المدرسة البريطانية بالإسكندرية: دليلك الشامل لأهم المعلومات والمميزات والمناهج والأنشطة

لو بتدور على مدرسة تضمن لأولادك تعليم مميز ومستقبل مشرق فالمدرسة البريطانية بالإسكندرية واحدة من أفضل الخيارات دي.

ودا لإنك لما بتختار مدرسة لأولادك؛ بتدور على أكتر من مجرد تعليم، على بيئة تربوية تساعدهم يكتشفوا نفسهم، ويبنوا ثقتهم بنفسهم، ويلاقوا شغفهم.

ومن خلال المقال دا هنعرفك على المدرسة اللي بتجمع بين التميز الأكاديمي والرعاية المتكاملة، وهتلاقي فيها كل الإجابات اللي بتدور عليها.

خليّك معانا، وهتعرف ليه المدرسة البريطانية بالإسكندرية (BSA) هي الوجهة المثالية لأولادك!

نبذة عن تاريخ الـ BSA

اتأسست المدرسة البريطانية في الإسكندرية عام 1984م على أراضي القنصلية البريطانية، وبتقع المدرسة في الحي السكني بكفر عبده، ودا بيخليها سهلة الوصول، وكمان بتمتاز بتقارب جميع الموارد المحلية.

والمدرسة معتمدة رسميًا من أكتر من جهة وهما:

• COBIS
• Cambridge
• BSO
• BSME
• Edexcel

دا بالإضافة للشراكة مع المجلس الثقافي البريطاني. وبتخضع لإشراف وزارة التربية والتعليم المصرية.

وعلى مدار السنين المدرسة توسعت وبقى عندها كذا فرع، وحالياً بتضم حوالي 433 طالب أعمارهم من 3 لـ 18 سنة، وبتقدم تعليم بجودة عالية مبني على النظام البريطاني، وكمان مفتوحة للمجتمعات المحلية والأجانب.

شعار المدرسة: “التميز في التعلم والاستعداد للحياة والقيادة”.

ورؤية المدرسة البريطانية بالإسكندرية هي:
“توفير تعليم بريطاني دولي عالي الجودة للطلاب في مصر من عُمر 3 – 18 سنة، ودا من خلال التدريس الاستثنائي، وتجارب التعليم المغامرة.

ونهدف إلى رعاية مواطنين مطلعين، ومتعاطفين، ومحترمين، وعالميين ليُصبح طلابنا قادة المستقبل، ومتعلمين مدى الحياة، مزودين بالمهارات والدافع والتعاطف اللازمين للمساهمة بشكل إيجابي في المجتمع، وإحداث تأثير دائم على العالم”.

ومهمة المدرسة: “تمثل الـ BSA تعليم دولي عالي الجودة على الطراز البريطاني يؤدي للالتحاق بالجامعات البريطانية، وغيرها من مؤسسات التعليم العالي الدولية، ونهدف إلى تطوير الطالب وتجهيزه لدخول المجتمع العالمي”.

اعرف كمان عن: المدرسة البريطانية في مصر.

المراحل الدراسية

بتضم الـ BSA جميع المراحل الدراسية، وهي:

المرحلة التأسيسية “Early Years Foundation Stage”

بتقدم المدرسة البريطانية بالإسكندرية برامجها للأطفال اللي بتتراوح أعمارهم بين 3 لـ 5 سنوات، وبتوفر أساس للتعلم المستقبلي من خلال منهج قائم على اللعب.

ففي مرحلة الـ EYFS تم تصميم إطار لدعم تنمية الأطفال الصغار في 7 مجالات رئيسية، وهي:

• فهم العالم، والفنون التعبيرية والتصميم.
• معرفة القراءة والكتابة والرياضيات.
• التنمية الشخصية.
• التواصل واللغة.
• الاجتماعية.
• العاطفية.
• التطور البدني.

والهدف هو خلق بيئة محفزة وآمنة، ورعاية الأطفال لتطوير حب التعلم، وبناء المهارات الأساسية عندهم، زي الثقة، والتفاعل الاجتماعي، ومعرفة القراءة، والكتابة، والحساب في وقت مبكر.

وبيتوفر الإطار القانوني لبرنامج EYFS على موقع Foundation Years الإلكتروني وعلى موقع وزارة التعليم الإلكتروني.

المرحلة التأسيسية KS1

المرحلة دي في المدرسة البريطانية بالإسكندرية بتشمل الأطفال من عمر 5 لـ 7 سنين (السنة 1 والسنة 2)، وفي المرحلة دي الأطفال بيبدأوا يتعرفوا على تعليم رسمي أكتر، ودا مع الاستمرار في البناء على الأساس اللي اتعلموه في مرحلة EYFS.

المواد الدراسية

المنهج الدراسي في KS1 بيتضمن مواد أساسية زي:

• اللغة الإنجليزية.
• الرياضيات.
• الحوسبة.
• العلوم.

وكمان مواد تانية إضافية زي:

• الفن والتصميم.
• التربية البدنية.
• الموسيقى.
• الجغرافيا.
• التاريخ.

وبيكون الهدف في المرحلة دي؛ تنمية مهارات القراءة والكتابة والحساب، وتعزيز الفضول عند الأطفال، وتشجيعهم على استكشاف العالم حواليهم.

والتعلم في المرحلة دي بيكون تفاعلي وممتع، مع تركيز كبير على الصوتيات، القراءة، ومهارات الأرقام، ودا من أبرز مميزات المدرسة البريطانية بالإسكندرية في المرحلة دي.

المرحلة التأسيسية الثانية (KS2)

KS2 بتشمل الأطفال من سن 7 لـ 11 سنة (من السنة 3 للسنة 6)، وفي المرحلة دي بيتبنى على المهارات والمعرفة اللي اكتسبها الطلاب في KS1، مع التركيز أكتر على الفهم العميق، والصرامة الأكاديمية.

المواد الدراسية

المنهج في المرحلة الأساسية الثانية بيركز على المواد الأساسية زي:

• اللغة الإنجليزية.
• الرياضيات.
• العلوم.

وكمان مواد إضافية زي:

• التصميم والتكنولوجيا.
• الفن والتصميم.
• التربية البدنية.
• الموسيقى.
• الحوسبة.
• الجغرافيا.
• التاريخ.

وبيتم تدريس اللغة الثانية بداية من الصف الرابع (Year 4).

الأهداف

• تعميق الفهم لمحتوى المواد الدراسية.
• تنمية مهارات التفكير المستقل.
• تعزيز قدرات حل المشكلات.

التقييم

في نهاية المرحلة، بيتم إجراء تقييم لقياس مدى استعداد الطلاب للانتقال للتعليم الثانوي.

المرحلة الثانوية (KS3 – KS4)

بتشمل مرحلة المدرسة الثانوية المرحلة الأساسية 3 و 4، ودي اللي بتلبي احتياجات الطلاب بين 11 – 16 سنة، (السنوات من 7 – 11).

المرحلة الأساسية الثالثة (KS3)

بتغطي المرحلة دي الأعمار من 11 لـ 14 سنة (السنوات من 7 لـ 9)، والمنهج هنا بيستمر في تقديم تعليم شامل ومتوازن، وبيشمل:

• اللغات الأجنبية الحديثة.
• تكنولوجيا التصميم.
• الدراسات الدينية.
• اللغة الإنجليزية.
• التربية البدنية.
• الموسيقى.
• الرياضيات.
• الحوسبة.
• العلوم.
• التاريخ.
• الفن.

الأهداف

• إعداد الطلاب للدراسة المتخصصة في المرحلة الرابعة.
• تنمية التفكير التحليلي ومهارات البحث والتواصل.
• ترسيخ التعلم السابق.

المرحلة الرئيسية الرابعة (KS4)

العمر: من 14 لـ 16 سنة (السنوات 10 و11).

المنهج الدراسي

الطلاب بيبدأوا في دراسة مواد شهادة التعليم الثانوي (الـ IGCSE) ، وبيختاروا مواد أساسية زي:

• اللغة الإنجليزية.
• الرياضيات.
• العلوم.

بجانب مواد تانية اختيارية، حسب اهتماماتهم وأهدافهم المستقبلية.

الأهداف

إعداد الطلاب لمراحل التعليم ما بعد الثانوية سواء كانت: مستوى A أو مؤهلات مهني أو مسارات تانية زي التدريب المهني.

وامتحانات IGCSE بتكون صارمة، وبتقيم معرفة الطلاب من خلال اختبارات نهائية.

الصف السادس KS5

بيغطي الصف السادس (السنوات من 12 لـ 13) في المدرسة البريطانية بالإسكندرية، وبتكون الأعمار من 16 لـ 18 سنة؛ وبيعتبر المرحلة النهائية من التعليم الثانوي.

المؤهلات

دراسة مواد المستوى المتقدم (A-Level): من 2 لـ 4 مواضيع متخصصة، بتتناسب مع اهتمامات وأهداف الطلاب.

الأهداف

• تطوير البحث المستقل والمهارات المتقدمة.
• تعزيز الدراسة المتعمقة والتفكير النقدي.
• إعداد الطلاب للجامعة أو سوق العمل.

الطلاب في المرحلة دي بيتشجعوا يعتمدوا على نفسهم في التعلم، وينمّوا مهاراتهم للدراسة بطريقة ناضجة ومؤهلة للنجاح المستقبلي.

اقر أ أيضاً: ما هي مواد الـ IGCSE في مصر؟

مميزات المدرسة البريطانية بالإسكندرية

بتوفر الـ BSA تعليم متميز وبيئة متطورة لنمو الطلاب بشكل سليم، ومن أبرز مميزاتها:

• توفير منح إضافية وبتشجع الطلاب يشاركوا في الأنشطة الثقافية والاجتماعية، ودا من ضمن رؤيتهم إن التعليم رحلة متكاملة، مش بس جوه الفصل، لكنها كمان بتطور التفكير النقدي والإبداعي عند الطلاب من خلال برامج وأنشطة متنوعة.
• تقييم المدرسة لنفسها بشكل مستمر، ودا بسبب طموحها الدائم للتطوير سواء داخل مصر أو براها، عشان تلاقي أفضل طرق للتدريس تقدمها للطلاب.
• استخدام أساليب تدريس حديثة تناسب كل طفل، ولو فيه أي تأخر في مستواه بيدخلوا أولياء الأمور في التقييم عشان يشتغلوا مع بعض لتحسين الوضع.
• وجود مدرسين مؤهلين بشهادات معترف بيها من بريطانيا، ومعاهم فريق مساعدين لدعم العملية التعليمية.
• تدعيم التعليم الموازي اللي بيساعد الأطفال يطوروا مهاراتهم، ودا لإيمانهم إن بكرة هيكون مختلف عن النهاردة.
• تقديم دعم لغة للطلاب غير الناطقين بالإنجليزية؛ ودا من أهم مميزات المدرسة البريطانية بالإسكندرية .
• التركيز على تقوية مهارات الطلاب في اللغة الإنجليزية والعربية عشان يكونوا مستعدين للمستقبل.
• تقديم برامج دراسية زي IGCSE/GCSE، وطلابها بيحققوا نتايج مميزة جداً في اختبارات الـ SAT.
• حصول المعلمين على تدريب مستمر عشان يقدموا دروس بطريقة مبتكرة وعصرية.
• توفير خطط دعم تعليمية مخصصة للمغتربين والطلاب ذوي صعوبات التعلم.
• زرع الثقة الدائم في ولي الأمر إن طفله بيكبر بثقة وحماس لمستقبل أفضل.
• إعداد الطلاب ليصبحوا قادة المستقبل ومساهمين إيجابيين في المجتمع.
• الفصول أحجامها صغيرة، ودا بيضمن تفاعل قوي بين المدرسين والطلاب.
• وجود برنامج أنشطة خارج المنهج يشمل الأنشطة الرياضية والموسيقية.
• توافر نشاط رياضي مميز، بتشجع المدرسة من خلاله الفنون الإبداعية.
• توفير تعليم بريطاني دولي عالي الجودة للطلاب من سن 3 إلى 18 عامًا.
• رعاية مواطنين عالميين متعاطفين، محترمين، ومتعلمين مدى الحياة.

اقرأ أيضاً: أهم 7 معلومات عن المدارس البريطانية المعتمدة في مصر.

التقييم

المدرسة البريطانية بالإسكندرية بتقبل الطلاب عن طريق التقييم والمقابلة. وعلى الرغم من إن المدرسة بتفضل إن التقييمات تكون في الفصل الدراسي الرابع استعدادًا للعام الدراسي الجديد، لكن لو اتأخر في التقييمات في الفصل دا، فيمكن قبول الطلاب في أي وقت خلال السنة.

والتقييم بيخضع لبعض المعايير الصارمة، فلازم يكون الطالب في حالة جيدة من حيث الفهم والمستوى الأكاديمي؛ ففي المرحلة الأساسية، لو كان عندك طفل في مرحلة رياض الأطفال، لازم تقدّم نسخة من تقرير الحضانة، وواجب على أولياء الأمور تقديم بيانات الطفل وأي مستندات إضافية، زي التقارير الدراسية من مدارس سابقة.

وفي حالة الاستفسار أو حجز مكان للطفل، تقدر تتصل بالمدرسة من خلال الهاتف أو البريد الإلكتروني: [email protected].

ولو حابب تقدم للمدرسة، لازم تحضر معاك نسخة من شهادة الميلاد وصورة من جواز السفر، واتأكد من تقديم المستندات اللي بتوضح تاريخ الطفل الأكاديمي.

إجراءات التقديم

بتختلف إجراءات التقديم لكل مرحلة، وبتتنوع الفرص بناءً على الأماكن الموجودة، ومستوى الطالب.

المرحلة التأسيسية الأولى

سن القبول من 3 سنوات و 6 أشهر في 1 أكتوبر من كل سنة في المدرسة البريطانية بالإسكندرية، والأطفال بيتقيموا للدخول من بداية فصل الربيع في شهر يناير.

وبيتقدموا الأطفال في مجموعات صغيرة للتقييم والملاحظة من قِبل معلمين المرحلة لقياس مدى قابليتهم للتعلم وجاهزيتهم للمرحلة دي.

المرحلة التأسيسية الثانية

لو فيه أماكن فاضية في أي وقت خلال السنة الدراسية في KS2، الأطفال بيتقدموا لحضور جلسة صباحية مع المدرسين والمساعدين.

والجلسة دي هدفها تقييم جاهزية الطفل للتعليم اللي بتقدمه المدرسة، واللي بيتضمن تقوية اللغة الإنجليزية، سلوكهم، وقدرتهم على التعامل مع باقي الأطفال في الفصل.

وأول ما يتم تقييمهم، المدرسة بترد خلال 48 ساعة بخصوص قبولهم، وللعلم إن طول السنة متاح تقييم أي طفل محتاج موارد إضافية في KS2.

مدارس المرحلة الأساسية الأولى والثانية

لو فيه أماكن فاضية في فصول الإعداد والتحضير؛ فالمدرسة البريطانية بالإسكندرية للأطفال بتستقبل أطفال في سن بين 5.5 لـ 10.5 سنين للتقييم حسب العمر المناسب للصف.

والتقييم دا بيكون خلال اليوم وبيتضمن مهام تقييم أونلاين لتحديد مستواهم في الإنجليزي وبعض المهام اللي بتخص المدرسة، دا بالإضافة كمان لتقييم سلوكهم وتفاعلهم مع باقي الطلبة في أوقات اللعب والعمل في المدرسة.

المدرسة الثانوية

لو فيه أماكن في فصول الثانوية، التقييم بيتم في أي وقت خلال السنة، والطلبة المرشحين بيتقدموا لاختبار تقييم شامل سواء أونلاين أو في المدرسة نفسها.

كمان الطلبة بيتقابلوا مع رئيس المدرسة لتحديد مستواهم في الإنجليزي، ومدى جاهزيتهم للمنهج البريطاني IGCSE، وكمان فهمهم للحياة المدرسية.

والتقييم دا بيبقى أساسي لقبولهم خصوصًا لو كانوا في سنة 10، ولو في حالات استثنائية، الطلبة في سنة 6 ممكن يتم قبولهم حسب نتائج اختبارات خاصة بالمدرسة البريطانية بالإسكندرية.

للطلاب/ الأهالي المقيمين في مصر

الأهالي بيقدموا استمارة التسجيل ومعاها الأوراق المطلوبة وبيسددوا الرسوم، وبعد كدا بيتم تحديد ميعاد للتقييم مع الطفل، وبتكون في الأول مقابلة مع مدير المدرسة المغترب وبعدها مقابلة مع مدير المدرسة نفسه.

للطلاب/ الأهالي المقيمين في الخارج

الأهالي بيملوا النسخة الإلكترونية من استمارة التسجيل (وبيسددوا رسومها لما يرجعوا مصر) وبيبعتوا الأوراق المطلوبة، وبعدها الطفل بيخضع لتقييم أونلاين لو متاح.

ولو التقييم مش ممكن أونلاين، الطفل بيتقيم شخصيًا أول ما يوصل مصر على إيد مدرس الفصل.

وفي الحالات الخاصة، المدرسة بتنسق مع الأهالي لو الطفل في بلد تاني للحصول على تقارير إضافية من مدرس الفصل الحالي، وبتشمل تحليل مستواه الأكاديمي وسلوكه.

ولو الطفل أقل من 6 سنين، بيتم تحديد مقابلة عبر سكايب مع مدير المدرسة لتقييم وضعه وتحديد القرار.

قائمة الانتظار

لو مفيش أماكن متاحة، اسم الطفل بيتضاف لقائمة الانتظار وبيتم تحديد الأولويات حسب عمره أو الموقف، وبمجرد ما يكون فيه مكان متاح، بيتم التواصل مع أولياء الأمور فورًا.

ولو الأب أو الأم ما استجابوش خلال 24 ساعة، الدور بيروح للشخص اللي بعده في القائمة.

والطلبة اللي ما تمش قبولهم يقدروا يقدموا تاني بعد فترة زمنية لو فيه أماكن فاضية.

رسوم المدرسة

بتشمل المصروفات رسوم التعليم، والكتب المدرسية، ورسوم التسجيل 20000 جنيه مصري، ورسوم أبليكيشن 500 جنيه مصري، ورسوم الأسسمنت 5000 جنيه مصري.

باب التقديم بيفتح في شهر نوفمبر.

• FS 1-2: 220,000 LE.
• Year 1-6: 281,000 LE.
• Year 7-9: 351,000 LE.
• Year 10: 358,000 LE.

والدفع بيكون خلال أسبوعين من إصدار الفاتورة، ولازم يتم الدفع قبل ميعاد الدراسة.

الاستثناءات

• الدارسين للمنهج البريطاني قبل كدا.
• أبناء المواطنين البريطانيين.
• أبناء الموظفين بالمدرسة.
• الإخوة للطلاب الحاليين.

ليه تختار المدرسة البريطانية بالإسكندرية (BSA)؟

بتتميز الـ BSA بتقديم تعليم متطور ومستوى عالي للطلاب، وعشان كدا هي وجهة لكتير من الأهالي، ودي أهم الأسباب لإلحاق ابنك بيها:

1- تاريخ غني وثقة مستمرة

ودا لإنها اتأسست من 4 عقود، وليها سمعة طيبة في تقديم تعليم متميز، وأصبحت المؤسسة التعليمية الموثوقة للعائلات في الإسكندرية.

2- منظور عالمي

بتضم المدرسة مجتمع طلابي متنوع يضم جنسيات وثقافات مختلفة، وبالتالي بتعزز البيئة متعددة الثقافات قيم التفاهم والاحترام والتعاون بين الثقافات.

3- تنمية شاملة

بتقدم المدرسة مجموعة متنوعة من الأنشطة اللاصفية زي الرياضة والفنون وخدمة المجتمع، وبتركز البرامج دي على تعزيز القيادة، والإبداع، والعمل الجماعي، والمسؤولية الاجتماعية.

4- مجتمع متماسك

تؤمن المدرسة البريطانية بالإسكندرية بأن التعليم مسؤولية مشتركة بين الطلاب، وأولياء الأمور، والموظفين، ودا من خلال اجتماعات منتظمة وورش عمل وفعاليات مدرسية.

5- طاقم بريطاني مؤهل

بتوظف المدرسة معلمين مغتربين متخصصين في المناهج البريطانية زي اللي بتدرس في المملكة المتحدة، وعندهم خبرة واسعة ومعرفة عميقة بالمعايير التعليمية العالمية.

6- منهج دراسي شامل ومعتمد دوليًا

بتعتمد المنهج البريطاني المعروف عالميًا بصرامته الأكاديمية وتنمية التفكير النقدي والإبداع.

في النهاية، المدرسة البريطانية بالإسكندرية مش بس مكان للتعليم، دي بيئة متكاملة بتجمع بين التفوق الأكاديمي والرعاية الشاملة لكل طالب، مع منهج بريطاني عالمي وطاقم تدريس محترف، أطفالك هيكونوا مستعدين للمستقبل بكل قوة وثقة.

فلو بتدور على تعليم يضمن مستقبل أفضل لأولادك، فالـ BSA وجهتك المثالية.