قائمة بأشهر أماكن ركوب العجل في الإسكندرية ومميزاتها

أشهر أماكن ركوب العجل في الإسكندرية ومميزاتها

بتدور على رياضة ممتعة وبسيطة تمارسها مع أولادك؟

ممارسة رياضة ركوب العجل واحدة من أمتع التجارب اللي ممكن تخوضها كولي أمر مع أولادك في مختلف الأماكن. ودا لأنها من الأنشطة اللي بتأثر بشكل إيجابي في بناء العضلات، وتحسين الصحة النفسية والعقلية.

من هنا، بنقدملك قائمة بأشهر أماكن ركوب العجل في الإسكندرية، وإيه اللي بيميز كل مكان عن التاني، فتابع معانا.

5 فوائد لرياضة ركوب العجل

5 فوائد لرياضة ركوب العجل

ركوب العجل من أكتر الرياضات اللي بتأثر على الحالة النفسية والجسدية للإنسان سواء كان كبير أو صغير، ومن ضمن فوائده بنلاقي:

1- بنية قوية 

بيعتمد ركوب العجل بشكل كبير على استخدام الذراعين والقدمين، بالإضافة إلى عضلات الظهر، ودا بيساعد على تقوية عضلات الجسم، وتحقيق التوازن. 

من هنا، فاختيارك لأفضل أماكن ركوب العجل في الإسكندرية هيساعد أطفالك يكتسبوا قوة ومرونة أكبر في عضلات جسمهم.

2- فقدان الوزن

من أفضل الطرق اللي بتساعد في خسارة جزء كبير من الدهون هي رياضة ركوب العجل؛ لإنها: 

  • بتساعد في حرق نسبة الدهون في منطقة البطن.
  • بتقوي عضلات الفخذين والأرداف.

عشان كدا بنلاقي كتير من صالات الجيم بيكون فيها أجهزة شبيهة بالعجل، بتعمل نفس التأثير على الجسم.

3- مرونة في الحركة 

قبل ما نذكر أشهر أماكن ركوب العجل في الإسكندرية، مهم تعرف إن رياضة ركوب العجل هي واحدة من أهم الطرق اللي بتسهل مرونة الحركة، لإنها بتقوي المفاصل بطريقة غير مُجهِدة، وبتأثر على قوة وصلابة الجسم، بالتالي بتقلل فرصة حدوث الالتهابات في منطقة المفاصل.

4- تحسين الصحة العقلية

بيساعد ركوب العجل في بناء وتجديد خلايا الدماغ، وبيعزز كمية الدم الواصل إليه، ودا بيعمل على تحسين الشعور بالسعادة، وتقليل التوتر والقلق.

5- الوقاية من الأمراض

أثبتت الدراسات إن الأشخاص المنقطعة عن ممارسة الرياضة هم أكثر الناس عُرضة للإصابة بالأمراض.

ومن هنا بتظهر أهمية ممارسة رياضة زي ركوب العجل، كونها بتقلل خطر الإصابة بمرض السكر، وبتساعد في الحفاظ على نسبته الطبيعية في الدم.

أشهر أماكن ركوب العجل في الإسكندرية 

أشهر 4 أماكن ركوب العجل في الإسكندرية

الإسكندرية بتضم أماكن مختلفة كتيرة لركوب العجل، تقدر كولي أمر تختار منها الأنسب ليك ولأولادك، ومنها:

1- شاطئ ميامي

يعد شاطئ ميامي واحد من أشهر الأماكن اللي ممكن تمارس فيها ركوب العجل، ودا لإنه بيتميز بوجود:

  • مطاعم وكافيهات؛ عشان لو حبيت تشحن طاقتك.
  • رمال ناعمة؛ تسهل ممارسة ركوب العجل.
  • مناظر خلابة؛ بهدف الاستمتاع.

دا غير منظر البحر المصحوب بالسما الصافية، بيخليك مستمتع بشكل أكبر مع أولادك.

2- المارينا 

واحدة من أرقى المناطق في الإسكندرية هي المارينا، وموجودة في منطقة الساحل الشمالي، وبتتميز باحتوائها على:

  1. مساحات واسعة للمشي، أو الجري، أو ركوب العجل.
  2. مجموعة واسعة من الفنادق الفاخرة.
  3. العديد من المطاعم والمقاهي.
  4. مناظر خلابة للمارينا والبحر.

3- النوادي

كمان واحدة من أشهر وأفضل أماكن ركوب العجل في الإسكندرية هي النوادي، وأبرزها:

نادي سبورتنج

النادي من أقدم الأندية الرياضية في مصر، وبيضم العديد من الأنشطة الرياضية زي: 

  • كرة الطاولة.
  • كرة القدم.
  • الفروسية.
  • سكواش.
  • المبارزة.
  • سباحة.
  • التنس.

دا بالإضافة إلى كونه بيوفر مساحات كبيرة داخل النادي، بهدف ممارسة الأطفال والكبار الجري أو رياضة ركوب العجل بشكل آمن.

العنوان: سيدي جابر, الإسكندرية

تليفون النادي: 03/5458044

رقم سنترال النادي: 03/5433627 – 03/5433629

البريد الإلكتروني: info@alexsportingclub.com

نادي الاتحاد السكندري

النادي يعد واحد من أشهر أماكن ركوب العجل في الإسكندرية، فتقدر تركب العجل في تراكات مخصصة وكبيرة. بالإضافة إلى إنه بيتميز بوجود مركز للياقة البدنية، وحمام سباحة، وكمان بيشمل أنشطة مختلفة زي:

  • الكرة الطائرة.
  • كرة السلة.
  • كرة القدم.
  • كرة اليد.

العنوان: شارع الإسكندر الأكبر – الشاطبى, 21577، Labs أحمد محمد حسنين، الأزاريطة والشاطبي، قسم باب شرقي، الإسكندرية.

رقم التليفون: ‎+20 35923886

البريد الإلكتروني: itthad.club@gmail.com

نادي الصيد

أحد النوادي الرياضية، وليه 3 فروع:

 وبيميز نادي الصيد تركيزه على الرياضات المائية، فبنلاقي رياضة:

  1. الكيك والكانوي.
  2. السباحة.

دا غير وجود رياضات أخرى زي: كرة القدم، والسلة، ورياضة ركوب العجل، ودا بيسمح له يكون ضمن أماكن ركوب العجل في الإسكندرية. 

بالإضافة إلى ميزة توفير مرافق وصالات اللياقة البدنية، بهدف المحافظة على جسد قوي ونشيط.

رقم التليفون: ‎+20 34877919

البريد الإلكتروني: info@nadyelsied.com

 4- الحدائق العامة

الإسكندرية بتضم عدد كبير من الحدائق العامة، واللي ممكن تستغلها في ممارسة رياضة ركوب العجل مع أولادك، ومنها:

حديقة أنطونيادس

الحديقة جميلة جدَا، وتم افتتاحها من عشرات السنين، وبيتم تجديدها كل فترة، وبتتميز بهدوءها وجمالها الراقي، وكمان بتحتوي على مجموعة من المنحوتات القديمة والبِرك المائية.

حديقة أنطونيادس هي مكان مناسب جدًا لممارسة الرياضات اللي بتتطلب مساحات واسعة زي رياضة ركوب العجل، الجري، وغيرها. 

العنوان: حديقة انطونيادس، ش البرت الأول، ميدان سموحة، سيدي جابر.

حديقة استاد الإسكندرية

مكان جميل بجانب الاستاد، وتعد مكان مناسب جدًا للعائلات، وبتزود الحيوية عند أطفالك لإن فيها أماكن مختلفة للجري والمشي، كمان تقدر تجيب معاك العجل، وتعمل سباق أنت وطفلك وتقضوا وقت ممتع سوا.

العنوان: 12 عمر طوسون، قسم باب شرقي، الإسكندرية. 

حديقة منتزه الشلالات

وهي واحدة من أشهر أماكن ركوب العجل في الإسكندرية، لإنها بتنفرد بوجود المناطق الترفيهية والمساحات الواسعة والألعاب.

ودا بيخليها المكان الأمثل لممارسة الرياضات المختلفة للأطفال والعائلات والشباب، بجانب الاستمتاع بالطبيعة، والهواء الطلق بهدف الترفيه عن النفس

العنوان: منتزة الشلالات، قسم باب شرقي، الإسكندرية 

حديقة الطفل

من أجمل الحدائق العامة المخصصة للأطفال، ودا بسبب تصميمها الملون والمرح، والألعاب الترفيهية المختلفة المناسبة لمختلف الأعمار، زي: 

  • حمام السباحة.
  • الزحليقات.
  • المراجيح.

دا غير وجود مساحات واسعة وآمنة يقدر الطفل عن طريقها يمارس رياضة ركوب العجل، ويستمتع بالهواء المنعش، واللي بيخليها تدخل قائمة أفضل وأشهر أماكن ركوب العجل في الإسكندرية.

العنوان: عزبة سعد، قسم سيدى جابر، الإسكندرية

حديقة المنتزه

بعد التجديد والتطوير المستمر للحديقة، أصبحت مكان كبير واسع الخضرة، وفيها بُحيرة جديدة، بتضيف للمكان جو هادي ومريح نفسيًا، ومناسب للمشي، وتقدر تمارس فيها رياضة ركوب العجل.

العنوان: قصر المنتزه، طريق الجيش، المندرة بحري، قسم ثان المنتزة، الإسكندرية

في النهاية، بغض النظر عن مستوى خبرتك أو خبرة أولادك في ممارسة رياضة العجل، فأفضل أماكن ركوب العجل في الإسكندرية بتنفرد بوجود مسارات مخصصة وآمنة للاعبين، سواء داخل الحدائق والنوادي أو خارجها.

فـ متفوتش فرصتك في قضاء وقت مفيد وممتع مع أولادك في تجربة ركوب العجل، عشان تقربوا من بعض أكتر، وطبعًا مع استكشاف المناطق المختلفة وعمل ذكريات.

دليل المدارس الاسكندرية

ابحث عن المدرسة واحصل علي أدق النتائج وكافة المعلومات.

إقرأ أكثر..

  • لا توجد تعليقات بعد.
  • أضف تعليق