أفضل 7 أماكن تدريب تنس الطاولة في الإسكندرية وفوائد ممارستها

ما هي أفضل أماكن تدريب تنس الطاولة في الإسكندرية؟

واحدة من الألعاب الرياضية الشيقة والممتعة، هي رياضة تنس الطاولة، ودا لأن فوائدها بتعود على الجسم كله؛ بداية من الإيد لحد الرجل.

من هنا، بنقدملك مجموعة أماكن مختلفة لتدريب وتعليم رياضة تنس الطاولة، اللي تقدر تمارسها مع أولادك. فتابع معنا عشان تختار المكان الأنسب والأفضل ليك ولابنك.

فوائد رياضة تنس الطاولة 

لعبة تنس الطاولة تعد من الألعاب الرياضية المهمة، ودا يرجع لأنها بتساعد في:

1- تنمية التوازن والتنسيق الحركي

من أهم مهارات لعبة تنس الطاولة هو التنسيق بين حركات الجسم وحركة العين، ودا بيساعد ابنك أو بنتك في اكتساب التوازن في الحركة، دا غير إنه بيزيد من قوة الملاحظة، والثبات الانفعالي.

2- تحسين التركيز والانتباه

تعتمد لعبة تنس الطاولة على التركيز على أكتر من حاجة في نفس الوقت، زي طريقة اللعب، والشبكة، وتسديد الأهداف، كمان بيكون مهم الالتزام بالقواعد. وكل دا بيحفز تركيز وانتباه ابنك.

3- تقوية العضلات واللياقة البدنية

ممارسة رياضة تنس الطاولة بتبني عضلات الجسم بشكل قوي، وبالأخص اليد؛ لإنها بتعتمد على  مسك المضرب بشكل صحيح، والتنسيق بين حركة اليد والجسم.

4- حرق السعرات الحرارية

وفقًا لموقع Fatsecret  فبنلاقي إن متوسط الحرق عند اللاعب خلال ساعة من ممارسة رياضة تنس الطاولة، هو ما يقرب من 200- 350 سعرة حرارية. وممكن كمان يزيد بزيادة نشاط اللاعب ومستواه.

ودا واحد من أسباب تحفيز أولياء الأمور على ممارسة أولادهم رياضة تنس الطاولة، لكن هنا لازم ننبه إنه من المهم متابعة نظام غذائي متوازن لتحقيق أفضل النتائج في خسارة الوزن، والحفاظ على اللياقة البدنية.

5- تنمية المهارات

بتتميز أماكن تدريب تنس الطاولة في الإسكندرية بتوفير صالات جيدة ومجهزة للعب الأمن، ودا بهدف تنمية المهارات الأساسية للاعبين، واللي من ضمنها:

• التحكم في حركة الجسم، ووقوف القدمين، والتوازن بشكل عام.
• تحريك الكرة، وتغيير مسارها في اللعب، حسب قواعد المباراة.
• السيطرة على الكرة خلال المباراة، وحسم النتيجة بالفوز.
• التصدي للهجمات، وتسديد الضربات بطرق مختلفة.
• مسك المضرب بشكل احترافي.

أماكن تدريب تنس الطاولة في الإسكندرية

تتميز رياضة تنس الطاولة بإنها مناسبة لمختلف الفئات والأعمار، وبنلاقي في مدينة الإسكندرية أماكن كتيرة لممارسة اللعبة، منها: 

1- النادي الأوليمبي

يعد النادي من أقدم الأندية في الإسكندرية، وأكبرها من حيث المساحة، ومن هنا فهو بيوفر صالات آمنة، ومجهزة بجميع الأدوات في تنس الطاولة.

النادي بيتيح التسجيل في لعبة تنس الطاولة للأعضاء وغير الأعضاء بمواعيد مختلفة لكل فئة، وبيقدم تدريبات بتسمح للاعبيه بالاشتراك في البطولات الدولية والمحلية، ودي واحدة من المميزات اللي بتخليه يتصدر قائمة أفضل أماكن تدريب تنس الطاولة في الإسكندرية.

النادي بيقبل الأطفال في لعبة تنس الطاولة بداية من عمر 6 سنوات حتى 18 سنة، وكمان بيوفر تدريب للشباب فيما فوق 18 سنة. 

أما عن أسعار الاشتراك فبتختلف كل سنة، وتقدر تعرفها بالتفصيل من خلال صفحة الفيسبوك الخاصة بالنادي. 

العنوان: ميدان أحمد زويل، وابور المياه، قسم باب شرقي, الإسكندرية.

رقم التليفون:  4253110-03 

الإيميل: [email protected]

2-  أكاديمية لاشين

من أفضل أماكن تدريب تنس الطاولة في الإسكندرية، هي أكاديمية لاشين لتدريب وتعليم تنس الطاولة. ودا يرجع لكونها بتوفر نخبة من أفضل مدربي تنس الطاولة في الإسكندرية، واللي عندهم خبرة كبيرة في المجال.

الأكاديمية بتقبل اللاعبين بداية من عمر 6 سنوات وما فوق، سواء عندهم خبرة، أو مبتدئين. دا غير إنها بتوفر:

• تدريب للرجال فوق 18 سنة.
• فرق البراعم.
• فرق ناشئين.

أما أسعار الاشتراك فهي 300 جنيه شهرياً، بمعدل 8 حصص في الأسبوع، والتمرين مدته ساعتين. وبيقدر اللاعب خلال وقت التمرين يتعلم كل المهارات اللي محتاجها للوصول إلى الاحتراف في وقت قياسي، دا غير إنه بيتعرف على طرق الأمن والسلامة خلال ممارسة اللعبة.

ومن ضمن مميزات الأكاديمية إنها بتوفر تقييمات شهرية، بهدف مساعدة اللاعبين في تحديد مستواهم الرياضي، ومدى التقدم في اللعبة.

أما عن مواعيد الأكاديمية، ففرق:

• البراعم والناشئين، بتكون أيام (الاثنين – الثلاثاء – الجمعة).
• الشباب أيام (الاثنين – الخميس) من الساعة  7 إلى 9 مساءً.

ومن ضمن الـ Feedbacks اللي بتسمح لأكاديمية لاشين تكون واحدة من أفضل أماكن تدريب تنس الطاولة في الإسكندرية، هي:

• “يكفي تدريب اللاعبين بأيدي مدربين خبرة، وضميرُا وأخلاقًا، ويكفيهم الاختلاط بآل لاشين، أبطال الأخلاق، والأدب قبل تنس الطاولة”
• “إضافة كبيرة لتنس الطاولة فى الإسكندرية، وإن شاء الله بالتوفيق لكل المحترمين القائمين عليها.”
• “أفضل مكان لتعليم تنس الطاولة فى الإسكندرية.”

العنوان : نادي السكة الحديد – بجوار محطة قطار سيدي جابر -شارع دنشواي

رقم تلفيون: 01271586715

3- نادي سموحة

نادي سموحة الرياضي واحد من أفضل أماكن تدريب تنس الطاولة في الإسكندرية المميزة، لإنه بيوفر ملاعب تنس طاولة آمنة للاعبين، وبيضم عدد كبير من محترفي اللعبة.

ويعد النادي اختيار ممتاز لمحبي تنس الطاولة والرياضة عمومًا، لإنه بيقدم للاعبيه نخبة من المدربين المؤهلين، وذوي الخبرة في تدريب تنس الطاولة، ويمكن للأعضاء وغير الأعضاء الاشتراك في اللعبة. 

أما أسعار الاشتراك فهي بتتحدد على حسب مستوى اللاعب، والفريق اللي هينضم له. وإدارة النادي بتوفر معلومات أكتر عن أسعار وأوقات التدريب، للراغبين في الانضمام في التدريبات.

عنوان النادي: ميدان فيكتور عمانويل – سموحة – إسكندرية.

رقم التليفون: 034257324 

الإيميل: [email protected]

4- نادي الإسكندرية الرياضي (سبورتنج)

نادي سبورتنج هو واحد من النوادي المميزة في لعبة تنس الطاولة اللي لاعبيه بيحققوا نتائج مذهلة خلال المباريات، ومن ضمن مميزات النادي:

1. مساعدة اللاعب على اكتساب المهارات الأساسية في وقت قياسي.
2. تشجيع اللاعب على التمرين والتقييم المستمر.
3. تخصيص صالات كبيرة لتدريب تنس الطاولة.
4. المشاركة في بطولات دولية ومحلية.

وبنلاقي سن القبول بلعبة تنس الطاولة في نادي سبورتنج، هو:

• الناشئين تحت سن 21 سنة.
• الناشئين تحت سن 18 سنة.
• الناشئين تحت 15 سنة.
• الناشئين تحت 12 سنة.

كمان بنلاقي إن النادي بيوفر تدريبات متميزة للأعضاء بحضور متخصصين ومدربين محترفين، وتقدر تختار منها الأنسب ليك.

عنوان النادي: قسم سيدي جابر – سبورتنج – الإسكندرية. 

رقم التليفون: 035458044 

الإيميل: [email protected]

اقرأ أيضاً: أسعار اشتراكات النوادي في الإسكندرية 2023.

5- نادي أصحاب الجياد

النادي بيوفر بيئة رياضية مميزة وملاءمة لممارسة لعبة تنس الطاولة، ودا بيسمح له يكون ضمن هو أفضل أماكن تدريب تنس الطاولة في الإسكندرية.

ومن مميزاته اللي بتساهم في رفع مستوى اللاعبين وأدائهم، إنه بيقدم:

1. معدات وصالات بجودة عالية للأعضاء وغير الأعضاء، زي؛ المضارب، والكرة.
2. برامج تطوير متنوعة للمبتدئين، بهدف الاحتراف في وقت قياسي.
3. تدريبات في مختلف المستويات، والأعمار.

بالإضافة إلى إن نادي أصحاب الجياد بيشارك في البطولات والمسابقات على المستوى المحلي والدولي، سعياً للفوز، وتحقيق نتائج متميزة.

المكان بيقبل اللاعبين بداية من عمر 6 سنوات حتى 18 سنة، وبيقدم شرائح أسعار مختلفة للأعضاء، وغير الأعضاء.

مصاريف الاشتراك في نادي أصحاب الجياد الأعضاء

بنلاقي إن المصاريف بتتقسم كالتالي: 

مصاريف اشتراك الأعضاء

الاشتراك الشهري للابن الأول من الأعضاء بتكون 200 جنيه، وفي حالة وجود ابن تاني، فالاشتراك الشهري بيبقى في حدود 150 جنيه.

أما الاشتراك لمدة 3 شهور كاملين للابن الأول بتكون 500 جنيه، وفي حالة الابن التاني بتبقى 350 جنيه.

مصاريف اشتراك غير الأعضاء

الاشتراك لمدة شهر واحد لغير الأعضاء بيكون 300 جنيه، أما سعر الاشتراك 3 شهور كاملين هو 750 جنيه.

أما بالنسبة لمواعيد التمارين بتكون أيام الثلاثاء والخميس من الساعة 5:00 مساءً إلى الساعة 6:30 مساءً.

العنوان: طريق 15 مايو – سموحة – الإسكندرية. 
رقم التليفون: ‎01286625004

6- هيئة الشبان العالمية بالإسكندرية

النادي معروف سابقًا باسم “نادي الشبان المسلمين”، وهو من أفضل أماكن تدريب تنس الطاولة في الإسكندرية، ودا بسبب إنه بيقدم برامج لتطوير وتنمية الشباب تربويًا واجتماعيًا، وبيدعمهم في تعزيز روح الانتماء والتعاون من خلال ممارسة الرياضات المختلفة. 

المكان مجهز بالكامل من حيث صالات الألعاب المخصصة، والأدوات المطلوبة للعبة، بهدف تأهيل اللاعب، ورفع مستواه في وقت قياسي.

النادي بيقبل اللاعبين بداية من عمر 5 سنوات، وبيسجلهم في الاتحاد المصري لتنس الطاولة، بهدف إعدادهم، وتدريبهم للمشاركة في البطولات المحلية والدولية.

أما سعر الاشتراك الشهري هو 220 جنيه، بمعدل 8 حصص تدريبية، وبيتم تحديد المواعيد مع الكابتن حسب كل مجموعة. 

ومن ضمن مميزات النادي اللي بتخليه ضمن أفضل أماكن تدريب تنس الطاولة في الإسكندرية، إن كتير من أولياء الأمور واللاعبين بيرشحوه كتجربة جيدة، ومكان متميز لممارسة اللعبة، بالإضافة إلى إنه بيوفر تأجير الطاولات كممارسة عامة للاعبين والهواة.

العنوان: طريق قناة السويس، الشاطبي 367 – محطة ترام الشبان المسلمين.

رقم التليفون: 01022456870

7- نادي الصيد

النادي بيجمع بين مميزات كتيرة بتسمح له يكون ضمن أفضل أماكن تدريب تنس الطاولة في الإسكندرية، واللي من ضمنها: 

1. إتاحة اللعب بشكل تنافسي مع لاعبين آخرين من مستويات مختلفة، بهدف اكتساب الخبرة.
2. التواجد في موقع متميز، وسهل الوصول إليه من مختلف المناطق بالإسكندرية.
3. تدريب اللاعبين في صالات كبيرة، وآمنة لاحتراف رياضة تنس الطاولة.
4. المشاركة في البطولات والمسابقات المحلية والوطنية.

بالإضافة إلى إن النادي بيوفر مدربين محترفين، بهدف تقديم التوجيهات، والنصائح المختلفة للاعبين، لتطوير أساليب اللعب، وتحسين الأداء العام.

وبنلاقي مواعيد التدريب بتتغير كل فترة على حسب البطولات، والمدربين، والمواعيد الحالية هي:

• أيام الأحد والثلاثاء والخميس، من الساعة 6:00 مساءً إلى الساعة 9:00 مساءً.
• يوم السبت من الساعة 3:00 عصرًا إلى الساعة 7:00 مساءً.

ومن مميزات النادي تقديم اختيارات متنوعة في أسعار الاشتراك في لعبة تنس الطاولة، فبنلاقي:

1. الاشتراك الشهري: بيبدأ من 500 جنيه.
2. الاشتراك الربع سنوي: بيبدأ من 1200 جنيه.
3. الاشتراك النصف سنوي: بيبدأ من 2200 جنيه.
4. الاشتراك السنوي: بيبدأ من 4000 جنيه.

العنوان: عزبة نادي الصيد، محرم بك، الإسكندرية.

رقم التليفون: 01144198808

لعبة تنس الطاولة مش مجرد رياضة خاصة بالمحترفين فقط، ولكنها هواية، ورياضة مفيدة تقدر تمارسها أنت وأولادك سوا بشكل ممتع.

وعشان تقدر تختار المكان الأنسب جمعنالك في المقال دا أفضل أماكن تدريب تنس الطاولة في الإسكندرية.استثمر دلوقتي في أولادك، عن طريق رياضة تنس الطاولة، وساعدهم يكتسبوا مهارات جديدة تساعدهم في تقوية جسمهم، وتعزيز صحتهم.