أشهر حضانات إسكندرية للغات وكيفية اختيار واحدة لطفلك

إيه هي أشهر حضانات إسكندرية للغات؟

يعد اختيار الحضانة المناسبة للطفل خطوة مهمة وحساسة في حياة كل أم، لإن رقم واحد بالنسبة لها هو اختيار مكان آمن، يوفر الرعاية اللازمة، والبيئة المحفزة للنمو بشكل سليم وصحي للطفل، وتقدر تطمن عليه وعلى مستواه التعليمي. 

وتحقيق المعادلة الصعبة بين اختيار الحضانة الأمثل من حيث البيئة الآمنة وحتى السعر المعقول، وتعليم طفلك للغات مختلفة في مرحلة عمرية مبكرة بيدخلك في حيرة كبيرة من الاختيارات بسبب وجود العديد من الحضانات.

عشان كدا بنقدملك من خلال المقال تفاصيل أكتر عن أفضل حضانات اللغات في الإسكندرية، وإزاي تختاري الحضانة الأنسب لطفلك.

أهمية اختيار حضانة لغات لطفلك

التقديم في حضانة ضمن حضانات إسكندرية للغات بعد خيار مميز لطفلك، لإنك بكدا بتساعديه على:

• التحدث والنطق بطلاقة، وتكوين جمل ومفردات سليمة في سن صغير.
• التوسع الثقافي والعقلي للطفل، لإنه بيدرس ثقافات بلاد مختلفة.
• اكتساب مهارات التواصل الاجتماعي مع جميع الأشخاص.
• تحسين القدرة على الاستيعاب التعليمي والأكاديمي.
• تحسين القدرة على التفكير الجيد، وتدارك الأخطاء.
• القبول في مدارس اللغات الدولية والمحلية.
• الاستعداد لاكتساب مهارات جديدة.

وعلشان نسهل عليكي الاختيار بنقدم لك قائمة بأشهر حضانات اللغات في مدينة الإسكندرية. 

حضانات إسكندرية للغات 

بتضم الإسكندرية مجموعة كبيرة من الحضانات اللي بتعلم اللغات، ومن أشهرها بنلاقي: 

1- حضانة Pink and Blue Preschool

من الحضانات المميزة في تعليم الطفل ومتابعته، وتقدري تدخلي طفلك فيها من عمر سنة، وكمان موجود فيها سيستم كاميرات، اللي بيديكي صلاحية رؤية ومتابعة طفلك على مدار اليوم.

مواعيد الحضانة يومًيًا من السبت للخميس من 7 صباحًا إلى 4 مساءً، مع وجود وقت إضافي لحد الساعه 9 مساءً، ودا مفيد للأم العاملة إنها تقدر ترجع من شغلها أي وقت، ويكون الطفل في مكان آمن، ويمارس أنشطة مختلفة، ودا يخليها من أحسن حضانات إسكندرية للغات. 

الأوراق المطلوبة للتقديم هي: صورة شهادة الميلاد، وصورة بطاقة الأب والأم، والتقديم بيكون في أي يوم من الساعة 10 صباحًا إلى الساعة 12 ظهرًا ما عدا يوم الجمعة.

أما عن مصاريف الحضانة فبتكون:

• مصاريف الاشتراك الشهري: 1500 جنيه.
• مصاريف اشتراك نصف الشهر (حضور 12 يوم): 1200 جنيه .
• مصاريف استضافة الحضانة باليوم: 150 جنيه.

بالإضافة إلى إن الحضانة بتوفر باص بمشرفة مصاريفه من 400 إلى 600 جنيه، والمصاريف هنا بتتحدد وفقًا لمنطقة السكن.

ومن ضمن الـ Feedbacks اللي تجذبك كأم إنك تشتركي لطفلك في حضانة بينك آند بلو كإحدى حضانات إسكندرية للغات هي: 

• “كمية الاكتفيتي بالحضانة فظيعة ما شاء الله، واهتمام بالأطفال، والنظافة ثم النظافة ثم النظافة، ومريحني قوي في موضوع الكاميرا الأونلاين”.
• “بجد مكان أكتر من رائع، أهم ما يميزه نشاطات جميلة، غرس القيم فى الاطفال فوق الممتاز، كل العاملين على مستوى عالى من الاجتهاد، وأستاذة نوران بجد أنا سعدت بالتعامل معاكي”.

فروع حضانة بينك آند بلو

وجود أكتر من فرع بالإسكندرية للحضانة، ييساعد في ضمها لقائمة أشهر حضانات إسكندرية للغات، لإنها بتغطي مساحة سكانية كبيرة، وفروعها هي: 

فرع سبورتنج

العنوان: فيلا 184 شارع طيبه، بين كليوباترا وسبورتنج.

أرقام التواصل: 01022119489 – 035451790 

فرع شارع فؤاد

العنوان: 11 شارع اللواء محمود حمدي خطاب، اول شارع شمال من شارع فؤاد.

أرقام التواصل: 033931507 – 01062856524

فرع سابا باشا

العنوان: 18 شارع الدكتور شريف صابونجي، أمام المستشفى الألماني سابا باشا،بين ابو قير والترام.

أرقام التواصل: 035850511 – 01551801501

فرع ميامي

العنوان: شارع 45 الرئيسى بميامى، على ناصية شارع 12

أرقام التواصل: 03/5352227 – 01554651127 

فرع سموحة

العنوان: عماره سموحة، اوريجينال شارع، 50 اول شارع يمين من مصطفى كامل، بجوار حمام الشام.

أرقام التواصل: 034228645 – 01501547264

2- حضانة Talents Academy

تعد حضانة تالنت أكاديمي من أشهر حضانات إسكندرية للغات الموجودة حاليًا، لأنها بتوفر العديد من المميزات زي:

• تنمية مهارات الأطفال الإدراكية والحسية.
• تأسيس اللغة العربية والانجلش والماث.
• توفير الأنشطة الرياضية والاجتماعية.
• توفير الأنشطة الفنية واليدوية.
• تحفيظ القرآن.

كمان الأكاديمية توفر أكثر من فرع بالإسكندرية، ومواعيدها من السبت إلى الخميس، وبتشتغل فترة صباحية ومسائية.

سن القبول في الحضانة بيكون من 12 شهر إلى 5 سنوات، أما عن مصاريف الاشتراك الشهري فبتبدأ من 2000 جنيه. 

والحقيقة الـ Feedback الموجود من الأمهات على الحضانة رائع جدًا، وبيشجع على اختيارها، ومن أبرز الآراء:

“دى مش حضانة دا مكان رائع جدًا جدًا، أولادى بيحبوها أكتر من البيت، وبيزعلوا جدًا يوم الإجازة، الحضانة أكتر من رائعة فى الاهتمام بالأطفال ومراعاة قلق الماميز على أولادهم، والمدرسين محبوبين جدًا، والواحد بيكون مطمن على أولاده معاهم، بجد أنا بدي الحضانة أكتر من 10 فى كل حاجة”.

العنوان: 81 شارع كانوب الإبراهيمية، متفرع من شارع لاجيتيه، أمام مستشفى السجينى.

أرقام التواصل: 01115051509 – 01097030600 

3- حضانة Tiny Hopper Academy

أهم مميزات حضانة تايني هوبر هي تدريس أكتر من لغة، وهما: اللغة الإنجليزية، والفرنسية، والألمانية، وهي فعًلا بتنضم بجدارة لقائمة أفضل حضانات إسكندرية للغات اللي بتوفر اهتمام عالي بمستوى الطفل العام، وتدريس العديد من المناهج المناسبة لكل سن.

الحضانة كمان بتقدم الـ summer camp، وبتهتم بتوفير أنشطة كثيرة للأطفال، وكل دا ضمن المصاريف الشهرية، وقيمتها 1250 جنيه. 

مواعيد الحضانة يوميًا من الساعة 8 صباحًا إلى الساعة 3 عصرًا، مع وجود وقت إضافي للساعة 5 مساًء، ما عدا يوم الجمعة والسبت إجازة. 

ومن ضمن آراء الأمهات في المكان وفي مستوى الحضانة:

• “أكتر ناس مريحة اتعاملت معاهم، والمكان نظيف، ومنظم، وبحس أنهم بيعملوا كل حاجة بحب، وبنتي كمان بتحبهم، بالتوفيق دايمًا” 
• “أجمل حضانة، وبجد قمة في النظافة، والاحترام، ومحافظة على الأطفال، وتعاون من الإدارة تحفة الحقيقة”.

العنوان: سيدي بشر بحري، شارع عمرو النجومي، متفرع من العيسوي، فيلا الجرحى.

رقم التواصل: 01271458593

4- حضانة باربي للغات

من مميزات الاشتراك بحضانة باربي للغات هي تأهيلها الدراسي للأطفال بشكل فعال جدًا لدخول المدارس الدولية، ومدارس اللغات بسهولة، وهي من أحسن حضانات إسكندرية للغات المتميزة بتقديم رعاية صحية ورياضية متكاملة.

مميزات حضانة باربي

• اعتمادها على منهج المنتسوري في التعليم، ودا بيظهر في شخصية الطفل، وتقوية قدرته الحركية والعقلية والحسية في التعامل مع الأشياء.
• اعتمادها على تحسين نقاط الضعف لدى الطفل، زي: تحسين الانتباه والتركيز، وتحسين الذاكرة، وتقوية نطق اللغة.
• توفر الرحلات التعليمية، والترفيهية.

خدمات مختلفة تقدمها حضانة باربي

• استشارات نفسية للأطفال، وتوعية الأهل بكيفية التعامل مع طفلهم.
• علاج تخاطب وتعديل سلوك.
• علاج مشاكل التواصل عند الأطفال.
• ورش عمل فنية.
• تحفيظ قرآن.

سن قبول الطفل من 3 شهور إلى سن دخول المدرسة، ومواعيد الحضانة من 7 صباحًا إلى 4 مساًء يوميًا، ما عدا الجمعة.

ولمعرفة مصاريف الاشتراك الخاصة بالحضانة، تقدر تتواصل معاهم عن طريق الصفحة الخاصة بهم.

عنوان الفرع الرئيسي: ميامي، 318 ش الملك حفنى، خلف الاكاديمية، فوق صيدلية الأكاديمية.

 رقم التواصل: 01277330970

5- حضانة Kidzania Academy

من ضمن حضانات إسكندرية للغات المهمة هي أكاديمية كيدزنيا، لإنها بتوفر أفضل مناهج دراسية، وبتأهل طفلك لدخول أفضل مدارس بالمدينة، وبتهتم بتوفير التعليم الإبداعي، وبتحرص على وجود منهج الحساب الذهني، من خلال برنامج ماجيك ماث، وهو من أوائل البرامج في الحساب الذهني لتنمية المهارات العقلية.

بالإضافة للميزات السابقة، فالأكاديمية بتدرس منهج الـ jolly phonics، وبتهتم بالمواد الدراسية الأخرى زي: العلوم، واللغات، وكمان موجود بالأكاديمية تأسيس للأطفال بعد دخول المدرسة، من حيث اللغات أو المواد الدراسية المختلفة.

الحضانة كمان بتوفر متابعة نفسية للطفل، من خلال زيارة الإخصائية النفسية مرة كل أسبوع، مع وجود جانب ترفيهي بالأكاديمية زي: تعليم الـ Hand-craft، والرسم، والتلوين.

سن القبول بداية من سنة ونصف حتى 6 سنوات، ومتاح Homeschooling من أول عمر سنة، وحتى 3 سنوات.

الحضانة بتعد من ضمن حضانات إسكندرية للغات اللى بتقدم مميزات مثالية  للأم، من حيث المواعيد، والمصاريف، والمواد التعليمية، وتأسيس الطفل.

ومصاريف الاشتراك بتكون كالآتي: 

• مصروف شهري: 950 جنيه
• اليونيفورم: 400 جنيه
• الكتب: 350 جنيه

أما عن مواعيد الحضانة فبتكون متقسمة لفترتين حسب احتياج كل أم:

• الفترة الأولى: من الساعة 8 صباحًا إلى الساعة 3 ظهرًا.
• الفترة الثانية: من الساعة  12 ظهرًا إلى الساعة 7 مساءً، يوميًا ما عدا الجمعة إجازة. 

من ضمن الـ Feedback عن الأكاديمية تجربة من أحد أولياء الأمور: “مدام هديل صاحبة الحضانة بجد قمة في الذوق، وبتتعامل مع الأطفال بلطف جداً كأنهم أولادها، ودايماً تطور من المناهج وخطط متابعة الأولاد، المُدرسات لذيذة جداً، والأولاد بيحبوهم، وفيهم كمية طاقة ونشاط كبيرة جدًا”.

ودا يخلينا نضيفها لقائمة أشهر وأفضل حضانات إسكندرية للغات.

عنوان الأكاديمية: فيكتوريا، 23شارع ابراهيم سيف، متفرع من على هيبه، جمال عبد الناصر.

أرقام التواصل:01023689390 – 033554095 

6- حضانة إسكندرية للغات – little hands 

الحضانة مميزة بوجود خدمات مختلفة بجانب الخدمة التعليمية، زي:

• توفير موقع خاص بتقديم الاستشارات أونلاين من خلال مختصين وأطباء
• توفير قسم على الموقع لشراء الألعاب اللي بتساعد الطفل على تنمية مهاراته.
• وجود معالجين للطفل اللي بيعانى من صعوبات التعلم .
• وجود متخصصين للتعامل مع ذوي القدرات الخاصة.
• وجود متخصصين تخاطب(اضطراب النطق واللغة).
• وجود أخصائين تعذية ومتابعة لصحة الطفل.
• وجود متخصصين في تعديل السلوك.
• وجود متخصصين إرشاد أسري.

كمان الحضانة مميزة بتدريسها للغة الفرنسية والإنجليزية، وتحفيظ القرآن، ودا يخليها من ضمن أحسن حضانات إسكندرية للغات المتوفرة في منطقة محرم بيك.

المواعيد بتكون يوميًا من الساعة 7:30 صباحًا إلى الساعة 3 عصرًأ، ما عدا يوم الجمعة إجازة، والحضانة بتحدد يوم السبت لزيارة أولياء الأمور الجدد، وإجراء المقابلات، لعرض تفاصيل أكتر عن الاشتراك، والمواد الدراسية.

ومن ضمن آراء الأمهات عن الحضانة بنلاقي: 

• “الأفضل على الإطلاق، أمناء جدًا، متفاهمين جدًا، الطفل في أمان كامل معاهم، تجربتي كانت أكتر من رائعة، اتمنى ليهم كل التوفيق”
• “حضانة ممتازة والعاملين بها كفء، وعلى خلق، وحسن معاملة الطفل، وحسن الخلق في جميع العاملين، الإدارة الحازمة الناجحة، ونجاح الأطفال علميًا وعمليًا، وأدبيًا، هذا ما تتسم به حضانة إسكندرية للغات.

العنوان: وابور المياه شارع جلال الدسوقي، امام فتح الله ماركت مباشرة، كمباوند مدينة المستقبل،

شارع المفتش كمبوند مدينة الشباب.

رقم التواصل: 01212505183

7- حضانة ستارز –  Starz Preschool

حضانة ستارز هي واحدة من أشهر حضانات إسكندرية اللي بتقدم جودة مثالية في التعليم الدراسي للطفل، إلى جانب الرعاية الكافية للسن الصغير، لإنها بتخصص مكان ليهم، وبيتم التعامل معاهم بطرق مختلفة عن الأطفال الأكبر سناً.

وكمان يومهم بيكون مليان أنشطة تطوير مهارات سواء إداركية، أو حركية زي: الرسم والتلوين، وهاند كرافت، والنحت، وألعاب مناسبة لكل سن.ومع التطور الملحوظ في المهارات، ممكن كمان يتعلموا لغات مختلفة، وعلشان كدا موفرين اللغة الإنجليزية، الألمانية، الفرنسية.

سن قبول الأطفال: من عمر 3 شهور حتى دخول المدرسة، وتجربة الأم اللي هنذكر رأيها حاليًا، يخلينا نضم حضانة ستارز لقائمة أشهر وأفضل حضانات إسكندرية للغات، اللي تستحق إنك تختاري طفلك يتعلم فيها، وتعليقها هو:

“أنا بنتي دخلت المكان دا  لمدة شهرين، كانوا أحلى شهرين في حياتها بجد وفي حياتي أنا كمان، اتعلقت بكل حد فيه، من أول الأمن اللي على الباب لحد ميس نبيلة، بجد الروح اللي في المكان وتعاملهم مع الأطفال واهتمامهم بيهم ما شفتهوش في أي حتة، وكمية المجهود اللي بيعملوه، والـ activities برضو ما شفتهاش في مكان تاني.

بنتي كانت رايحة مش بتتكلم، وقعدت شهرين معاهم، بقت بتتكلم كويس جدًا، وبتعرف تعمل حاجات كتير أوي، شكرًا على إحساس العيلة اللي في المكان، وشكرًا جدًا بجد إنكم مش مستغلين ماديًا أبدًا”. 

العنوان: فيلا 3 – شارع رقم 1 كمال الدين صلاح – سموحة.

أرقام التواصل:01112751212 – 034255192

8- حضانة الملكية للغات

المكان دا يُعد من الأكاديميات المشهورة بالإسكندرية، لإنه مش مجرد حضانة تعليمية، واستضافة للأطفال بس، هو مكان مخصص للتعليم الدراسي الحديث، وعلاج الأطفال من المشاكل النفسية والصحية، والاهتمام بالجانب البدني والرياضي للطفل.

كمان المكان مرخص، وبيتم الإشراف عليها من وزارة التربية والتعليم، ومن أهم مميزاته:

• توفير برامج خاصة لأطفال المدارس أثناء الإجازة (Summer Camp).
• تسهيل دخول المدارس الحكومية والخاصة المميزة.
• توفير مدرسات متخصصين ومؤهلين تربويًا.
• تعلم اللغة الإنجليزية بطريقة Jolly Phonics. 
• إعداد الأطفال للإنترفيو الخاص بالمدارس.
• تحفيظ القرآن الكريم، ومنهج السلوكيات.
• توفير كاميرات مراقبة لمتابعة الطفل.
• توفير جلسات تخاطب برايفت.
• توفير شاشة عملاقة تفاعلية.
• وجود إشراف تربوي.

أما عن المواعيد الخاصة بالأكاديمية فبتكون من الساعة 7 صباحًا إلى الساعة 5 مساءً، ومتقسمة على فترتين

وبالنسبة لسن قبول الأطفال يبدأ من عمر سنتين، وحتى سن دخول المدرسة، ومصاريف الاشتراك الشهري بتبدأ من 400 جنيه. 

ومن ضمن الأراء المميزة عن الحضانة، كونها من أقدم حضانات إسكندرية للغات، رأي إحدى الأمهات فيها وهو: “شكرًا حضانة الملكية على اهتمامها بأولادنا، وتعليم وترفيه الأطفال، وشكرًا لاهتمام مس نادية، وباقي فريق العمل”

العنوان: شارع المراغي العمومي، شارع الجامع، خلف ملعب الدياش .

رقم التواصل: 01224425635

9- أكاديمية ديف أند ايفا – Dave & Ava Academy

أهم ما يميز أكاديمية ديف أند ايفا أنها بتقدر تتواصل مع الأطفال عن طريق اللعب، وتنمية المهارات الحسية، وكمان بتوفر كتب ناطقة خاصة بالمركز، لتسهيل تعليم طفلك النطق الصحيح.

وبتقدم الأكاديمية تقييمات شهرية لكل طفل، لمساعدة الأمهات في التعامل مع طفلها، ومعرفة المشاكل اللي بيمر بيها، وطرق حلها.

واللي بيميز الحضانة دي عن باقي حضانات إسكندرية للغات هي:

• توفير جلسات مهارات، وتعديل سلوك، وسيكودراما.
• تعليم اللغة العربية بطريقة نور البيان.
• تعليم اللغة الإنجليزية، والفوناكس. 
• تحفيظ القرآن الكريم بالتجويد.
• تعليم الماث والساينس.
• تقييم ذكاء الطفل.

مش بس كدا، بتوفر كمان الجانب الترفيهي، لإن من حق الطفل يمرح، وينبسط بشكل عفوي، عن طريق اللعب، والرسم، وكمان الكرافت.

سن قبول الأطفال بيبدأ من عمر سنتين إلى 6 سنوات، أما عن المواعيد الخاصة بالأكاديمية فبتكون من الساعة 7:30 صباحًا، وحتى الساعة 2 ظهرًا، من يوم الأحد إلى الخميس، ومتاح وقت إضافي في الكيدز آريا الخاصة بالمركز، حتى الساعة 11 مساءً.

الأكاديمية تعد من الأماكن الأفضل من حيث المساحة، وتقديم أنشطة مختلفة للأطفال عن طريق التعلم بالاكتشاف، وعلشان كدا الأمهات بتفضلها كإحدى حضانات إسكندرية للغات المتطورة للأطفال.

والمصاريف هي 1800 جنيه، شاملة جميع البرامج بالأكاديمية، وكل التقييمات، والـ Fun Day، والأدوات المستخدمة في الكرافت وإعادة التدوير، والجلسات بدون مصاريف الباص.

وكمان متاح ملئ الابلكيشن للتقديم للحضانة مجانًا، مع توفير يوم للطفل بالأكاديمية للتجربة، واطمئنان الأم من المستوى العام. 

ومن ضمن الـ Feedbacks اللى لاقيناها على مواقع السوشيال ميديا عن الحضانة، هو رأي لأم جربت الحضانة لطفلتها، واتبسطت بالخدمات اللي كانت مختلفة عن أي حضانة موجودة ضمن حضانات إسكندرية للغات بمنطقة العصافرة، وكان رأيها هو: 

“ديف اند ايفا بجد أكتر حضانة متميزة، والـ Staff رائع جدًا، وبجد فرقت جدًا مع لارا في كل حاجه في شخصيتها.

 وطبعًا المستوى التعليمي أكتر من رائع، خاصة مس ياسمين، والنظافة، والاهتمام بالدين والقرآن، والترفيه، الحقيقة هو مركز متكامل”.

العنوان :شارع جمال عبد الناصر الرئيسي، تحت كوبري 45 بجوار أليكس جيم (معهد الجزار سابقآ)، العصافرة

أرقام التليفونات : 035494087-  01099219201 – 01206818353 

10– حضانة لايف اكاديمى -life academy nursery

حضانة لايف أكاديمي بالإسكندرية هي أحد النماذج المثالية في تقديم رعاية متكاملة للطفل، ووجودها بقائمة أفضل حضانات إسكندرية للغات بيعود لتوفيرها الاحتياجات المهمة لكل أم عندها طفل بيعاني من مشكلة ما. 

ومن ضمن الخدمات اللي بتقدمها الحضانة، كعلاج للأطفال ومساعدة الأم على توفير رعاية لطفلها هي: 

• جلسات خاصة للأطفال ذوي  صعوبات التعليم.
• جلسات خاصة لتحسين الاستماع والفهم.
• علاج مشاكل التواصل لدى الأطفال.
• جلسات تعديل السلوك.
• علاج تشتت الانتباه.
• جلسات التخاطب.
• اختبارات الذكاء.

كمان الحضانة بتوفر النظام الدراسي، والتأهيلي للمدارس الخاصة والدولية، عن طريق دراسة مناهج حديثة  لمادة الماث والحساب الذهني، واللغة الإنجليزية بطريقة الـ  jolly phonics. 

والأوراق المطلوبة للتقديم هي: صورة شهادة الميلاد للطفل،وصورة بطاقة ولي الأمر (الأب والام).

وهي مميزة كواحدة من أشهر حضانات إسكندرية للغات اللي بتقدم مواعيد صباحية ومسائية تناسب كل أم، وهي:

• الفترة الصباحية: من الساعة 7 صباحًا إلى الساعة 3 ظهرًأ.
• الفترة المسائية: من الساعة 3 ظهرًا إلى الساعة 8 مساءً.

أما عن تفاصيل مصاريف الاشتراك الشهري فبتبدأ من 500 جنيه إلى 800 جنيه، وبتتحدد عند اختيار الفرع، وبتوفر الحضانة باص بسعر اشتراك متغير حسب المنطقة السكنية.

ومن ضمن تجارب الأمهات مع الحضانة لقينا: “عن تجربة شخصية، مكان ممتاز ونظيف، مدرسات أفاضل عارفين إزاي يحبو الأطفال ويحببوهم في المكان، غير بقى الناني المحترمة “كوثر”، اللي بتهتم بشكل الطفل.

وطبعًا على رأس كل دا ميس دينا، ومعاملتها الراقية مع الأطفال، وأولياء الأمور، وميزة مهمة إنهم بيشجعوا الأولاد، ويحفزوهم يكونوا كويسين وأفضل”

ودا يخلينا نضمها كواحدة من أفضل حضانات إسكندرية للغات المميزة في تقديم معايير الجودة، والإشراف الدراسي على الأطفال.

وبالنسبة للفروع الخاصة بالحضانة هما:

• الفرع الأول: شارع جمال عبد الناصر، فوق أسواق الشريف مباشرة ، العصافرة بحري.
• الفرع الثاني: شارع أحمد تيسير، بجوار مدرسة الجذور، العصافرة بحري.

أرقام التواصل:  01284031456 – 01201173397

11- أكاديمية الأبطال الصغار- little champions academy

آخر حضانة في قائمة أشهر حضانات إسكندرية للغات معانا هي أكاديمية الأبطال الصغار، ودي أكاديمية بتركز على بناء شخصية الطفل، وتنمية مهاراته الفردية والاجتماعية من خلال تقديم برامج تعليمية بتعتمد على منهج “بي يونيك”. 

لمعلوماتك، منهج بس يونيك هو منهج قائم على تعليم الطفل من خلال الأنشطة المتنوعة، والتفاعلية بينه وبين المدرس والأطفال الأخرى، وبيعتمد على عدم حفظ الطفل، والتعلم الذاتي عن طريق إثارة فضوله.

الحضانة بتهتم بتعليم الإتيكيت والأداب العامة، عشان تطلع طفل قادر يتعامل بشكل سوي مع اللي حواليه، ودا غير اهتمامها بالتدريب على مهارات مختلفة زي الرسم، والحرف اليدوية.

بنلاقي إن الحضانة بتفتح بابها للأطفال بداية من سن 4 شهور، وحتى سن دخول المدرسة، وتنضم كأفضل حضانات إسكندرية للغات من حيث التأسيس العام للطفل. 

وأما عن مواعيد الحضانة هى: من الأحد إلى الخميس، تبدأ من الساعة 7 صباحًا إلى الساعة 3 ظهرًا، مع توفير استضافة للطفل، من الساعة 3 ظهرًأ إلى الساعة 10 مساءَ بمصاريف إضافية، ومصاريف الحضانة الأساسية هي 1500 جنيه في الشهر.

العنوان: 8 شارع مصطفى كامل – أمام نادى القضاة، بولكلى.

أرقام التواصل:  0106535498 -01096114317

بعد معرفتك بقائمة أشهر حضانة من حضانات إسكندرية للغات، إزاي تحددي الحضانة الأنسب لطفلك؟

عوامل مهمة يتوقف عليها اختيار حضانة طفلك 

كل أم بيشغلها أمان طفلها، وتلبية احتياجاته بشكل كامل، ومن هنا لازم تفكري في وجود عناصر مهمة وأساسية قبل اختيار حضانة طفلك، وهي:

1- الأمان 

لازم الحضانة اللي هتختاريها لطفلك تكون بتوفر أساسيات السلامة والأمان بالحضانة، زي:

• توفير أدوات للطوارئ، زي: علبة الإسعافات الأولية.
• وجود كاميرات لمتابعة طفلك -إن أمكن-.
• الأسوار عالية عن مستوى الطفل.
• الأبواب مغلقة جيدًا.

2- النظافة

النظافة من العوامل المهمة في اختيار حضانة طفلك من قائمة حضانات إسكندرية للغات، لإن توفير أدوات نظيفة وصحية للأنشطة الفنية واللعب بيقلل من فرص تناقل الأمراض المعدية بين الأطفال.

3- عوامل الصحة

من المهم اهتمامك بمعرفة أنواع الطعام المقدم للطفل، والتأكد من أنه صحي ومناسب لعمره.

ويفضل وجود ممرضة بالحضانة، أو معرفة أحد المتواجدين بالإسعافات الأولية، للتصرف لو لا قدر الله حصل تعب مفاجئ أو إصابة للطفل.

4- موقع الحضانة 

ومن أهم العوامل اللي لازم تحطيها في اعتبارك وقت اختيار حضانة لطفلك هي مدى قرب المكان من بيتك، ومن الخدمات عمومًا، عشان يكون من السهل إنك تزوري المكان في أي وقت، وتطمني على طفلك. 

لكن في بعض الأحيان ممكن تتغافلي عن قرب المكان من البيت طالما في باص بياخد الطفل، وموقع الحضانة ذاته كويس وقريب من أماكن الخدمات.

5- جودة الإشراف والتعليم

قبل اختيارك للحضانة لازم تتأكدي من جودة المدرسين والمشرفات، وتسألي عن طريقة تعاملهم مع الأطفال وأولياء الأمور، ومدى مرونة التعامل دا.

وأخيرًا، اختيارك لحضانة من حضانات إسكندرية للغات مش أمر سهل، ويتطلب بذل مجهود لتحديد المكان الأنسب لطفلك، وفي المقال دا قدمنالك أشهر مجموعة حضانات تقدري تختاري ما بينهم وفقًا للمعايير اللي ذكرناها. 

ولو عندك أي سؤال بخصوص اختيار حضانات اللغات تقدري تقوليلنا عليه، وإحنا هنجاوبك.