 88 Review بيشيدوا بجودة المكان وتنوع الألعاب، بالإضافة إلى مهنية واحترام المسؤولين.
فروع المكان:
- 179 أحمد شوقي – رشدي – مصطفى كامل – سيدي جابر.
- 225 شارع عبد السلام عارف.
واتساب: 01111121960.
8- أبو لعبة
بينضم أبو لعبة لقائمة أشهر أماكن بيع ألعاب تعليمية للأطفال بالإسكندرية، ودا لإنه بيوفر تشكيلة كبيرة من لعب الأطفال، مستلزمات حضانة، هدايا بأقل سعر، والمميز في المكان إنه بيجمع بين الألعاب الحديثة زي: ليجو، والسبورة البروجكتور، ومطبخ الصلصال، وألعاب زمان زي: اليويو وصيادة السمك.
دا غير الألعاب التعليمية زي: كروت تعليم الحروف والأرقام، والجوانيمو، والقصص المصورة، والكتب القماش.
بالإضافة للألعاب الكبيرة زي المرجيحة، والحصان، والزحليقة، والباسكيت بول، وبيت الكور؛ كلها بتتميز بالأسعار المتوسطة، ودا اللي ظهر من كلام العملاء في الـ Feedback.
المكان حاصل على تقييم 5 على Google وعليه Review كتيرة بتشيد بجودة المكان وتنوع الألعاب.
عناوين الفروع:
- فرع السيوف: خلف مطافي السيوف، بجوار بنزينة مصر، بجوار محل بيت السجاد، أمام كافيتريا الجوهرة.
- فرع سيدي بشر: 139 جمال عبد الناصر، أمام رياحين قبل نفق سيدي بشر من ناحية محمد نجيب.
- فرع العجمي: شارع البيطاش الرئيسي، بجوار مطعم الوحيد.
رقم التواصل: 01127342096.
أو الواتساب، دا غير التيليجرام بينزل عليه اللعب أول بأول بالأسعار والخصومات.
اقرأ أيضاً: أشهر 7 أماكن تدريب كرة السلة بالإسكندرية.
9- فرسان كيدز لألعاب تنمية المهارات والمنتسوري
يسمى المكان بمملكة الألعاب لتنوع الألعاب فيه، واللي بتركز على تعليم الطفل عن طريق الاستمتاع، ومنها:
- مجموعة من الأرقام والأثقال الصغيرة، للمساعدة على فهم الوزن والأعداد.
- ألعاب ذكاء وتنمية مهارات للصغار والكبار.
- ألعاب مكياج للبنات، وخرز، وتلوين شعر.
- عربيات بمختلف أنواعها، ومسدسات.
- ألعاب فك وتركيب.
- ألعاب منتسوري.
- ألعاب موسيقية.
- ألعاب طبخ.
- اسكوترات.
- كتب تلوين.
- ألعاب بحر.
- خيم وكور.
- لاب توب.
ودا بيخليه من أبرز أماكن بيع ألعاب تعليمية للأطفال بالإسكندرية، والمكان بينتمي للمحافظة لكن بيسوق للألعاب أونلاين، وبيتميز إن الـ Reviews على الألعاب وسرعة التوصيل، والجودة لطيفة ومشجعة. وتقدر تشوف فيديوهات للعب على الطبيعة من خلال قناتهم على الـ YouTube.
رقم التواصل: 01202906908.
10- Alex Toys
أكبر ميزة بتسمح لـ Alex Toys إنه يكون ضمن أشهر أماكن بيع ألعاب تعليمية للأطفال بالإسكندرية هي اختلاف ألعابه، ودا لإنه بيوفر مختلف الألعاب التعليمية اللي بتناسب الأطفال بداية من عمر شهور.
فبنلاقي عنده كل الألعاب المطاطية المناسبة للأطفال من عمر 6 شهور لـسنتين، وسجادة الأطفال اللي فيها ألعاب وبتشغل موسيقى للفت انتباه الطفل.
دا بالإضافة لألعاب التطابق والألوان لتنمية مهارات الطفل الحركية والمعرفية، والمطابخ والألوان المحببة للبنات، ومختلف الألعاب المتحركة زاهية الألوان بموسيقى مختلفة لضمان لفت انتباه الطفل واستمتاعه.
بالإضافة لكل الألعاب الرياضية المناسبة للعب في البيت، زي لعبة البوكس، والاسكوتر، والزحليقة، والمرجيحة، والترامبولين.
الـ Store أونلاين إلا إن الـ Feedbacks من أولياء الأمور هي:
- “شكرًا جدًا، اللعبة جميلة جداً وأجمل على الطبيعة، كمان شكرًا على الذوق، وطريقة التعامل والمصداقية. كان أول تعامل بس إن شاء الله مش أخر مرة. أتمنى لكم النجاح الدائم”.
- “شكرًا لكم على خدمة العملاء المحترمة، وعلى مندوب التوصيل المحترم، وسرعة التوصيل. أول مرة وإن شاء الله مش الأخيرة. اللعبة ممتازة وعجبت ابني جدًا شكرًا”.
- “أجمل العاب أطفال وحاجات تعليمية.”
البريد الإلكتروني: [email protected]
11- فرغلي للعب الأطفال
بيجمع Store فرغلي لألعاب الأطفال كل ما يخص المرح للطفل، وألعاب تنمية المهارات زي المكعبات بمختلف أشكالها، وألعاب تطابق الألوان والشكل، والبازل، وسبورة الأرقام والحروف الخشبية.
وبينضم Store فرغلي لقائمة أماكن بيع ألعاب تعليمية للأطفال بالإسكندرية، وبيوصل تقييمه على جوجل لـ 4.2 و83 تقييم، ومن الآراء الإيجابية عنه:
- “It’s a very very good place to shop for school stationary, children’s crafts, toys and many more. Prices are sometimes expensive. But not overrated, Looking forward to going again”.
- “Very good place for bringing toys for your kids, but the prices are a little high”.
- “Staff polite & helpful. Store has a variety of choices. Not too expensive, not cheap. I liked it”.
في النهاية، الألعاب هي أفضل وأحسن وسيلة تقدر تنمي بيها المهارات المختلفة عند طفلك بطريقة سليمة وممتعة في نفس الوقت. ودلوقتي معاك أشهر أماكن بيع ألعاب تعليمية للأطفال بالإسكندرية اللي تقدر تختار منها اللي يناسب طفلك، وتساعده يطور مهاراته.
أضف تعليق