أنظمة التعليم في محافظة الإسكندرية كتيرة ومختلفة، ودا بيسمح لأولياء الأمور يختاروا ويقارنوا بين الأنواع دي، ويبحثوا عن نظام تعليم متميز ومناسب لطفلهم؛ ومن أفضل الأنظمة التعليمية اللي أغلب الآباء بيلجؤوا ليها؛ هو نظام البكالوريا الدولية IB.
هنتكلم في المقال عن النظام دا بالتفصيل، وأهم المعلومات عن مدارس IB في الإسكندرية، فتابع معنا.
ما نظام البكالوريا الدولية IB؟
يُنسب نظام البكالوريا الدولية، أو ما يعرف بالـ International Baccalaureate إلى مؤسسة البكالوريا الدولية، واللي بيقع مقرها الأساسي في جنيف بسويسرا، وبيقدم مجموعة من البرامج التعليمية لمختلف المراحل الدراسية، والبرامج دي بتركز على التعليم الشامل، والتعلم النشط، والمهارات الحياتية.
وبتُعد برامج الـ IB من أكتر البرامج التعليمية تطورًا، ودا متوفر بشكل أساسي في مدارس IB في الإسكندرية؛ بالإضافة إلى تنميتها للمهارات الوظيفية، لإنها بتؤهل الطفل من صغره على التفكير النقدي، ومهارات البحث، والتواصل الفعال عشان يبقى جاهز للتعليم العالي، والحياة المهنية بأفضل شكل.
كمان نظام البكالوريا الدولية عالي الجودة، وبيتبع معايير معينة للتعليم، والتقييم، وبتشرف منظمة البكالوريا الدولية في وقتنا الحالي على أكتر من 3500 مدرسة متوزعة على 144 دولة مختلفة حول العالم، بالإضافة إلى إنها بتعمل كمستشار لمنظمة الأمم المتحدة للتربية، والعلم، والثقافة.
يمكنك أيضًا قراءة: ما هو نظام البكالوريا الدولية IB | أهم 7 معلومات
أسماء مدارس IB في الإسكندرية
ودلوقتي هنعرضلك كل التفاصيل اللي تهمك عن النوع دا من المدارس في الإسكندرية، وتقدر تقيم وتشوف الأنسب لطفلك.
1- مدرسة القومية للغات الرواد – Kaumeya Language School Al Rowad
بتعد مدرسة القومية للغات الرواد واحدة من أبرز مدارس IB في الإسكندرية، وبتقبل الأطفال من سن 3 سنوات، وصولًا للمرحلة الثانوية، وفيها 5 مراحل دراسية أساسية، هما:
- الـ Play school.
- الـ KG.
- المرحلة الابتدائية.
- المرحلة الإعدادية.
- المرحلة الثانوية.
الأقسام الأساسية
بتوفر مدرسة القومية أقسام تعليمية مختلفة، وهي:
1- قسم البكالوريا الدولية – IB
القسم دا معتمد من برنامج دبلوم البكالوريا الدولية (IB)، وبيقدم مناهج تعليمية للأطفال من سن 3 سنوات، وحتى 19 سنة.
2- القسم الأمريكي – American Department
بيقدم مناهج تعليمية للمراحل الأساسية من سن 6 لـ 18 سنة، وبيعتمد على الأنظمة التفاعلية، والوسائل الحديثة في التعليم.
3- القسم البريطاني – British Department
بيقدم مناهج تعليمية للمراحل الأساسية من سن 6 لـ 18 سنة، وهو جزء من Cambridge Assessment المعتمد من جامعة Cambridge.
4- الـ National Department
القسم دا بيدرس مناهج من وزارة التعليم المصرية، وبيعتمد على اللغة الإنجليزية في التدريس، وبيقدم تعليم للطلاب من سن 6 لـ 18 سنة.
5- الـ Nursery Department
ودا بيقدم تعليم لفترة ما قبل المدرسة، وبيقبل الأطفال من 3 لـ 6 سنين.
المصاريف
بتختلف المصاريف الدراسية وفقًا للقسم اللي بتختاره لأبنائك، دا غير إن المصاريف بتتغير من سنة للتانية، وبتصل رسوم التسجيل الأولية لـ 28,000 جنيه مصري، بتدفع مرة واحدة بدون تقسيط، إلى جانب دفع المصاريف الإضافية.
ووصل إجمالي مصروفات مدرسة القومية للغات لعام 2024- 2025م للمرحلة التأسيسية الأولى FS1 إلى 73500 جنيه مصري؛ شامل رسوم التسجيل، ومصروفات الكتب.
أما بالنسبة لمصاريف الـ Uniform فبتتراوح ما بين 3000 إلى 4000 جنيه مصري، بالإضافة لـ 14000 جنيه مصاريف الباص (اختياري).
مميزات المدرسة
- تدريس 3 لغات أساسية، وهما: الإنجليزية، والفرنسية، والعربية.
- تكلفة متوسطة بالنسبة لباقي مدارس الانترناشونال.
- عدد الطلاب في الفصل لا يزيد عن 20 طالب.
- تقديم تعليم متميز لجميع المراحل.
بالإضافة لكدا، فالمدرسة معتمدة من 3 جهات دولية، وهي:
- Cambridge Assessment International Education.
- The IB World Organization.
- وزارة التربية والتعليم.
ومن ضمن آراء أولياء الأمور عنها إنها مدرسة ممتازة، وبتهتم بالطلبة وتنمية مهاراتهم.
العنوان: 8 مكرر تقسيم المدارس، الطريق الدائري، أبيس، الإسكندرية.
رقم التواصل: 01286377990.
الإيميل: [email protected]
صفحة الفيسبوك: Kaumeya Language Schools
2– مدرسة إيليت الدولية – Elite International School
تعد مدرسة إيليت من أهم مدارس IB في الإسكندرية، و تأسست عام 2014، وهي واحدة من أشهر المدارس الانترناشونال المختلطة بالإسكندرية، وسن القبول فيها بيبدأ من عمر 3 سنوات لشهر أكتوبر.
بداية التقديم في المدرسة بيكون من شهر يناير، وحتى اكتمال العدد، ويفضل متابعة الموقع الإلكتروني، وصفحات التواصل الخاصة بالمدرسة بدايةً من شهر نوفمبر.
مصاريف مدرسة ايليت
وصلت مصروفات المدرسة لعام 2024- 2025م للمرحلة التمهيدية KG1 إلى 70000 جنيه مصري غير شامل أي مصاريف إدارية أو كتب أو يونيفورم.
مميزات المدرسة
- توفير المدرسة لرفاهيات كتيرة زي: الجيم، ومعامل للابتكار، ومطاعم للوجبات.
- اعتماد المدرسة من نظام البكالوريا الدولية، ووزارة التربية والتعليم.
- تدريس اللغة الإنجليزية والفرنسية من مرحلة رياض الأطفال.
- عدد الطلاب من 10 إلى 15 طالب في الفصل الواحد.
تعليقات أغلب أولياء الأمور كانت إيجابية عن المدرسة، ولكن بعضهم علق على المساحة الصغيرة سواء للمبنى أو الملعب بالمقارنة بمدارس تانية بالمحافظة، لكن بالنسبة لنظام التعليم فالآراء عنها إيجابية.
العنوان: طريق المطار – المتفرع من الطريق الدائري – خلف مطار النزهة – أبيس – قسم محرم بك – الاسكندرية.
رقم التواصل: 010933067078 / 01282752039.
البريد الإلكتروني: [email protected]
صفحة الفيسبوك: Elite International School
3– مدرسة فيوتشر الألمانية الدولية – The Neue Deutsche Schule Alexandria
مدرسة فيوتشر الألمانية هي واحدة من مدرستين بتعتمد النظام الألماني في التدريس داخل نطاق محافظة الإسكندرية، دا غير إنها واحدة من مدارس IB في الإسكندرية.
وبالتالي بيتخرج الطالب من المدرسة متقن اللغة الألمانية، وحاصل على شهادة الأبيتور اللي بتسمحله بالالتحاق بأي كلية داخل مصر أو خارجها.
بيبدأ التقديم للمدرسة للأطفال من عمر 3 سنوات للمرحلة التمهيدية، ومن 4 إلى 5 سنوات للحضانة.
المصاريف
تصل مصروفات مدرسة فيوتشر الألمانية الدولية إلى 59000 جنيه مصري للمرحلة التمهيدية (Pre-KG)، ودا وفقًا للعام الدراسي 2023 – 2024م، شامل رسوم:
- طلب التقديم.
- الـ Uniform.
- التسجيل.
- الكتب.
- الـ Bus.
وتقدر تتعرف على مصاريف العام الدراسي الحالي من خلال التواصل مع إدارة المدرسة.
مميزات المدرسة
- الحصول على ختم الجودة من جمهورية ألمانيا، كمدرسة ألمانية متميزة خارج ألمانيا.
- تدريس اللغة الإنجليزية من الصف الثاني، واللغة الفرنسية من الصف السادس.
- تدريس جميع المواد باللغة الألمانية ماعدا التاريخ، واللغة العربية.
- كثافة الطلاب في الفصول مش كبيرة، من 20 إلى 25 طالب فقط.
تنوعت آراء أولياء الأمور بين الإيجابي والسلبي، ولكن من أهم الملاحظات اللي أتفق عليها معظم أولياء الأمور، إن اختبارات القبول فيها أسهل من مدارس ألمانية تانية، زي مدرسة سان شارل للبنات.
العنوان: شارع الملاحة، خلف مطافئ المندرة، الإسكندرية.
أرقام التواصل: 01099922752 – 03/3233401 – 03/3239710 – 03/3239709.
الإيميل: [email protected]
صفحة الفيسبوك: NDSA Alexandria
4– أكاديمية الإسكندرية الدولية – Alexandria International Academy – AIA
افتتحت مدرسة أكاديمية الإسكندرية الدولية عام 2013م، كأول مدرسة دولية من مدارس IB في الإسكندرية؛ بالإضافة إلى إنها معتمدة من نظام الـ Congia الأمريكي الدولي، وبيبدأ التقديم للمدرسة من شهر ديسمبر كأغلب المدارس الدولية المشابهة.
المصاريف المدرسة
هي واحدة من أغلى المدارس في المصاريف بالنسبة للمدارس السابقة، فبتصل رسومها لحوالي 150000 جنيه مصري لمرحلة ما قبل الروضة، ودا تبعًا للعام الدراسي 2024- 2025م.
مميزات المدرسة
- تدريس 3 برامج لنظام الـ IB بداية من المرحلة الابتدائية.
- معتمدة من جهتين دولتين وهما الـ IB والـ Congia.
- معتمدة من وزارة التربية والتعليم رسميًا.
- بتقبل التحويلات من مدارس مختلفة.
أغلب التعليقات عن المدرسة بتدور حوالين غلاء المصاريف عن باقي مدارس الـ IB الأخرى، ودا طبعًا اللي بيعمل مشكلة كبيرة لأولياء الأمور، خاصةً مع مشاكل التعويم والدولار، لكن نظامها التعليمي ممتاز وبيشكر فيه أولياء الأمور اللي أبنائهم ملتحقين بيها.
العنوان: أبيس 1 – القطعة 2,3 – الإسكندرية.
رقم التليفون: 01286215550.
البريد الإلكتروني: [email protected]
صفحة الفيسبوك: AIA
5– أكاديمية جيمس بالإسكندرية – GEMS Academy Alexandria – GAA
تأسست مدرسة جيمس الدولية عام 2011م، والمدرسة بتحتوي على قسمين يقدر ولي الأمر يختار المناسب منهم لطفله، وهما القسم البريطاني، والبكالوريا الدولية الفرنسية.
وبتقدم أكاديمية جيمس بالإسكندرية منهج كامبريدج الأساسي في التعليم، مع التركيز على بعض المواد زي: اللغة الإنجليزية، والرياضيات، والعلوم، اللي بيتم تدريسها من خلال منهج مصمم على الطريقة الحديثة في التعليم بيعتمد على الفهم، مش الحفظ والتلقين.
مصاريف أكاديمية جيمس
بتصل مصروفات أكاديمية جيمس كواحدة من أهم مدارس IB في الإسكندرية لحوالي 155000 جنيه مصري للمرحلة التمهيدية الأولى، شامل الكتب الدراسية، ورسوم التسجيل، والباص.
مميزات المدرسة
- بتدرس المدرسة 4 لغات، وهم: العربية، والإنجليزية، والفرنسية، والألمانية.
- عدد الطلاب يتراوح من 11 إلى 25 طالب في الفصل الواحد.
- توظيف المدرسين الأجانب ذوي الخبرة في التدريس.
- فصول دراسية واسعة، وجيدة التهوية.
معظم أولياء الأمور أشادوا بالمدرسة، ونظامها المتميز في التعليم الانترناشونال، وبعضهم وصفها بإنها أفضل مدرسة في إسكندرية؛ لجودة التعليم المقدمة فيها، ولكن البعض كان عنده شكوى من صعوبة المدرسة في اختبارات القبول، ورفضهم بعض الطلبة المتفوقين لأسباب تانية غير تعليمية.
العنوان: الكيلو 13 طريق الإسكندرية القاهرة، أبيس، الإسكندرية.
أرقام التواصل: 01000505331 – 03/5190800.
الإيميل: [email protected]
صفحة الفيسبوك: GEMS Academy Alexandria
اقرأ أيضًا: أفضل مدارس انترناشونال في الإسكندرية بالعناوين والمصاريف
خطوات الالتحاق بمدارس IB في الإسكندرية؟
- تقديم طلب الالتحاق في المدرسة المرغوبة.
- إجراء اختبار تحديد المستوى اللي بيوضع طبقًا للمعرفة الحالية للطالب.
- دفع الرسوم الدراسية، والمصاريف الأخرى المطلوبة.
- اجتياز المقابلة الشخصية مع المسؤولين عن القبول في المدرسة.
ما مراحل الدراسة في مدارس IB؟
تنقسم مراحل الدراسة في مدارس البكالوريا الدولية لـ 3 مراحل أساسية، كالتالي:
1- المرحلة الابتدائية – Primary Years Programme
بتبدأ المرحلة دي من 3 سنوات وحتى 11 سنة، وبيسمح فيها التدريس باللغة العربية، وبياخد فيها الطفل اللغة العربية، والإنجليزية، والعلوم، واللغة، ومبادئ الرياضيات، بجانب الاعتماد على الأنشطة المختلفة بشكل أساسي لتنمية مهاراته المتعددة.
2- المرحلة المتوسطة – Middle Years Programme
بتبدأ المرحلة المتوسطة من سن 11 لـ 16 سنة، وهو ما يعادل من الصف السادس الابتدائي للصف الأول الثانوي، والمرحلة دي بتركز على الربط بين دراسة الطلاب، والعالم الحقيقي، وتطوير مفهومهم نحو ذاتهم، والتزامهم تجاه مجتمعهم، وتطوير مهاراتهم لتجهيزهم للمرحلة اللي بعد كدا.
3- المرحلة ما بعد المتوسطة – Diploma programme
بيمتد البرنامج الثالث لمدة عامين من سن 16 لـ 18 سنة، وهنا بيأهلوا الطالب عشان يستعد لدخول الجامعة، وفي العام الأخير منها “الصف الثالث الثانوي” بتتبعت الاختبارات من منظمة البكالوريا الدولية، وبتتصحح دوليًا.
وعلى حسب درجات الطالب بيقدر إنه يلتحق بالجامعات المصرية الحكومية ضمن الـ 5% المحددة وفق التنسيق، وبتتيح شهادة البكالوريا الدولية للطلاب دخول الجامعات الدولية مباشرةً بدون إجراء أي معادلات.
4- المرحلة الأخيرة – Career related Programme
ودي بتكون تابعة للـ Diploma programme، وهي المرحلة الخاصة بتطوير الطلاب مهنيًا، وشخصيًا عشان تؤهلهم لسوق العمل في مختلف المجالات، و كمان بتوفر للطلاب أساس أكاديمي قوي يكسبهم خبرات، ومعلومات تفيدهم في التعليم العالي، وفي واقع العمل فيما بعد.
ما مميزات مدارس IB في الإسكندرية؟
بالرغم من قلة عدد مدارس البكالوريا الدولية في محافظة الإسكندرية، لكن بتوفر للطلاب مميزات كتيرة ومستوى تعليم عالي، ومن أبرزها:
جودة تعليم متميزة
ارتفاع أسعار مدارس الـ IB مش بيكون من غير داعي؛ ولكن دا بيرجع لجودة التعليم المتميزة والمختلفة اللي بتقدمها المدارس دي، فمثلاً معظم مدارس الـ IB بتعتمد في التدريس على مدرسين أجانب، بحيث يقدروا ينقلوا التجربة العالمية لنظام البكالوريا بالكامل داخل مصر، ودا اللي بيخلي الطلبة قادرين يقدموا في أي جامعة في أوروبا أو خارج مصر عمومًا.
تنمية مهارات مختلفة
من أهم مزايا مدارس IB في الإسكندرية؛ هو اهتمامهم بتنمية بعض المهارات، اللي مش بتهتم بيها الأنظمة الأخرى، فمثلاً بنلاقي إن مدارس الـ IB بتهتم بتنمية التفكير النقدي، والابتكار، والتحليل، ومهارات التواصل بين الطلاب عن طريق الأنشطة المختلفة اللي بتقدمها المدرسة بصفة دورية، وبالتالي الطلاب بيحصلوا على تجربة تعليمية شاملة، وبينموا مهاراتهم الاجتماعية.
تدريس مجموعة واسعة من المواد
كل مدرسة من مدارس الـ IB بتهدف لتخريج الطلاب متقنين اللغة الإنجليزية، بالإضافة إلى لغة أجنبية تانية، واللي بتختلف تبعاً للمدرسة؛ فـ بيتم تدريس اللغة الفرنسية، أو الألمانية، أو الإيطالية بجانب اللغة الإنجليزية، لحد ما يتقنها الطالب بنفس القوة.
ودا بالإضافة إلى العلوم التطبيقية، والعلوم الإنسانية، والرياضيات، والفنون، عشان تطور الطالب في كل المجالات.
تقديم برنامج الـ “CAS”
بتقدم مدارس الـ IB ما يعرف ببرنامج الـ “CAS”، اللي من خلاله بيشارك الطلاب في أنشطة مختلفة خارج بيئة الصف الدراسي، لتنمية مهاراتهم الإبداعية، والاجتماعية، ولياقتهم البدنية.
ما عيوب مدارس IB في الإسكندرية؟
أما بالنسبة لعيوب مدارس IB في الإسكندرية، فبنلاقي:
ارتفاع المصاريف الدراسية
عند المقارنة بين مصاريف مدارس الـ IB وباقي المدارس الخاصة، هنلاحظ وجود فرق كبير جدًا في الأسعار، بيصل إلى آلاف الجنيهات، ولكن علشان تكون المقارنة عادلة لازم كمان ناخد الفروق التعليمية في الحسبان.
لإن المدارس دي بتعتمد نظام مختلف عن المدارس الخاصة، فبنلاقي إن عدد كبير من المدارس الخاصة بتدرس مناهج وزارة التربية والتعليم المصرية، ومش بتهتم بتنمية اللغات الأجنبية عند الطالب.
لكن مدارس الـ IB بتعتمد نظام عالمي في التعليم، وبجودة منفردة، وبيتخرج الطالب على إيد مدرسين أجانب، فبيتقن التحدث بلغتين على الأقل غير العربي.
الدراسة باللغة الإنجليزية
رغم إن الدراسة باللغة الإنجليزية بتكون ميزة كبيرة لشريحة كبيرة من الطلاب، ولكنها ممكن تسبب مشكلة للبعض الآخر، لإنهم مش متأسسين في اللغة صح قبل التقديم في المدرسة، وللسبب دا بنلاقي عدد كبير من المدارس بقى يختبر قوة اللغة الإنجليزية في المقابلات الشخصية.
والحل الأمثل للمشكلة دي بيكون التقديم للطفل في حضانة بنفس لغة المدرسة اللي ولي الأمر بينوي إلحاق طفله فيها، وبكدا يقدر الطالب يتأسس صح قبل دخول المدرسة، ويتخطى مشكلة الدراسة باللغة الإنجليزية.
اختلاف النظام التعليمي عن النظم المألوفة
مشكلة النظام التعليمي المختلف بتبدأ تظهر عند تدخل ولي الأمر في مساعدة الطالب في المذاكرة، ولإن الأب أو الأم مش بيكونوا دارسين بنفس النظام، فبيبدأوا يحسوا إنهم مش قادرين يساعدوا طفلهم بالشكل المطلوب، وبالنظام اللي تكيف عليه من صغره.
علشان كدا اختيار المدرسة، والسؤال عنها أكتر من مرة من أهم الخطوات اللي لازم ولي الأمر يقوم بيها قبل التقديم.
صعوبة اختبارات التقييم
بيتم تقييم الطلاب من خلال الاختبارات الموحدة والمعيارية اللي بتيجي من منظمة البكالوريا الدولية في الخارج، فدا بيكون صعب عليهم، وبيحسوا بضغط كبير عشان يقدروا ينجحوا بأفضل النتائج في الاختبارات دي.
الخلاصة
أكيد كل مدرسة من مدارس IB في الإسكندرية ليها طابع خاص بيها، ولكن كلهم بيتبعوا نفس المنهج اللي بيهتم ببناء جيل قوي، مثقف، وواعي بمهاراته، وقدراته، وقادر يستغلها صح عشان يحقق طموحاته، ويكون سبب في تطوير مجتمعه.
أضف تعليق